Lettre MDCCCLXIII. À la Mère de Chantal, a Paris

" Une lettre d'empressement. " - Regrets sur la mort de Mme des Gouffiers. - Ce que dirait la Mère de Chantal si elle voyait François de Sales écrire si tard.

Annecy, 15 décembre 1621.

C'est bien une lettre d'empressement, car veritablement je ny puis mettre sinon que nous sommes icy tous en tres bonne santé, et moy particulierement, avec bonne esperance de vous revoir de mesme quand Dieu nous donnera la consolation de vostre retour, pour lequel je vous envoyeray ou M. Roland ou M. Michel ( note 247 ) pour le tems que vous m'advertirés, que vous marqueres a vostre gré, selon que le service de Dieu vous semblera le requerir.

Helas ! que la pauvre madame de Gouffier est bien morte a l'improuvëu, et que j'en ay esté touché ! Vous m'avies escrit qu'elle estoit hors de danger et pleyne d'un extreme desir d'estre retiree dans vostre Mayson, et j'en avois esté consolé. Certes, je le suis encor de son trespas, puisque Dieu l'a voulu ainsy et luy a donné la grace de s'unir a sa volonté .

Bon soir, ma tres chere Mere; Dieu vous comble de ses plus cheres benedictions, qui sont ses dilections. Je vous escris tout a fait a la desrobee et si tard, que je vous voy, ce me semble, me dire : Retires vous. J'ay esté averti ce soir du depart de ce porteur, beaufrere de la petite Seur Jane Marguerite, que Dieu absolve . Et je vay donq faire l'obedience a nos Seurs .

A la chere Fille .M.me de Port Royal .....

xv decembre 1621.

Revu sur l'Autographe conservé au presbytère de l'église paroissiale de Subligny (Cher).