Seconde partie. Chapitre IV. Que les Ministres ont violé l’authorité des Conciles

I1) On ne sçauroit mieux projetter un vray et saint Concile que sur le patron de celuy que les Apostres firent en Hierusalem. Or, voyons i. qui l’assembla : et nous trouverons quil fut assemblé par l’authorité mesme des pasteurs : Conveneruntque Apostoli et seniores videre de verbo hoc. Et de vray, ce sont les pasteurs Act. xv. ÿ. 6. qui ont charge d’instruire le peuple, et de prouvoir a son salut par les resolutions des doutes qui surviennent touchant la doctrine Chrestienne ; les empereurs et les princes y doivent avoir zele, mais selon leur ministère, qui est par voÿe de justice, de police et de l’espëe, q\i’il^ ne portent pas sans cause. Ceux donques qui voudroyent que l’Empereur eust ceste authorité, n’ont point de fondement en l’Escriture ni en la ray son ; ( 1 ) Voir les Notes préparatoires, p. 18.

na Les Controverses car, quelles sont les causes principales pour lesquelles on assemble les Conciles generaux, sinon pour reprimer et repouser l’heretique, le schismatique, le scandaleux, comme loups de la bergerie ? ainsy fut faicte ceste première assemblée en Hierusalem pour résister a certains de l’heresie des Pharisæens : et qui a charge de repouser le loup sinon le berger ? et qui est berger que celuy a qui Nostre Seigneur dict, Pasce oves meas? trouves que semblable charge fut donnée a Tibere ? Qui a l’authorité de repaistre le troupeau a l’authorité d’assembler les bergers, pour cognoistre quelle pasture et quelles eaux sont saines aux ouailles ; cela est pro Mat. xvin. (ÿ. 20.) prement assembler les pasteurs in nomine Christi, c’est a dire, par l’authorité de Nostre Seigneur, car qu’est ce autre chose assembler les estatz au nom du prince que les convoquer par authorité du prince ? et qui a cest’authorité que celuy qui comme lieutenant a • Mat. xvi. (ÿ. 19.) receu les clef^ du royaume des deux ? Qui fit dire au bon pere Lucentius, Evesque vicaire du Saint Siégé apostolique, que Dioscorus avoit eu tresgrand tort d’avoir assemblé un Concile sans l’authorité Apostolique : Sinodum, dict il, ausus est facere sine autho-ritate Sedis Apostolicœ, quod nunquam rite factum est, nec fieri licuit ; et dict ces paroles en la pleyne Act. 1, in epîst. assemblée du grand Concile de Calcedoyne. Il est neanmoins necessaire que si la ville ou l’assemblée se faict est sujette a l’Empereur, ou a quelque prince, et qu’on veuille faire quelque cueillette publique pour les frais d’un Concile, que le prince chez lequel on s’assemble ayt donné licence et authorisé l’assemblée, et les cueillettes doivent estre avouées par les princes riere les estatz desquelz elles se font : et quand l’Empereur voudroit assembler un Concile, pourveu que le Saint Siégé y consentit pour rendre la convocation legitime... Telles ont esté les assemblées de quelques Conciles Rectius, Act. 1, initio.

Il paraît probable que le Saint aurait complété sa phrase par l’addition des mots « il pourrait le faire », ou autres semblables. Cf. Bellarmin, Controv. de Concil., et Eccles., lib. I, ce. xn, xni. très authentiques, et celle qu’Herodes commanda en Hierusalem, pour sçavoir ubi Christus nasceretur, ‘Mat.n. y 4. a laquelle les prestres et scribes consentirent ; mays qui la voudroit tirer en conséquence, pour attribuer l’authorité aux princes de commander les convocations, auroit autant de rayson que de tirer en conséquence sa cruauté sur saint Jan Baptiste et le meurtre sur les petitz enfans.

2. Il succede que nous remarquions, en ce premier Concile chrestien qui fut faict par les Apostres, qui y fut apellé : 'Convenerunt, dict le texte, Apostoli et ‘(Act., xv, 6.) presbiteri videre de verbo hoc ; les Apostres et les prestres, en un mot, les gens d’Eglise : la rayson le vouloit, car le vieux proverbe est par tout bon, Ne sutor ultra crepidam, et le mot du bon pere Hosius, rapporté par saint Athanase, quil escrivit a l’empe- ‘ Epist. ad solita-

~ ... ... riam vitam agentes reur Constantius, Tibi Deus imperium commisit, (§44). nobis quæ sunt Ecclesiæ concredidit. C’est donques aux Ecclesiastiques d’y estre convoqués, quoy que les princes, l’Empereur, les roys et autres y ayent lieu comme protecteurs de l’Eglise.

