1. In quibus consistit disciplina claustralis

GS RD'EReDite disciplinam: ne quando irascatur Dominus et Gy AA V) pereatis de via iusta. Disciplina claustralis si strenue servetur, ad magnam perfectionem ducit; ab aeterna damnatione liberat: et in caelesti regno altissime coronat. Consistit autem disciplina in tribus praecipue: ut silentium bene servetur; ut divinum officium devote celebretur: eris opus manuum impigre exerceatur. Vbi disciplina viget: ibi maior pax et spiritualis profectus invenitur. Vbi disciplina perit, ibi dissolutio crescit; ibi vitia intrant: et virtutes enervantur. Vbi disdisciplina custoditur, ibi adest gratia cae- GA LIBELLVS DE DISCIPLINA CLAVSTRALIVM Ze& testis; ibi devotio floret, ibi lectio sapit, ibi meditatio dulcescit: ibi oratio fervet, ibi gratiarum actio et vox laudis resonant, mens iubilat; ibi intellectus illustratur: sibi caro marcescit, et spiritus elevatur. Qui amat disciplinam, laetificat conscientiam; acquirit bonam famam: et adauget sibi gloriam aeternam. Amator disciplinae custodit os suum ; quaerit secretum, fugit tumultum, vitat risum, diligit luctum, ut inveniat Iesum sibi propitium et amicum. Qui extra disciplinam esse quaerit, diaboli laqueos incurrit: et devotionem mentis perdit. In tribus locis libenter esto cum fratribus propter communem disciplinam: in choro ad psallendum, in cella ad scribendum et legendum: in refectorio ad sobrie comedendum et verbum Dei audiendum. Vbicumque verbum Dei legitur, ibi Spiritus sanctus occulte operatur; qui malos de peccato redarguit, et bonos per spem et consolationem scripturarum confortat: ut amplius proficiant, et disciplinam ordinis fortiter teneant. Hinc Paulus admonet dicens. In disciplina perseverate: et tamquam filiis vobis offert se Deus. Hinc David orat, dicens. Bonitatem et disciplinam et scientiam doce me. Et aoalibi multum eam commendans ait. Et disciplina tua correxit me in finem. Et ONCE CY CNC CNS ELON LOND LOND LOND) disciplina tua ipsa me docebit. Magnum donum Dei est habere scientiam scripturarum: sed magis praeferendum videtur servare ordinis disciplinam. Hinc summus magister Christus docens discipulos suos legem vitae et disciplinae: sic ait. Si haec scitis: beati eritis si feceritis ea Nam tanto fit quisque beatior coram Deo: quanto ferventior est pro observantia disciplinae. Duo bona praetendit omnis regularis disciplina; ut statuta diligenter serventur: et neglegentes pro culpis suis corrigantur. Devoti et boni fratris est violentiam sibi facere contra pravitatem naturae, et sponte se subdere disciplinae: nec aliquid ordinatum praeterire. Nam qui amat disciplinam sapiens est: et ditabitur virtutibus multis. Qui autem odit correptiones insipiens est: et honore carebit. Considera mores fratris disciplinati; quia non est levis verbis nec oculis vagus, sed ambulat in timore Dei, et facit opera sua cum diligentia: custodiens silentium et amans cellae quietem. Non murmurat non detrahit: sed Deo omne iudicium committit, et se ipsum prae oculis habet; et quae sibi commissa non sunt, de illis tacet: ut liberius sibi ipsi vacet. Nam nimis insipiens est qui propria neglegit: et alienis rebus se implicat. Disciplinam GA LIBELLVS DE DISCIPLINA CLAVSTRALIVM Ze ergo ubique serva: et erit tibi pax et gloria magna. Omne quod non decet: studeas cavere. Quicquid Deo placet, fac cum alacritate: nec propter hominum displicentiam, infringe ordinis disciplinam. Stulte agit qui contra conscientiam facit: et Dei offensam propter homines incurrit. Nam qui ordinem suum non servat: per praevaricationem legis Deum inhonorat. Si videris quempiam neglegenter agentem, corripe illum ut fratrem, et trahe ad emendationem, sed noli sequi eius errorem; nec tantum diligas ut in malo ei consentias: ne