23. Quam praeclara regio

quam praeclara regio
SN et quam decora legio

ex angelis et hominibus.

ur

O gloriosa civitas,
in qua summa tranquillitas,
lux et pax in cunctis finibus.

Cives huius civitatis
veste nitent castitatis,
legem tenent caritatis,
firmum pactum unitatis.

Non laborant, nil ignorant,
non temptantur, non vexantur,
semper sani, semper laeti

cunctis bonis sunt repleti.

O quam beata societas,

in qua regnat Deus Trinitas,
abundat ibi pietas,

cunctos illustrat veritas.

Laudem ergo Deo dicite,
omnes sancti, simul psallite,
qui vos per suam gratiam
ad tantam duxit gloriam.

Benedictus Deus. Amen.