CDLXXIII. Breve Innocentii XII ad Archiepiscopum Cameracensem. Innocentius Papa XII

Venerabilis Frater, Ubi primùm accepimus Fraternitatis tuae, mense aprili proximè elapso, ad nos datas litteras, unàque cum illis exemplar Mandati, quo apostolicae nostrae, libri à te editi cum viginti tribus inde excerptis propositionibus, damnationi humiliter adhaerens, eam commisso tibi gregi prompto obse-quentique animo edixisfi; summoperè laetati sumus. Novo siquidem hoc debitae ac sincerae tuae erga nos et hanc sanctam Sedem devotionis atque obedientiae argumento, illam quam de Fraternitate tuà jampridem animo conceperamus, opinionem abundè confirmasti. Nec sanè aliud nobis de te pollicebamur ; qui ejusmodi voluntatis tuae propositum diserte explicasti, ex quo ab hâc caeterarum matre et magistrâ Ecclesiâ doceri ac corrigi demisse postulans, parafas ad suscipiendum verbum veritatis aures exhibuisti ; ut quid tibi aliisque de libro tuo praefato, contentâque in eo doctrinâ sentiendum esset, prolato à nobis judicio statueretur. Tuae itaque sollicitudinis zelum, quo pontificiae sanctioni alacriter obsecutus fuisti, plurimùm in Domino commendantes, pastoralibus laboribus ac votis tuis adjutorem et protectorem omnipotentem Deum ex animo precamur ; tibique, venerabilis Frater, apostolicam benedictionem peramanter im-pertimur. Datum Romae, sub annulo Piscatoris, die 12 mah, anno 1699, pontiflcatûs nostri octavo.