Seconde partie. Chapitre VIII. Que les Ministres ont violé la Raison naturelle

Dieu est autheur en nous de la rayson naturelle, et ne hait rien de ce quil a faict, si que, ayant marqué nostre entendement de ceste sienne lumière, il ne faut pas penser que l’autre lumière surnaturelle quil départ aux fidelles, combatte et soit contraire a la naturelle ; elles sont filles d’un mesme Pere, l’une par l’entremise de nature, l’autre par l’entremise de moyens plus hautz et eslevés, elles donques peuvent et doivent demeurer ensemble comme seurs très affectionnées. Soit en nature soit sur nature, la rayson est tousjours rayson, et la vérité, vérité ; aussy n’est ce que le mesme œïl qui voit es obscurités d’une nuict bien sombre a deux pas devant luy, et celuy qui voit au beau jour de mydi tout le cercle de son horison, mays ce sont diverses lumières qui luy esclairent : ainsy est il certain que la vérité, et sur nature et en nature, est tousjours la mesme, ce sont seulement diverses lumières qui la monstrent a nos entendemens ; la foy nous la monstre sur nature, et l’entendement en nature, mays la vérité n’est jamais contraire a soymesme.

Il Item, Dieu, qui a donné a nos sens leurs propres sentimens et connoissances, pour seconder nature ne permet que jamais ilz soyent trompés quand ilz sont en une droitte application, et nostre expérience prise a part, simple et nüe, ne bronche point. || Item, nos sens ne se trompent pas sur leur propre object quand l’application est bien faitte, et nostre expérience prise a part, simple et nüe, ne peut estre deceüe : ce sont propositions de la philosophie, qui ont ceste rayson bien asseurëe, c’est que Dieu est autheur de nos sens, et les dresse, comme saint ouvrier et infallible, a leur propre fin et but ; ce sont certes premiers principes, que ceux qui les leveroyent nous leveroyent tout discours et rayson. L’exemple nous fera bien entendre ces propositions. Mon œil se peut tromper, jugeant une chose plus grande qu’elle n’est ; mays la grandeur n’est pas le propre object de mon œil, car il est commun au toucher et a la main : et se peut tromper, estimant le mouvement estre ou il n’est point, comme ceux qui navigent le long de la rive voient, ce leur semble, les arbres et tours se remuer ; mays le mouvement n’est pas propre object de la veüe, le toucher y a part encores : il se peut encores tromper si l’application n’est pas pure ; car, sil y a du verre vert ou rouge en l’entredeux, il pensera vert ou rouge ce qui ne le sera pas.

Au reste, si au jugement du sens et a l’experience vous y adjoustes du discours et de la conséquence, si vous vous y trompes ne vous en prenes plus au sentiment ni a l’experience, car elle n’est plus pure ni simple, qui est une des conditions que j’ay mises en mes propositions ; c’est le discours et la conséquence que vous y aves attachée qui vous a trompé. Ainsy les yeux ni l’experience ne trompoyent pas ceux qui voyoient et experimentoyent en Nostre Seigneur la forme et maniéré humayne, car tout cela y estoit, mays quand ilz tiroient de la, conséquence quil n’estoit pas Dieu, ilz se trompoyent. Le sens qui juge qu’a l’autel il y a la rondeur, la blancheur, le goust et saveur du pain, juge bien, mays le discours qui déduit de la que la substance du pain y est encores, tire une très mauvaise et fause conclusion ; delaquelle le sens ne peut mais, qui ne prend point de connoissance sur la substance des choses, mais sur les accidens. De mesme, l’experience qui nous monstre que nous ne sçavons pas comme ces accidens sont sans leur naturelle substance, est très véritable, mays si nostre jugement tire conclusion de la quil n’en soit rien, il se trompe et nous trompe encores ; et nostre expérience n’en peut mais, qui n’a point touché a ceste conséquence.

