33. Item de nativitate Domini

Hymnvs.

parui benignitas
CAA’ Dei nec non humanitas

ex caritate nimia
ad nos atque gratuita.

O amor quam extaticus,
quam effluens, quam nimius,
qui Deum, Dei Filium,
unum fecit mortalium.

Affectu superfervido,
quo nos tulit ab aeterno,
nequibat se comprimere,
qui venit nos invisere.

Non invisit nos angelo,
seu supremo seu infimo,
carnis assumens pallium
venit ad nos per se ipsum.

In se cum invisibilis

sit nostris lippis oculis,
tectus mortali tunica
huc processit ad publica.

Non solum se ostendere
voluit, sed convivere

CUSSOTSCAGSOWGS XXXIII LOS DLO HLS HLOSD

Deus homo hominibus
hic annis triginta tribus.

Nascitur nobis hodie
pauper, exul rex gloriae,
nobis vagit praesepio
iunctus bovi et asino.

Post nobis circumciditur,
nobis et Iesus dicitur,
pro nobis stellae visio,
nobis Iesu oblatio.

Nobis baptisma suscipit,
nobis ieiunans esurit,

nobis et satan hunc temptat,
nobis temptantem superat.

Nobis orat et praedicat,
pro nobis cuncta factitat,
verbis, signis et actibus
nos quaerens, non se, penitus.

Pro nobis comprehenditur,
flagellatur, conspuitur,
crucis perfert patibulum,
pro nobis tradit spiritum.

Nobis surgit a mortuis,
nobis se transfert superis,
nobis suum dat Spiritum
in robur, in solacium.

Vere talis dilectio

non audita a saeculo

de creatura aliqua
humana vel angelica.

Homo talem non habuit,
quia transgressor extitit,
defuit hoc et angelo
fervore nimis tepido.

Dic, quis umquam spirituum
hic pro salute hominum
incarnari se pertulit:

non dico, crucem subiit?

Hoc sumus fecit Dominus
sua bonitate tractus,

qui natus dedit pretium,
quo mortis solvit debitum.

Hinc ex plena laetitia
concinamus nunc ‘gloria
sit Deo in altissimis?

. una cum laetis angelis.

Hos si replet sic gaudio
nostri congratulatio,

nos o quantum gaudebimus,
quibus Christus est natus.

Delectemur in proprio
nobis nunc nato Domino
tot hunc mulcentes osculis
quot eius membra corporis.

Transeamus in Bethlehem,

quo natus rex Ierusalem,

CS CNCYCONCY CNP 0.0. 400 REZONED ZONE ZONN ZO)

cernamus cum pastoribus
verbum, quod fecit Dominus.

En infans sapientia,
puer, qui ante omnia,
Deus pannis involvitur,
in praesepio ponitur.

Summa cum reverentia
adoremus hic singula,
dilectio hunc compulit,
quod haec Dominus pertulit.

Deo Patri sit gloria
per infinita saecula,
cuius amore nimio
salvi sumus in Filio. Amen.