Troysiesmement, qui y doit estre juge : et nous ne voyons pas que personne y portast sentence que 4 des Apostres, saint Pierre, saint Pol, saint Barnabas et saint Jaques, au jugement desquelz chacun acquiesça. Pendant qu’on deliberoit, les senieurs ou prestres parlèrent, comm’il est probable selon ces paroles, cum ‘ (Act., xv, 7.) autem magna conquisitio fieret, qui monstrent qu’on debatit bien fort ceste question ; mays quand il vint a résoudre et porter sentence, il ne se trouve personne qui parle qui ne soit Apostre : aussy ne trouve l’on pas es anciens Conciles et canoniques qu’autre que les Evesques ayt signé et defini ; qui fut la cause que les Peres du Concile de Calcedoyne, y voyans entrer les ’ (Actione prima.) religieux et laicz, crièrent plusieurs foys : Mitte foras superfluos, Concilium episcoporum est. Attendite, dict saint Pol, vobis et universo gregi; mays qui ‘ Act. xx. y 28. doit fayre cecy, de penser a soy et pour le cors general? in quo vos posuit Spiritus Sanctus Episcopos regere. Ecclesiam Dei : il appartient aux pasteurs de prouvoir de saine doctrine aux brebis.

4. Si nous considérons qui y præsida, nous trouverons que ce fut saint Pierre qui y porte le premier la sentence, qui fut apres suyvie du reste, comme dict saint Ep. ad Augusti­ Hierosme ; aussy avoit il la principale charge de pasteur, Pasce oves meas, et estoit le grand œconome Mat. xvi. ÿ. 19. sur le reste, Tibi dabo claves regni cælorum, il Luc. xxii. ÿ. 32. estoit confirmateur des freres, office qui appartient proprement au præsident et surintendant. Ainsy despuys, le successeur de saint Pierre, Evesque de Rome, a tousjours præsidé aux Conciles par ses legatz. Au Concile de Nicêe, les premiers qui souscrivent ce sont Hosius , evesque, Vitus et Modestus, prestres, envoyés par le Saint Siégé : et de vray, quelle occasion pouvoit faire que deux prestres souscrivissent devant les Patriarches, si ce n’eust esté quilz estoyent Præfatio Concilii en lieutenance du supreme Patriarche ? Que quand a Sardicensis, tom. I.

saint Athanase, tant s’en faut quil y præsidast, quil ny fut pas assis ni ne souscrivit point, comme n'estant que diacre pour l’heure ; et le grand Constantin non seule Theôd. 1. I. Hist. ment ny præsida pas, ains s’assit au bas des Evesques, c. vn. (al. vi.)

• Ruff. 1. I. c. n. et ny voulut point estre comme pasteur mays comme brebis. Au Concile de Constantinople, quoy quil ny fut pas ni aucun legat pour luy, par ce quil traittoit la mesme cause avec les Evesques occidentaux a Rome qui estoit traittëe a Constantinople par les orientaux, qui ne s’estoyent peu joindre qu’en esprit et deliberation, si est ce que par les lettres que les Peres de part et d’autre s’envoyerent, Damase, Evesque de Rome, est • Vide Theod. 1. V. reconneu pour legitime chef et præsident. Au Concile c. x. (al. ix) et c.

d’Ephese, saint Cyrille y præsida comme legat et lieutenant de Cælestin, Pape : voyci les paroles de saint Contra Collato­ Prosper d’Aquitayne : Per hunc virum (il parle du rem (c. xxi, § 2).

Pape Cælestin) etiam orientales Ecclesiæ gemina peste purgatæ sunt, quando Cyrillo, Alexandrinæ urbis Antistiti, gloriosissimo fidei Catholicæ defen- In collectionibus Conciliorum antiquioribus, anno 347 (rectius 343). . sori, ad exsecandam nestorianam impietatem apos- . tolico auxiliatus est gladio ; ce que le mesme Prosper dict encores in Chronico ; Nestorianæ impietati Anno 43’-) prcecipua Cyrilli Alexandrini Episcopi industria et Papce Cœlestini repugnat authoritas. Au Concile de Calcedoyne, il ny a rien qui ne crie tout par tout que les legatz du Saint Siégé Romain ny aient præsidé, Pascasinus et Lucentius ; il ny a que d’en lire les actes.