L’experience donques et la connoissance des sens est très véritable, mays les discours que nous en tirons nous trahissent : hors de la, qui combat la connoissance des sens et la propre expérience, combat la rayson et la renverse, car le fondement de tout discours dépend de la connoissance des sens et de l’experience. Or, combien vos ministres ayent combattu l’experience, la connoissance des sens et la rayson naturelle, je vous le feray paroistre tout maintenant, pourveu que vous mesmes ne veuilles combattre vostre propre jugement.

COMBIEN LES MINISTRES ONT COMBATTU LA RAYSON

ET L’EXPERIENCE

Quand Luther, en la præface de V Assertion des articles condamnés par Leon, dict que « l’Escriture est très aysëe, intelligible et claire a chacun », et que chacun y peut connoistre la vérité, et discerner entre les sectes et opinions quelle est la vraye, quelle est la fausse, dites, je vous prie, combat il pas la propre expérience de tout le monde ? et quand vous aves creu ceste sottise, connoisses vous pas tout ouvertement le contraire ? Je ne sache homme si versé qui osast jurer, sil a point de conscience, quil sçait le vray sens, je ne dis pas de toute l’Escriture, mays de quelque partie d’icelle ; et si, n’ay je jamais veu homme entre vous qui entende le sens d’un chapitre tout entier.

Quand Calvin et Bucer nient que nous ayons aucune • Cal., (Instit.) 1.1.

c. xvi. § 8, et 1. II.

liberté en nostre volonté, non seulement pour les c. n. § 4, et c. iv.

6 ; Bue., 1. de Con­

actions surnaturelles, mays encores pour les naturelles §cord., art. de Lib. et es commerces purement humains, n’attaque il pas la arb. rayson naturelle et toute la philosophie, comme luy mesme confesse, et tout d’un train l’experience, et de *(Calv.,Instit., 1.II,

c. n, § 4; c. iv, § 6.)

vous, si vous parles franchement, et de tout le reste des hommes ?

Et quand Luther dict que le croire, esperer, aymer In Operationibus

in Psalmos.

ne sont pas operations et actions de nostre volonté, mais pures passions sans aucune activité de nostre volonté, ne perd il pas tout en un coup le croire, l’esperer, l’aymer, et les change en estre creu, esperé et aymé, et combat le cœur de l’homme, qui connoist bien que c’est luy qui croit, ayme, espere, par la grâce de Dieu ?

W Item, quand Luther dict que les enfans au Bap- ‘ tesme ont l’usage de l’entendement et rayson, et quand le sinode de Wittemberg dict que les enfans au

2. III. Miscel. tract. Baptesme ont des mouvemens et inclinations sembla-blés aux mouvemens de la foy et charité, et ce sans entendre, n’est ce pas se mocquer de Dieu, de nature, ' et de l’experience ?

Et quand on dict que nous péchons « incités, poussés, nécessités, par la volonté, ordonance, decret et prædestination de Dieu, » n’est ce pas blasphemer contre toute rayson et contre la majesté de la supreme bonté ?

v°y^a ^a belle théologie de Zuingle, Calvin et Beze : At enim dices, dict Beze, dices, non potue-c. xvn1 et xvm; l'. runt resistere Dei voluntati, id est, decreto : fateor ; testai sicut non potuerunt, ita etiam noluerunt. contra libertinos. Verum non poterant aliter velle : fateor quoad *Beza, Contra Cas- , J talionem, De æter- eventum et energiam, sed voluntas tamen Adami refut'”. caiæmniæ^ coacta non fuit. Bonté de Dieu, je vous appelle a garant : vous m’aves poussé a mal faire, vous l’aves ainsy décrété, ordonné, voulu, je ne pouvois faire autrement, je ne pouvois vouloir autrement, qu’y a il de ma faute ? O Dieu de mon cœur, chastiés mon vouloir sil peut ne vouloir pas le mal et quil le veuille, mays sil luy est impossible de ne le vouloir pas, et vous luy soÿes cause de ceste impossibilité, qu’y peut il avoir de sa faute? Si cecy n’est contre rayson, je confesse quil ny a point de rayson au monde.

