Articulus 2

De his quæ salubriter ac jugiter sunt meditanda et consideranda.

DE viro sapiente ac virtuoso jamque inchoative beato fertur in Psalmorum exordio : In lege Domini voluntas ejus, et in lege ejus meditabitur die ac nocte.¹² Unde et alibi scribitur : Quæ præcepit tibi Deus, illa cogita semper, et in supervacuis rebus noli scrutari multipliciter. Hoc egit qui cecinit et fatetur :³ Quomodo dilexi legem tuam, Domine ! tota die meditatio mea est. Nonne et Deus in Deuteronomio hoc præcepit, Meditaberis (inquiens) in volumine legis hujus, sedens in domo tua⁴

¹ Ex editionibus Coloniæ, Petri Buscii, 1530, et Petri Quentel, 1534.⁵ et ambulans in itinere, pergens dormitum et consurgens? Præterea alibi Scriptura monet: Memorare novissima tua, et in æternum non peccabis.⁶

Amplius, Christum pro nobis cruci affixum et quasi in cruce pendentem, juxta omnem modum quo in illa pendebat, indesinenter et diligentissime debemus attendere, totam etiam conversationem ejus in sæculo isto, documenta et hortamenta ipsius, ac conversationem Sanctorum in hac vita; sed et præsentiam majestatis divinæ incessabiliter debemus perpendere, et qualiter valeamus placere, respondere ac satisfacere ei, sicque in omni virtute idonee profectum sortiri.

Footnotes

1. Ps. 1, 2. ↩

2. Eccl. 111, 22, 24. ↩

3. Ps. cxviii, 97. ↩

4. Deut. vi, 7. ↩

5. Jer. iv, 14. ↩

6. Eccl. vii, 40. ↩