Capitulum 7

Interrogatio de fructu solitudinis atque cœnobii.

GERMANUS: Quum manifestum sit te ascendisse non solum principia instar multorum, sed et fastigia seu perfectionem utriusque professionis, optamus agnoscere quis sit finis eremitæ ac etiam cœnobitæ. Nam omnibus constat neminem posse de his plenius fideliusque tractare, quam illum qui longo usu et per experientiam consecutus est utramque perfectionem, propter quod insinuare potest instructione veridica finem ac merita earumdem.