25. De gloria caelestis ierusalem quoad dotes glorificatae animae

Hymnvs.

CON) neque ullis sensibus,
nec quis cogitare scivit

de mundo viventibus,

quae bona Deus promisit
hic se diligentibus.

V Ec quisquam oculis vidit

Si caro glorificata
dona capit talia,
anima plene beata
habebit o qualia
sibi nude revelata
sponsi sui gloria.

Ibi namque sciendorum
plena sapientia,
cunctorum ac singulorum
concors amicitia,
nostrorum ut oculorum
iucunda concordia.

Ibi verae potestatis

gloriosa dignitas,

singulis ut Dei natis

honoris sublimitas,

gaudium aeternitatis

veraque securitas.

0153975397530753 XXV LOSDLOSHLOSHLESH

Sic mens habebit tenorem

totalis scientiae,
amicitiae dulcorem,
pacis ac concordiae,
potestatem et honorem
gaudens securissime.

Eia quam mire gaudebit
beata tunc anima,

cum circumquaque habebit

tam immensa gaudia
nec ullo umquam egebit,
augetur quo gloria.

Omni sensu sensitive
vigens Deum sentiet
menteque intellective
clare hunc intelleget,
quem amplectens unitive
supra mentem diliget.

Vultu sponsi erit laeta
tunc vis irascibilis,
summo bono tunc quieta
vis concupiscibilis
totaque vero repleta
vis rationabilis.

Ratio tunc veritate
clare illustrabitur,
memoria summa pace
plene quietabitur,
voluntasque bonitate

tota transformabitur.

Consecuta iam praedicta
foris, intus, undique

sancta mens quam benedicta
coram rege gloriae

sic tota circumamicta
claritatis lumine.

O quantum haec iucundatur
sponsi praesens vultui,
quae intrasse gloriatur
in gaudium Domini,
cibo quoque saginatur
eodem, quo angeli.
Noli flere nec tristari,
homo pusillanimis,

si contingat te gravari
laboribus variis

seu graviter inpugnari
temptamentis daemonis.

En audis, quod non condignae
passiones saeculi

ad promissum tam insigne
sempiterni praemii,

quo dotabuntur benigne
cuncti Dei famuli.

Auctor lucis et rex pacis,
dona participium

tuae nobis claritatis

per unicum Filium
perque fontem caritatis

almum tuum Spiritum. Amen.

CASICTSSOTGSOFGS XXVI LESHLOSHLESHLESD