« La loy de Dieu est impossible, » selon Calvin et ^aCo”c.ATrident ^es autres : que s’ensuit il de la, sinon que Nostre (adcap.xn);luth., Seiefneur soit tiran, qui commande chose impossible? lib. De Libertate 6 1 r Christiana (initio), si ell’est impossible, pourquoy la commande on ?

« A considerer exactement, les œuvres pour bonnes Ibidem. qu’elles soyent meritent plus l’enfer que le Paradis : » la justice donques de Dieu, qui donnera a chacun selon ses œuvres, donnera a chacun l’enfer ? Reprise de l’Autographe de Rome. Voir p. 322, note.

C’est asses. Mays l’absurdité des absurdités, et la plus horrible déraison de toutes, c’est celle la, que, tenans que l’Eglise tout’entiere aÿe erré mill’ans durant en l’intelligence de la Parole de Dieu, Luther, Zuingle, Calvin puyssent s’asseurer de la bien entendre ; bien plus, qu’un simple ministrot, prêchant comme parole de Dieu que toute l’Eglise visible a erré, que Calvin et tous les hommes peuvent errer, ose trier et choysir entre les interprétations de l’Escriture celle qui luy plaict, et l’asseurer et maintenir comme parole de Dieu ; encores plus, que vous autres qui oyans dire que chacun peut errer au faict de la religion , et toute l’Eglise mesme, sans vouloir vous en chercher d’autre parmi mille sectes qui toutes se vantent de bien entendre la Parole de Dieu et la bien prêcher, croÿes si opiniastrément a un ministre qui vous preche, que vous ne voules rien ouir autre. Si chacun peut errer en l’intelligence de l’Escriture, pourquoy non vous et vostre ministre ? J’admire que vous n’alles tousjours tremblantz et branslantz ; j’admire comme vous pouves vivre avec autant d’asseurance en la doctrine que vous suives, comme si vous ne pouvies [tous] errer, et que neanmoins vous tenes pour asseuré que chacun a erré et peut errer.

L’Evangile vole bien haut sur toutes les plus esle-vees raysons de nature ; jamais il ne les combat, jamais ne les gaste ni défaict : mays ces fantasies de vos evangelistes ruynent et obscurcissent la lumière naturelle.

QUE L’ANALOGIE DE LA FOY NE PEUT SERVIR DE REGLE

AUX MINISTRES POUR ESTABLIR LEUR DOCTRINE

C'est une voix pleyne de fast et d’ambition entre vos ministres, et qui leur est ordinaire, quil faut interpreter l’Escriture et esprouver les expositions par l’analogie de la foy. Le simple peuple, quand il entend parler de l’analogie de la foy, pense que ce soit certain mot de secrette vigueur et force, et cabalistique, et admire tout’interpretation qui se faict, pourveu qu’on mette ce mot icy en campaigne. Hz ont rayson, pour vray, quand ilz disent quil faut interpreter l’Escriture et esprouver les expositions d’icelle par l’analogie de la foy, mays ilz ont tort quand ilz ne font point ce quilz disent. Le pauvre peuple n’entend autre ventance que de ceste analogie de la foi, et les ministres n’ont faict autre que la corrompre, violer, forcer et mettre en pièces. Disons, je vous prie : vous dites que l’Escriture est aysëe d’entendre, pourveu qu’on l’adjuste a la réglé et proportion ou analogie de la foy; mays quelle réglé de la foy peuvent avoir ceux [qui] n’ont point d’Escriture que toute glossee, toute estirëe et contournée d’interpretations, métaphores, metonimies ? si la réglé est sujette au desreglement, qui la réglera ? et quelle analogie ou proportion de foy y peut il avoir, si on proportionne les articles de foy aux conceptions les plus esloignëes de leur naïfveté ? Voules vous que la proportion des articles de foy vous serve pour vous résoudre sur la doctrine et religion ? laysses les articles de foy en leur naturelle taille, ne leur bailles point d’autre forme que celle quilz ont receüe des Apostres.

