24. De gloria caelestis ierusalem quoad dotes glorificati corporis

Hymnvs.

[gerissen luminosa,

vere pacis visio,
felix nimis ac formosa
summi regis mansio,
de te o quam gloriosa
dicta sunt a saeculo.

De tuae quitquid scripserunt
sancti laudis gloria,
tantum nobis hoc liquerunt
pia pro memoria,
penetrare nequiverunt

fundi tui condita.

Lapidibus ex politis
structa tu mirifice,

QI $39X539X5397X53 XXIII LOSHLESHDLOSDLESD

gemmis, auro, claris vitiis
decoraris undique,

portae fulgent margaritis,
plateae sunt aureae.

In te jugiter iucundum
alleluia canitur,

sollemne ac laetabundum
semper festum agitur,
totum sanctum, totum mundum
in te quitquid cernitur.

In te numquam nubilata
aeris temperies,

sole solis illustrata
semper est meridies,

in te non nox fessis grata,
nec labor nec inquies.

In te florida vernalis
perdurat amoenitas,

ferax semper aestivalis
rutilat serenitas,
autumnalis seu brumalis
procul est frigiditas.
Qvitquid libet hic dulcoris
avium in cantibus,
quitquid iubili canoris
musicis in actibus,

in te plenum hoc saporis
abundat diffusius.

In te robusta iuventus

in aevum non deperit,

senex seu morte praeventus
in te nec est nec erit,

sed neque futurum tempus,
praesens numquam praeterit.

IN te nec quitquam molestum
nec languor nec gemitus

nec umquam quid immodestum
nec dolus nec facinus,

sed neque quid inhonestum
nec culpa nec dedecus.

Lex membrorum animalis
erit plene mortua,

nova caro spiritalis

erit menti subdita
vivaque vis sensualis
rationi consona.

In te vivus continetur,
fons bonorum omnium,
in quo plene possidetur
proprium ad libitum,
quitquid corpori videtur
sive menti congruum.
IN te florens pulchritudo
supra solem fulgida,
velox nimis promptitudo,
prout vult, agillima
praepotensque fortitudo,
virtus ut angelica.

IN te libertatis claret
insignis nobilitas,

CASSCTSSOASSOWGS XXIIII LOSHLOSDLOSHLOSD

numquam languet, numquam aret

confirmata sanitas,
voluptate numquam caret
iugis haec integritas.

In te durat longitudo
sempiterni temporis,
quae plena beatitudo
reformati corporis,

in hac par similitudo
redemptis et angelis.

O quam vere gloriosum
eris corpus fragile,

cum fueris tam formosum,
forte, sanum, agile,
liberum, voluptuosum,

in aevum durabile.

Nvne libenter ac ferventer
laborum fer onera,

habeas ut affluenter

dona tam magnifica
doterisque luculenter
gloria perpetua.

Aeterne glorificata

sit beata Trinitas,

a qua caelestis fundata
Ierusalem civitas,

in qua sibi frequentata

sit laudis immensitas. Amen.