Voyla donques l’Escriture, la rayson, la prattique des 4 plus purs Conciles qui furent onques, ou saint Pierre præside et ses successeurs quand ilz s’y sont trouvés ; j’en pourrais tout autant monstrer de tous les autres qui ont estés receuz en l’Eglise universelle comme légitimés, mays cecy suffira bien.

Reste le consentement, réception et execution des decretz du Concile, qui fut faicte, comm’elle se doit encores faire a présent, par tous ceux qui y assistent, dont il fut dict : Tunc placuit Apostolis et senio- »(ActXV, 22.) ribus, cum omni Ecclesia, eligere viros ex eis, etc. ; . mays quand a l’authorité en vertu delaquelle la promulgation du decret de ce Concile-la fut faicte, elle ne fut sinon des gens ecclesiastiques : Apostoli et seniores fratres, iis qui sunt Antiochiæ, Syrice et Ciliciœ ; l’authorité des brebis ny est point cottëe, • (Vers. 23.) mais celle la seulement des pasteurs. Il peut bien y avoir des laicz au Concile s’il est expedient, mays non pas pour y tenir lieu de juges.

COMBIEN EST SAINTE ET SACREE L’AUTHORITÉ

DES CONCILES UNIVERSELZ

Nous parlons donq icy d’un Concile tel que celuy la, ou se trouve l’authorité de saint Pierre, tant au commencement qu’a la conclusion, et des autres Apostres et pasteurs qui s’y voudront trouver, sinon de tous au moins d’une notable partie ; ou la discussion soit libre, c’est a sçavoir, que qui voudra y propose ses raysons sur la difficulté qui y est proposée ; ou les pasteurs ayent voix judiciaire ; telz en fin qu’ont esté ces quatre pre- ■ miers, desquelz saint Grégoire faisoit tant de conte, quil L. i. Epist. ep. en fit ceste protestation : Sicut sancti Evangelii 4 Li-

. „ ., , . - .

bros, sic 4 Concilia suscipere et venerari me fateor.

Or sus, voyons un peu combien grande doit estre leur authorité sur l’entendement des Chrestiens ; et voicy comme les Apostres en parlent : Visum est ■ Spiritui Sancto et nobis. L’authorité donques des Conciles doit estre reverëe comme appuyée sur la conduitte du Saint Esprit ; car, si contre ceste heresie pha-risaique, le Saint Esprit, docteur et conducteur de son Eglise, assista l’assemblée, il faut croire encores qu’en toutes semblables occasions il assistera encores les assemblées des pasteurs, pour, par leur bouche, regler et nos actions et nos creances. C’est la mesm’Eglise, aussy chere au celest’Espoux qu’elle fut alhors, en plus de nécessité qu’elle n’estoit alhors ; quelle rayson y a il quil ne luy fist la mesme assistence quil luy fit alhors en pareille occasion ? Consideres, je vous prie, l’impor- * Mat. xviii. ÿ. 17. tance de ces motz Evangéliques, Si quis Ecclesiam non audierit, sit tibi tanquam etnicus et publicanus ; et quand peut on jamais ouyr plus distinctement l’Eglise que par la voix d’un Concile general, ou les chefz de l’Eglise se trouvent tous ensemble pour dire et deduyre les difficultés ? le cors ne parle pas par ses jambes ni par ses mains, mays seulement par son chef ; ainsy, comme peut l’Eglise mieux prononcer sa sentence que par ses chefz ? Mays Nostre Seigneur s’explique : Iterum dico vobis, quia si duo ex vobis con­ * Vers. 19. et 10. senserint super terram de omni re quamcumque petierint, fiet illis a Patre meo qui in ccelis est; ubi enim sunt duo vel tres congregati in nomine meo, ibi sum in medio eorum. Si deux ou troys, quand besoin en est, estans assemblés au nom de Nostre Seigneur, ont son assistence si particulière quil est au milieu d’eux comm’un general emmy l’armee, comm’un docteur et regent au milieu de ses disciples, si le Pere les exauce infalliblement en ce quilz luy demandent, comme refuseroit il son Saint Esprit a la generale assemblée des pasteurs de l’Eglise ?

