Troisième partie. Les règles de la foi sont observées dans l’Église catholique. Avant-propos

Ces deux fautes fondamentales esquelles vos ministres vous ont conduit, d’avoir abandonné l’Eglise et d’avoir violé toutes les vrayes Réglés de la Religion Chrestienne, vous rendent du tout inexcusables, Messieurs : car elles sont si grosses que vous ne pouvies pas les mesconnoistre, et sont si importantes que l’une des deux suffit pour vous faire perdre le vray Christianisme ; puysque la foy hors de l’Eglise, ni l’Eglise sans la foy, ne vous sçauroit sauver, nomplus que l’œil hors la teste, ni la teste sans l’œil, ne sçauroit voir la lumière. Quicomque vous vouloit separer de l’union de l’Eglise vous devoit estre suspect, et qui mesprisoit si fort les saintes Réglés de la foy devoit estre fuy et mesprisé, quelle contenance quil tint, quoy quil allegast.

Mays, ce me dires vous, ilz protestoyent de ne rien dire qui ne fut exprès en la pure, simple et naifve Parole de Dieu. || Ah mon Dieu, comme creutes vous si legerement ? Il ny eut onques heresie qui alleguast plus hors de propos la Parole de Dieu que celle cy, et qui en tirast des conclusions moins sortables, particulièrement es principales disputes. Vous l’aures desja peu remarquer cy devant es deux premières Parties de ce Memorial, mays je desire que vous le touchies au doigt, affin quil ne vous demeure aucune excuse de reste. || Vous ne devies pas croire si legerement ; si vous eussies bien advisé a vos affaires, vous eussies veu que ce n’estoit pas la Parole de Dieu quilz avan-çoyent, mais leurs propres conceptions voylëes des motz de l’Escritture, et eussies bien connu que jamais un si riche habit ne fut faict pour couvrir un si vilain cors comme est ceste heresie.

Car, par supposition, faysons que jamais il ny eust Eglise, ni Concile, ni Pasteurs, ni Docteurs, des les Apostres, et que l’Escriture Sainte ne contient que les Livres quil plaict a Calvin, Beze et Martyr d’avouer, quil ny a point de Réglé infallible pour la bien entendre, mays qu’elle est a la merci des conceptions de quicomque voudra maintenir quil interprete l’Escriture par l’Escriture et par l’analogie de la foy, comme on veut entendre Aristote par l’Aristote et par l’analogie de la philosophie ; confessons seulement que cèste Escriture est divine, et je maintiens devant tous juges équitables que, si non tous, au moins ceux d’entre vous qui avoyent quelque connoissance et suffisance sont inexcusables, et ne sçauroyent garentir leur religion de legereté et témérité. Et voicy ou je me réduis. Les ministres ne veulent combattre qu’avec l’Escriture, je le veux ; ilz ne veulent de l’Escriture que les parties qu’il leur plaict, je m’y accorde : au bout de tout cela, je dis que la creance de l’Eglise Catholique l’emporte de tous pris, qu’elle a plus de passages pour soy que l’opinion contraire, et ceux qu’elle a, plus clairs, purs et simples, plus raysonnablement interpretes, mieux concluans et sortables. Ce que je crois estre si certain, que chacun le peut sçavoir et connoistre, mays de monstrer cecy par le menu, ce ne seroit jamais faict ; il suffira bien, ce me semble, de le monstrer en quelques principaux articles.

