Capitulum 12

Interrogatio, qualiter tranquillitas mentis possit acquiri.

GERMANUS: Optamus cognoscere qualiter ista tranquillitas possit acquiri aut retineri, ut sicut claudimus os, et libertatem loquendi arcemus nobis injuncto silentio, ita etiam custodire possimus lenitatem tranquillitatemque cordis; nam cor interdum amittit statum mansuetudinis suæ intrinsecus, etiam dum lingua frenatur. Idcirco putamus non aliter posse quempiam servare mansuetudinem inconcussam, nisi remotione cellæ et solitario loco.