Puys, si l’assemblée legitime des pasteurs et chefz de l’Eglise pouvoit estre une fois saisie d’erreur, comme se verifieroit la sentence du Maistre, Portæ inferi Mat. xvi. ÿ. 18. non prævalebunt adversUs eam ? comme pourrait •l’erreur et la force infernale s’emparer de l’Eglise a meilleures enseignes que d’avoir asservi les docteurs, pasteurs et cappitaines avec leur general ? Et ceste parole, Ecce ego vobiscum sum usque ad consummationem seculi, que deviendrait elle ? Et l’Eglise Mat. ult. ÿ. ult. comme sera elle colomne et pilier de vérité, si ses I Timot. 111. ÿ. 15. bases et fondementz soustiennent l’erreur et fauseté ? les docteurs et pasteurs sont les visibles fondementz de l’Eglise, sur l’administration desquelz le reste s’appuÿe.

En fin, quel plus estroit commandement avons nous que de prendre la pasture de la main de nos pasteurs? Luc. x. ÿ. 16 ;

Heb. xiii. ÿ. 17.

saint Pol ne dict il pas que le Saint Esprit les a colloqués au bercail pour nous régir, et que Nostre Act. xx. ÿ. a8. Seigneur les nous a donnés affin que nous ne soyons point flottans et emportés a tout vent de doctrine ? •Eph. iv. ÿ. 11 et

quel respect donques devons nous porter aux ordo-nances et canons qui partent de leur assemblée generale ? Certes, pris a part l’un de l’autre, leurs doctrines sont encores sujettes a l’espreuve, mays quand ilz sont ensemble, et que toute l’authorité ecclesiastique est ramassée en un, qui peut conteroller l’arrest qui en sort ? Si le sel s’esvanouÿt, en quoy le conservera-on ? si les chefz sont aveugles, qui conduira le reste ? si les colo.mnes tumbent, qui les soutiendra ?

En un mot, l’Eglise de Dieu qu’a elle de plus grand, de plus asseuré et solide pour renverser l’hæresie que les arrestz des Conciles generaux? L’Escriture, dira (Cap. m, art. 1, de Beze. Mays j’ay ja monstre cy devant que de p’ 207intelligentia hæresis est, non de Scriptura ; sensus, non. sermo, fit crimen. Qui ne sçait combien de passages l’Arrien produict ? que luy peut on opposer sinon qu’il les entend mal ? mays il a pleyne liberté de croire que c’est vous qui interpretes mal, non luy, que vous vous trompes, non luy, que son rapport a l’analogie de la foy est mieux cousu que le vostre, pendant quil ni a que les particuliers qui s’opposent a ses nouveautés. Que si l’on leve la souveraineté aux Concilés des decisions et déclarations necessaires sur l’intelligenee de la sainte Parole, la sainte Parole sera autant prophanëe que les textes d’Aristote, et nos articles de Religion ■ seront sujetz a révision immortelle, et de Chrestiens resouluz et asseurés deviendrons misérables academi- * Ep. ad Episcop. ques. Athanase dit que Verbum Domini per œcume- ’ . ... = nicam Niceæ Sinodum manet in æternum ; saint Grégoire Nazianzene, parlant des Apollinaristes, qui se ventoyent d’avoyr estés avoués par un Concile *Ep.adciedonium Catholique, Quod si vel nunc, dict il, vel ante suscepti sunt, hoc ostendant et nos acquiescemus ; perspicuum enim erit eos rectce doctrinæ assentiri, nec enim aliter se res habere potest ; saint Augustin L. i de Bap. con- dict que la celebre question du Baptesme, meile par les

douter plusieurs Evesques, donec, ple­

nario totius orbis Concilio, quod saluberrime

sentiebatur etiam remotis dubitationibus firma L. 1. Hfct. c. v. retur ; Defertur, dict Ruffin, ad Constantinum sacerdotalis Concilii (Nicæni) sententia; ille tanquam a Deo prolatam veneratur, cui si quis ten-tasset obniti, velut contra divina statuta venientem in exilium se protestatur acturum. Que si quelqu’un pensoit, pour produire des analogies, des sentences de l’Escriture, des motz gréez et hebreux, quil luy fust permis de remettre en doute ce qui a desja esté déterminé par les Conciles generaux, il faut quil produise des patentes du ciel bien signées et scelees, ou quil die que chacun en peut autant faire que luy, et que tout est a la merci de nos subtiles témérités, que tout est incertain et sujet a la diversité des jugemens et considérations des hommes. Le Sage nous baille un autre advis : Verba sapientium sunt sicut stimuli, et ‘Ecclesiastes xn. sicut clavi in altum defixi, quee per magistrorum ' ’ ' consilium data sunt a pastore uno ; his amplius, fili mi, ne requiras.

