Capitulum 17

Dilatio solutionis propositæ quæstionis.¹²

THEONAS: Rursus conamini me intrantem tutissimum portum silentii, revocare ad immensum pelagus profundissimæ quæstionis;³ sed adepti opportunitatem stationis fidæ, jaciemus hic interim ancoram taciturnitatis, completo jam cursu tam longæ collationis nunc introductæ, quatenus vela disputationis crastina die tendamus, quum exploraverimus flatum prosperi spiritus, si tamen nulla tempestas restiterit.⁴