Je vous laysse a penser a quoy me servira le Simbole des Apostres pour interpreter l’Escriture, puysque vous le glosses en telle façon, que vous me mettes en autant de difficulté de son sens que je fus jamais de l’Escriture mesme. W Si on demande comm’il se peut faire que le mesme cors de Nostre Seigneur soit en deux lieux, je diray que cela est aysé a Dieu, suyvant le dire de l’Ange, Non est impossibile apud Deum omne verbum, et le confirmeray par la rayson de la foy, Credo in Deum Patrem omnipotentem ; mays si vous glosses, et l’Escriture et l’article de foy mesme, comme confirmeres vous vostre glosse ? a ce conte la il ny aura point de premier principe sinon vostre cervelle. Si l’analogie de la foy est sujette a vos glosses et opinions, il le faut dire franchement, affin qu’on sache vostre intention ; ainsy ce sera interpreter Escriture par l’Escriture et par l’analogie, le tout adjusté a vos interprétations et conceptions.

J’applique le tout a l’analogie de la foy. Ceste explication joint fort bien a la première parole du Simbole, la ou Credo nous oste toute la difficulté du discours humain. C omnipotentem me confirme, la création m’y recrée ; car, qui ex nihilo fecit omnia, quare ex pane non Jaciet Corpus Christi ? Le nom de Jésus m’y conforte, car sa misericorde et magnifique volonté y est exprimée ; ce quil est Filq consubstantiel au Pere monstre son pouvoir illimité. Sa conception d’une Vierge hors le cours naturel, ce quil n’a point dédaigné de s’y loger pour nous, ce quil est né avec pénétration de dimension, action qui surmonte et outrepasse la nature d’un cors, m’asseure et de la volonté et du pouvoir. Sa mort m’affermit, car, qui est mort pour nous, que ne fera il pas pour nous ? Son sepulchre me console, et sa descente aux enfers, car je ne douteray point quil ne descente en l’obscurité de mon cors, etc. Sa résurrection me ravive, car la nouvelle pénétration de la pierre, l’agilité, subtilité, clarté, impassibilité de son cors n’est plus sujette aux loix trop grossières de nos cervelles. Son ascension me faict monter a ceste foy ; car si son cors pénétré, s’esleve par sa seule volonté, et se place sans place a la dextre du Pere, pourquoy ne sera il encor ça bas ou bon luy semble, sans y occuper autre place qu’a sa volonté? Ce qu’z'Z sied, a la dextre du Pere, me monstre que tout luy est sousmis, le ciel, la terre, les distances, les lieux et les dimensions : ce que de la il viendra juger les vivans et les morts, me pousse a la creance de l’illimitation de sa gloire, et que partant sa gloire n’est pas attachée au lieu, mays ou quil soit il la porte avec soy ; dont au tressaint Sacrement il y est sans laysser sa gloire ni ses perfections. Le Saint Esprit, par l’operation duquel il a esté conceu et est né d’une Vierge, pourra bien encores avec son operation fayre ceste admirable besoigne de la Transubstantiation. L'Eglise, qui estant sainte ne peut induire a l’erreur, estant catholique n’est pas astreinte a ce misérable siecle, mays doit avoir son estendue en long des les Apostres, en large par tout le monde, en profondité jusqu’au Purgatoire, en hauteur jusqu’au ciel, a sçavoir, toutes nations, tous les siècles passés, les Saints canonizés et nos ayeulz desquelz nous avons esperance, les Prelatz, les Conciles recens et anciens, tout par tout chantent Amen, amen, a ceste sainte creance. C’est icy la parfaite Communion des Saint^, car c’est la viande commune des Anges et saintes âmes du Paradis et de nous autres, c’est le vray pain duquel tous les Chrestiens participent. La Remission des péchés, l’Autheur de la remission y estant, est confirmée, la semence de nostre Résurrection jettëe, la Vie æternelle conférée.