ARTICLE III — combien les ministres ont mesprisé et violé — l’authorité des conciles

Maintenant, demeureres vous endormis a ceste secousse que vos maistres ont donné a l’Eglise ? penses a vous, je vous prie. Luther, au livre quil a faict Des Conciles, ‘ 'æay i’> sub fi~

1 . - nem.)

Il ne se contente pas d esbranler les pierres descouvertes, mays va mettre la sappe jusques aux pierres fondamentales de l’Eglise. Qui croiroit cecy de Luther, tant grand et glorieux reformateur? au dire de Beze.|| *(^n icones, comme traitte il le grand Concile de Nicee? par ce que etc’^ le Concile defend estre receuz au ministère clérical Act. xv. ceux qui se sont taillés eux mesmes, et defend quand et quand aux Ecclesiastiques de tenir en leurs maysons autres femmes que leurs meres et leurs seurs, hic prorsus, dict Luther, non intelligo Spiritum Sanctum in hoc Concilio. Et pourquoy ? An debebit episcopus aut condonator illum intolerabilem ardorem et cestum amoris illiciti sustinere, et neque conjugio neque castratione se ab his periculis liberare ? An vero nihil aliud est negotii Spiritui Sancto in Conciliis, quam ut impossibilibus, periculosis, non necessariis legibus suos ministros obstringat et oneret ? Il n’excepte point de Concile, ains tient asseurement qu’un curé seul peut autant qu’un Concile : voyla l’opinion de ce grand reformateur.

Mays qu’ay je besoin de courir loin ? de Beze dict, en ’(Videsupra, cap. l’Epistre au Roy de France, que vostre reformée ne

_ ............................ _ , . refusera rauthonté d aucun Concile ; voyla qui est bon, mays ce qui s’ensuit gaste tout : « pourveil, » dict il, « que la Parole de Dieu en face l’espreuve. » Mays, mon Dieu, quand cessera on de brouiller ? les Conciles, apres toute consultation, espreuve faite a la sainte pierre de touche de la Parole de Dieu, jugent et determinent d’un article ; si apres tout cela il faut un’autre espreuve avant qu’on reçoive ceste détermination, || n’en faudra il encores une autre ? qui ne voudra espreuver ? et quand finira on jamais ? apres l’espreuve faite par le Concile, de Beze et ses disciples veulent encores espreuver ; et qui gardera a un autre d’en demander autant? || pour sçavoir si l’espreuve du Concile a esté bien faite, pourquoy n’en faudra il une troysiesme pour sçavoir si la seconde est fidelle ? et puys une quatriesme pour la troysiesme ? tout sera a refaire, et la postérité ne se fiera jamais a l’antiquité, mays ira roulant et mettant ores dessus ores dessous les plus saintz articles de la foy en la roue de l’entendement. Nous ne sommes pas en doute sil faut recevoir une doctrine a la volée, ou sil en faut faire l’espreuve a la touche de la Parole de Dieu ; mays nous disons que quand un Concile general en a faict l’espreuve, nos cerveaux n’y ont plus rien a revoir, mays seulement a croire : que si une fois on remet les canons des Conciles a l’espreuve des particuliers, autant de particuliers autant d’espreuves, autant d’espreuves autant d’opinions. L’article de la réalité du Cors de Nostre Seigneur au tressaint Sacrement avoit esté receu avec l’espreuve de plusieurs Conciles ; Luther a voulu faire un'autre espreuve, Zuingle un'autre espreuve sur celle de Luther, Brence un'autre sur celles cy, Calvin un’autre, autant d’espreuves ; autant d’espreuves autant d’opinions.

