Psalmus LXXXIV. Eucharisticus

PSALMUS LXXXIV. EUCHARISTICUS.

Soluta captivitate Babylonicae Fidelibus per Christum a peccato liberatis.

VERSIO VULGATA.

1. In finem, filiis Core, Psalmus.

2. Benedixisti, Domine, terram tuam : avertisti captivitatem Jacob.

3. Remisisti iniquitatem plebis tuæ, operuisti omnia peccata eorum.

4. Mitigasti omnem iram tuam : avertisti ab ira indignationis tuæ.

5. Converte nos, Deus salutaris noster : et averte iram tuam a nobis.

6. Numquid in æternum irasceris nobis ? aut extendes iram tuam a generatione in generationem.

7. Deus, tu conversus vivificabis nos, et plebs tua lætabitur in te.

8. Ostende nobis, Domine, misericordiam tuam : et salutare tuum da nobis.

9. Audiam quid loquatur in me Dominus Deus : quoniam loquetur pacem in plebem suam,

Et super sanctos suos : et in eos qui convertuntur ad cor.

10. Verumtamen prope timentes eum salutare ipsius : ut inhabitet gloria in terra nostra. VERSIO S. HIERONYMI.

Victori, filiorum Core, Psalmus (a) .

Placatus es, Domine, terræ tuæ : reduxisti captivitatem Jacob.

Dimisisti iniquitatem populo tuo : operuisti omnes iniquitates eorum. Semper.

Continuisti omnem indignationem tuam : conversus es ab ira furoris tui.

Converte nos, Deus, Jesus (b) noster, et solve iram tuam adversum nos.

Noli in æternum irasci nobis : extendens iram tuam in generationem et generationem.

Nonne tu revertens vivificabis nos, et populus tuus lætabitur in te ?

Ostende nobis, Domine, misericordiam tuam : et salutare tuum da nobis.

Audiam quid loquatur Dominus Deus : loquetur enim pacem ad populum suum, et ad sanctos suos, ut non convertantur ad stultitiam.

Verumtamen prope est his qui timent eum salutare ejus : ut habitet gloria in terra nostra. 2. Benedixisti... placatus es... Avertisti... Hier. reduxisti, etc.

4. Avertisti... Hier. conversus es :

5. Deus, tu conversus... Hier. nonne tu revertens.

6. Qui convertuntur ad cor : qui serio resipiscunt. At Hier. ne convertantur ad stultitiam, ut malo admoniti, post captivitatem, ab idololatria, et reliquis insani » abstineant.

(a) Var. : Core canticum. — (b) [ Hebr. salutaris.]

11. Misericordia et veritas obviaverunt sibi : justitia et pax osculatæ sunt.

12. Veritas de terra orta est, et justitia de cœlo prospexit.

13. Etenim Dominus dabit benignitatem : et terra nostra dabit fructum suum.

14. Justitia ante eum ambulabit : et ponet in via gressus suos. Misericordia et veritas occurrerunt : justitia et pax deosculatæ sunt.

Veritas de terra orta est, et justitia de cœlo prospexit.

Sed et Dominus dabit bonum, et terra nostra dabit germen suum.

Justitia ante eum ibit, et ponet in via gressus suos. 11, 12. Misericordia et veritas... Veritas de terra orta est... Soluta captivitate, felicem populi statum designat, omni bonorum copia et virtutibus florentis : quæ maxime impleta sunt, postquam Christus ipsa veritas, idemque pax nostra, e terra ortus est.

13. Terra nostra dabit fructum suum . · frugum omnium copiam : prophetice, ipsum Christum.

14. Justitia ante eum : Deus justitiam ante se præmittet, qua duce, populus e captivitate rediens secure iter aget.