Ou trouves vous de la contrariété a ceste sainte analogie de la foy ? tant s’en faut, que vrayement ceste creance du tressaint Sacrement, qui contient en vérité, réalité et substance le vray et naturel Cors de Nostre Seigneur, est vrayement l’abbregé de nostre foy, suyvant le dire du Psalmiste, Memoriam fecit. O saint et parfaict memorial de l’Evangile, o admirable recueil de nostre foy : qui croit, o Seigneur, vostre præsence en ce tressaint Sacrement, comme preche vostre sainte Eglise, a recueilly et suce le doux miel de toutes les fleurs de vostre sainte Religion, a grand peyne quil puysse jamais mescroire.

Mays je reviens a vous, Messieurs, et demande que

(Matt., xxvi, 26 ;

c’est qu’on m’opposera plus a ces passages si clairs, *Marc., xiv, 22; Luc., Cecy est mon cors. Que la chair ne prouffite de xxii, 19 ; I Cor., xi,

24-)

rien ? non pas la vostre ou la mienne qui ne sont que charoignes, ni nos sentimens charnelz ; nom pas une chair simple, morte, sans esprit ni vie : mays celle du Sauveur, qui est tousjours garnie de l’Esprit vivifiant et de son Verbe, je dis qu’elle proufite a tous

**{Joan., 1, 14.)

ceux qui la reçoivent dignement pour la vie æternelle. Que dires vous ? que les paroles de Nostre Seigneur sont esprit et vie ? qui le nie, sinon vous qui dites (Joan., vi, 64.) que ce ne sont que tropes et figures ? Mays a quel propos ceste conséquence : les paroles de Nostre Seigneur sont esprit et vie, donques elles ne se doivent pas entendre de son cors? Et quand il dict, Filius;Matt.,xx, 18,19.) hominis tradetur ad illudendum et flagellandum, etc. (car je metz pour exemple les premières venues), ses paroles n’estoyent ce pas esprit et vie? dites donques qu’il a esté crucifié en figure. Quand il dict, Si ergo videritis Filium hominis ascenden- tem ubi erat prius, s’ensuit il quil ny soit monté qu’en figure ? et toutes elles sont comprises avec les autres, dont il dict, spiritus et vita sunt. En fin, au Saint Sacrement, aussi bien qu’es saintes paroles de Nostre Seigneur, l’esprit y est, qui vivifie la chair, autrement elle ne proufiteroit de rien, mays la chair ne laisse pas d’y estre avec sa vie et son esprit. Que dires vous plus ? que ce Sacrement est appellé pain ? aussy est il, mays comme Nostre Seigneur l’explique : Ego ‘(Vers. 51.) sum panis vivus. C’est bien asses pour cest exemple.

Quand a vous, que produires vous de semblable ? je vous monstre un est, monstres moy le non est que vous prétendes, ou le significat ; je vous ay monstré le corpus, monstres moy le signe effectueux. Cherches, vires, revires, mettes vous sur vostre esprit de tournoyement a grand randon, et vous ne le trouvères jamais. A tout rompre vous monstreres que qui voudroit un peu estirer ces paroles, il trouveroit quelques semblables phrases en l’Escriture que celle que vous prétendes estre icy, mays ad esse a posse c’est une lourde conséquence ; je nie que vous le puyssies faire joindre, je dis que si chacun les manie a sa main, la pluspart les prendront a gauche. Mays bien, layssons voir un peu faire. Vous produises pour vostre creance : Verba quæ ego loquor spiritus et vita sunt, et y joignes, Quotiescumque manducabitis panem hunc; vous y adjoustes, Hoc facite in meam commemora- •(lbid.,^.24,26.) tionem ; vous y apportes, Mortem Domini annun- dabitis donec veniat ; Me autem semper non habebitis ; mays consideres un peu quel rapport ont ces paroles les unes aux autres. Vous adjustes tout cecy a l’anormalogie de vostre foy, et comment? Nostre Seigneur est assis a la dextre, donq il n’est pas icy. Monstres moy le fil avec lequel vous couses ceste negative avec ceste affirmative : par ce qu’un cors ne peut estre en deux lieux. Ah, vous disies que vous joindries vostre negative avec l’analogie par le fil de l’Escriture ; ou est cest’Escriture, qu’un cors ne puysse estre en deux lieux ? voyes un peu comme vous mesles la prophane appréhension d’une rayson purement humaine avec la sacree Parole. Ah, ce dites vous, Nostre Seigneur viendra juger les vivans et les morts des la dextre. Quoy pour cela ? sil estoit besoin quil vint pour se trouver présent au Saint Sacrement, vostre analogie auroit de l’apparence ; mays non encores de la réalité, car alhors quil viendra juger, personne ne dict quil soit en terre, le feu précédera.