Mays, je vous prie, si l’espreuve faite par un Concile general n’est asses authentique pour arrester le cerveau des hommes, comme l’authorité d’un quidam le pourra faire ? Voyci une grand’ambition. Des plus doctes ministres de Losanne W, ces années passées, l’Escriture et l’analogie de la foy en main, s’opposent a la doctrine de Calvin touchant la justification ; de soustenir l’effort de leurs raysons point de nouvelles, quoy qu’on face trotter certains petitz livretz morfonduz, sans goust ni pointe de doctrine : comme les traitte l’on ? on les persecute, on les faict absenter, on les faict menasser ; a quel propos cela ? par ce quilz enseignent une doctrine contrayre a la profession de foy de nostr’eglise. Bonté de Dieu ; on sousmet a l’espreuve de Luther, Calvin et Beze la doctrine du Concile de Nicee, apres treze cens ans d’approbation, et on ne veut pas qu’on face l’espreuve de la doctrine calvi-nesque, toute nouvelle, toute douteuse, rappetassee et bigarrée. Que ne laissoit on a chacun faire son espreuve ? si celle de Nicee n’a pas peu arrester vos cerveaux, pourquoy voules vous par vos discours mettre un arrest aux cerveaux de vos compaignons, aussi gens de bien que vous, aussi doctes et pertinentz? Connoisses l’iniquité de ces juges : pour donner liberté a leurs opinions ilz avilissent les anciens Conciles, et veulent par les leurs brider celles des autres ; ilz cherchent leur gloire, connoisses-le bien, et tout autant quilz en levent aux Anciens, ilz s’en attribuent.

Mays revenons au mespris quilz font aux Conciles, et combien ilz violent ceste sainte Réglé de bien (Post medium. croire. De Beze, en l’Epistre au Roy de France et au Vide supra, p. 203.)

Traitté mesme, dict que « le Concile de Nicëe a esté un vray et legitime Concile sil y en eut onques » ; il dict vray, jamays bon Chrestien n’en douta, ni des autres troys premiers : mays sil est tel, pourquoy est ce que In lib. advers. Calvin apelle dure la sentence du Concile en son Simbole, Deum de Deo, lumen de lumine ? et que veut dire que ceste parole, opoovaiov, deplaict tant a *(In lib. Confutat, Luther, Anima mea odit hoc verbum, homoousion? rationis Latom.)

parole laquelle est si recommandable en ce grand Concile. Que veut dire que vous ne tenes conte de la réalité du Cors de Nostre Seigneur au Saint Sacrement, que vous appelles superstition le très saint Sacrifice qui se faict par les prestres, du mesme précieux Cors du Sauveur, et que vous ne voules point mettre différence entre *Can. xiv (al. xvm). l’Evesque et le prestre ? puysqu’en ce grand Concile tout y est si expressément non ja defini mays præsupposé comme chose toute notoire en l’Eglise. Jamais Luther ni Pierre Martir ou Ochin n’eussent estés de vos ministres silz eussent eu en memoyre les actions du Can. iv. vn. xiv. grand Concile de Calcedoyne ; car il y est défendu XV. XVI.

très exprès que les religieux et religieuses ne se marient point. O quil feroit bon voir le tour de ce vostre lac si on eust eu en reverence ce Concile de Calce Can. xvii. xx. xxi. doyne, o que vos ministres se fussent bien souvent xxii. xxin.

teuz, et bien a propos, car il y a exprès commandement aux laicz de ne toucher aucunement aux biens ecclesiastiques, a un chacun de ne faire aucune conjuration contre les Evesques, et de ne calomnier en faitz ni en paroles les gens d’Eglise. Le Concile Constantinopoli-tain defere la primauté au Pape de Rome, et la présupposé comme notoire ; aussy faict bien celuy de Can. v. (aï. m.) Calcédoine. Mays i a il article auquel nous ayons Act. iv et xvi. different avec vous qui n’ait esté plusieurs fois condamné es saintz Conciles generaux ou particuliers généralement receus ? et neantmoins vos ministres les ont ’ reveillés sans honte, sans scrupule, nom plus que si c’eussent estés quelques saintz depostz et trésors cachés a l’antiquité, ou que l’antiquité eust serrés bien curieusement affin que nous en eussions la jouissance en cest aage.