cum ipso cadas et ispereas. Quisquis pro ordinis disciplina zelat et libenter ac gratanter admonitiones capit: specialem gratiam a Deo obtinebit, et in die exitus sui de corpore ab auditione mala non timebit: sed cum electis de praemio laboris sui gaudebit Christo dicente. Euge serve bone; quia in pauca fuisti fidelis intra in gaudium Domini tui. Qui neglegens est et dissolutus Deum offendit et homines: et peior est paralytico iacente in grabato; quia iste defectum patitur a natura: ille vincitur cordis inertia. Virtuosius est passiones domare: quam daemones fugare. Et maioris caritatis est neglegentem admonere: quam eleemosynam dare. Quem taedet orare et delectat fabulari; qualis fervor est in ONC CN CY CON CY CN MELONS LOND LOND ZONES) eo? Prorsus nullus. Nam si ferveret intus: vitaret vaniloquia foris. Sed quomodo potest quis accendi ad fervorem spiritus? In faciendo sibi frequenter violentiam contra consuetudinem malam: s et tenendo ordinis rigorem secundum formam sibi praescriptam. Tepidus semper conqueritur de gravitate disciplinae: fervidus amplectitur cum hilaritate. Sed dicis. Timeo frangere caput meum: et incurrere debilitatem. Quid loqueris tepide et dissolute? Nescis quid pateris. Times parva: et non times magna? Times dolorem in corpore: et non times gravitatem malae conscientiae? Times ieiunare, times vigilare, times silentium servare; et non times in igne cremari, a daemonibus torqueri, et a regno Dei excludi? Vanus est timor iste; de modica afflictione corporis frequenter cogitare praesentia mala solummodo perpendere: et minus ponderare quae aeternaliter animam salvant aut damnant. Revertere ad cor tuum; convertere ad Deum qui fecit te: spera in eo et iuvabit te. Si non potes ei servire sano capite: tunc servias ei debili capite; et coronabit te rosis ac liliis suavissimis cum martyribus sanctis in caelis: quia sustinuisti dolores et labores in terris. Noli ergo propter modicum corruptibilis vitae amorem illicita admittere ; noli saecu- GA LIBELLVS DE DISCIPLINA CLAVSTRALIVM Ze laria solacia quaerere: separa te ab ineptis fabulis, intende sacris studiis; serva disciplinam, subiuga carnem, imple oboedientiam: et salvabis animam tuam iuxta Christi sententiam. Qui odit inquit animam suam in hoc mundo: in vitam aeternam custodit eam. Cum indisciplinato non habeas familiaritatem ; ne discas levitates eius: et similis ei fias ioin confusionem ordinis tui. Iunge te religioso morigerato et devoto fratri: ut aedificeris semper in bono. Vnus indisciplinatus et verbosus multos inquietat: et qui eum compescit optime facit. Talis issaepe est admonendus et increpandus, ut suas dissolutiones dimittat: et ad devota exercitia se convertat. Nemo se per alium vitiose excuset; sed de propria salute cogitet: et tempus sibi indultum fructuose expendere curet sicut et beatus Paulus dicit. Dum tempus habemus: operemur bonum ad omnes. Ille ad omnes bonum operatur, qui strenue servat disciplinam: et ceteris in conventu ?25dat bonum exemplum. Benedictus ille frater: qui in omnibus se vincere nititur: quia coronabitur pro omni quod pro Christo patitur. Ad tenendam formam spiritualis disciplinae: beatus Paulus discipulos suos diligenter exhortatur dicens.

Quaecumque sunt vera quaecumque pu- ONC CY CON CY CN EONS LOND LOND LOND) dica, quaecumque iusta, quaecumque sancta, quaecumque amabilia, quaecumque bonae famae, si qua virtus si qua laus disciplinae: haec cogitare, quae et didicistis et accepistis et audistis et vidistis in me. Ecce quam sollicitus fuit beatus Paulus pro observatione disciplinae: et pro bono exemplo posteris relinquendo. Nam maximum meritum sibi in caelestibus accumulat: quisquis disciplinam in se et in aliis amat.

De diversis temptationibus et insidiis diaboli.