C’est donques ce que je pretens faire en ceste troysiesme Partie (d, ou j’attaqueray vos ministres sur les Sacremens en general, et en particulier sur celuy de l’Eucharistie, de la Confession et Mariage, sur l’honneur et invocation des Saintz, sur la convenance des ceremonies en general, puys en particulier, sur la puyssance de l’Eglise, sur le merite des bonnes oeuvres et la justification, et sur les indulgences ; ou je n’em-ployeray que la pure et simple Parole de Dieu, avec laquelle seule je vous feray voir, comme par essay, vostre faute si a descouvert, que vous aures occasion de vous en repentir. Et toutefois, je vous supplie que si vous me voyes combattre, abattre et en fin surmonter l’ennemy avec la seule Escriture, vous vous representies alhors ceste grande et honnorable suite de Martyrs, Pasteurs et Docteurs, qui ont tesmoigné par leur doctrine et au prix de leur sang que la doctrine pour laquelle nous combattons maintenant estoit la sainte, la pure, l’Apostolique, qui sera comme une surcharge de victoire : car, quand nous nous trouverions en pareille fortune avec nos ennemis, par la seule Escriture, l’ancienneté, le consentement, la sainteté de nos autheurs nous feroit tousjours triompher. Et a ceste occasion j’adjusteray tousjours le sens et la conséquence que je produiray des Escritures, aux Réglés que j’ay produites en la seconde Partie ; quoy que mon dessein principal ne soit que de vous faire essayer la vanité de vos ministres, qui ne faysans que crier, la Sainte Escriture, la Sainte Escriture, ne font rien plus que d’en violer les plus asseurëes sentences. En l’assemblëe des princes qui se fit a Spire l’an 1526, les ministres Cocieus. protestans portoyent ces lettres en la manche droitte de leurs vestemens : V. D. M. I. Æ. ; par lesquelles ilz vouloyent protester : Verbum Domini Manet In Æternum. Ne diries vous pas que c’est bien eux qui seulz et sans compaignon manient l’Escriture Sainte ? Hz en citent, a la vérité, des morceaux, et a tous propos, « en public, en privé, » dict le grand Liri- * (Ubi supra, Pars nensis, « en leurs discours, en leurs livres, es rues, es II, c. 1, art. x, p.

banquetz. Lises les opuscules de Paulus Samosatenus, de Priscillien, d’Eunomius, Jovinien, et de ces autres pestes ; vous verres un grand amas d’exemples, et presque pas une pagëe qui ne soit fardée et colorée de quelques sentences du Viel et Nouveau Testament. Hz font comme ceux qui veulent faire prendre quelque breuvage amer aux petitz enfans : ilz frottent et couvrent de miel le bord du gobelet, affin que ce simple aage, sentant premièrement le doux, n’apprehende point l’amer. » Mays qui sondera au fons de leur doctrine, verra clair comme le jour que ce n’est qu’une happelourde saffranëe, telle que celle que le diable produisoit quand il tentoit Nostre Seigneur, car il avançoit l’Escriture pour son intention. « O Dieu, » (Eodem Commo- dict le mesme Lirinensis, « que fera il a l’endroit des nit., cap. xxvi.)

misérables hommes, puysqu’il ose attaquer avec l’Escriture le Seigneur mesme de majesté ? Pensons de près a la doctrine de ce passage ; car, comm’alors le chef d’un parti parla au chef de l’autre, ainsy maintenant les membres parlent aux membres, a sçavoir, les membres du diable aux membres de Jésus Christ, les perfides aux fideles, les sacrilèges aux religieux, en fin les hæretiques aux Catholiques. » Mays comme le chef respondit au chef, ainsy pouvons nous faire, nous autres membres, aux membres : nostre Chef repousa leur chef avec les passages mesme de l’Escriture ; repousons les en semblable façon, et par des conséquences solides et naifves , déduites de la Sainte Escriture, monstrons la vanité et piperie avec laquelle ilz veulent couvrir leurs conceptions des paroles de l’Escriture.

C’est ce que je pretens icy, mays briefvement ; et proteste que je produyray tresfidelement tout ce que je cuyderay estre de plus apparent de leur costé, puys par l’Escriture mesme les convaincray, affin que vous voyes que quoyque et eux et nous manions et nous armons de l’Escriture, nous en avons neanmoins la réalité et droit usage, eux n’en ayant qu’une vayne apparence par maniéré d’illusion ; ainsy que non seulement Moise et Aaron, mays encores les magiciens animèrent leurs verges et les convertirent en colœuvres, mays la verge d’Aaron devora les verges des autres. ‘(Exod., vn, 10-12.)