Je sçai qu’es Conciles il y a des articles pour l’ordre et police ecclesiastique, qui peuvent estre changés et ne sont que temporelz, mays ce n’est pas aux particuliers d’y mettre la main : la mesm’authorité qui les a dressés les doit abroger, si quelqu’autre s’en mesle c’est pour neant ; et ce n’est pas la mesm’authorité si ce n’est un Concile, ou le chef general, ou la coustume de toute l’Eglise. Quand aux decretz de la doctrine de la foi, ilz sont invariables ; ce qui est une fois vray, l’est en éternité ; aussi les Conciles appellent Canons ce quilz en determinent, par ce que ce sont Réglés inviolables a nostre creance b). Mays tout cecy s’entend des vrays Conciles, ou generaux, ou provinciaux advoüés par les generaux ou par le Siégé Apostolique : tel que ne fut pas celuy des 400 prophetes assemblés par Achab ; car il ne fut ni general, car ceux de ’HiReg.xxn.ÿ.ô. Juda n’y furent point apellés, ni bien congregé, car il n’y eut point d’authorité sacerdotale, et ces prophetes n’estoyent pas légitimés et pour telz reconneuz par le roy de Juda, Josaphat, quand il dict : Non est hic propheta Domini, ut interrogemus per eum 1 comme «(Vers.7.) sil eust voulu dire que les autres n’estoyent pas prophetes du Seigneur. Tel ne fut pas nomplus l’assemblée des prestres contre Nostre Seigneur, qui ne tint aucune forme de Concile, mays fut une conspiration tumul-tuaire et sans aucune procedure requise, || et laquelle tant s’en faut qu’elle eust asseurance en l’Escriture de l’assistence du Saint Esprit, qu’au contrayre elle en avoit esté declairëe privée par les Prophetes ; et de vray, la rayson vouloit que le Roy estant præsent les lieutenans perdissent l’authorité, et le grand Prestre præsent, la majesté du vicayre fut ravalée a la condition des autres. || sans authorité du supreme chef de l’Eglise, qui estoit Nostre Seigneur, Ihors présent d’une præ- • sence visible, et lequel ilz estoyent obligés de reconnoistre : a la vérité, quand le grand Sacrificateur est præsent visiblement, le vicayre ne se peut appeller chef, quand le gouverneur d’une forteresse est præsent, c’est a luy de donner le mot, non a son lieutenant. Outre tout cela, la Sinagogue devoit estre changée et transférée en ce tems la, et ceste sienne faute avoit esté ?i. 37. predicte, mays l’Eglise Catholique ne doit -jamays ?8, jo. xv. ÿ. 25. estre transférée pendant que le monde sera monde, nous n’attendons point de troysiesme législateur ni aucun autre sacerdoce, mays doit estre æternelle. Et neanmoins, Nostre Seigneur fit cest honneur a la sacrificature d’Aaron, que non obstant toute la mauvaise intention de ceux qui la possedoyent, le grand Prestre prophétisa et prononça une sentence très certayne, Quia expedit ut unus moriatur homo pro populo, *jo.xi.ÿ. 50.51. ut non tot'a gens pereat; ce quil ne dict pas de luy mesme et a cas, mays prophétiquement, dict l’Evangeliste, par ce quil estoit Pontife de ceste annëe la. Ainsy voulut Nostre Seigneur conduire ceste Sinagogue et l’authorité sacerdotale avec un remarquable honneur a la sépulture, pour luy faire succéder l’Eglise Catholique et le sacerdoce Evangélique ; et la, ou la Sinagogue prit fin, qui fut en la resolution de faire mourir Nostre Seigneur, l’Eglise fut fondée par ceste mort mesme : Opus consummavi quod dedisti mihi ut • jo. xvii. jt. 4. faciam, dict Nostre Seigneur apres la cene, et en la cene Nostre Seigneur avoit institué le nouveau testament, si que le viel, avec ses ceremonies et son sacerdoce, perdit ses forces et ses privilèges, quoy que la confirmation du nouveau ne se fit que par la mort du testateur, comme parle saint Pol. Il ne faut donq Heb. rx. ÿ. 15. plus mettre en conte les privilèges de la Sinagogue, qui estoient fondés sur un testament viel, et abrogé quand ilz disoyent ces cruelles paroles, Crucifige, ou ces autres, Blasphemavit, quid adhuc egemus testibus ? car ce n’estoyt autre qu’heurter a la pierre de choppement, selon les anciennes prædictions.

J’ay voulu lever occasion a ces deux objections qu’on faict contre l’infallible authorité des Conciles et de l’Eglise ; les autres s’iront resoulvant cy apres, es essays particuliers que nous ferons de la doctrine Catholique : il n’y chose si certayne qui n’ait des oppositions, mays la vérité demeure ferme et glorieuse par les assautz de ses contraires.