Voyla vostre analogie ; a sçavoir mon, qui a mieux travaillé, ou vous ou moy? Si on vous laisse interpreter la descente de Nostre Seigneur aux enfers, du sépulcre, ou de l’apprehension de l’enfer et peyne des damnés, la sainteté de l’Eglise, d’une Eglise invisible et inconneüe, son universalité, d’une Eglise secrette et cachée, la communion des Saintz, d’une seule bienveuil-lance generale, la remission des péchés, d’une seule non imputation, quand vous aures ainsy proportionné le Simbole a vostre jugement, il sera quand et quand bien proportionné au reste de vostre doctrine ; mays qui ne voit l’absurdité ? le Simbole, qui est l’instruction des plus simples, seroit la plus obscure doctrine du monde, et devant estre réglé a la foy, il auroit besoin d’estre réglé par une autre regie ; In circuitu impii ambulant. Voicy une réglé infallible de nostre foy : ’(Ps. », 9.) Dieu est tout puyssant ; qui dict tout n’exclud rien, et vous voules regler ceste regie, et la limiter a ce qu’elle ne s’estende pas a la puyssance absolue, ou a la puyssance de placer un cors en deux lieux, ou le placer en un lieu sans quil y occupe l’espace extérieur. Dites moy donques, si la réglé a besoin de reglement, qui la réglera ? Ainsy le Simbole dict que Nostre Seigneur est descendu en enfer, et Calvin le veut regler a ce quil s’entende d’une descente imaginaire, xv/^io 1’2 C' l’autre le rapporte au sépulcre : n’est ce pas traitter (Beza, ubi supra, ceste regie a la Lesbienne, et plier le niveau sur la caP-r’a-VI> p-‘W-) pierre au lieu de tailler la pierre au niveau ? Pour vray, comme saint Clement et saint Augustin l’ap- (Vj^sup. p?™8oj pellent regie, aussy saint Ambroise l’appelle clef, mays sil faut une autre clef pour ouvrir ceste clef, • Serm. mvm. ou la trouverons nous ? monstres la nous ; sera le cerveau des ministres, ou quoy ? sera ce le Saint Esprit ? mays chacun se ventera d’en avoir sa part. Bon Dieu, en quelz laberinthes tumbent ceux qui s’escartent de la trace des Anciens.

Je ne voudrois pas que vous pensassies que j’ignorasse que le seul Simbole n’est pas la totale réglé et x , mesure de la foy ; car, et saint Augustin et le grand 1.1. (§ 22.) • Cap. n. Commo- Lirinensis appellent encores réglé de nostre foy, le sentiment ecclesiastique. Le Simbole seul ne dict rien a descouvert de la Consubstantialité, des Sacremens, et autres articles de la foy, mays comprend toute la foy radicalement et fondamentalement ; principalement quand il nous enseigne de croire l’Eglise estre sainte et catholique, car par la il nous renvoÿe a ce qu’elle proposera. Mays comme vous mesprisés toute la doctrine ecclesiastique, aussi mesprises vous ceste noble partie et si signalée qui est le Simbole, luy refusant creance sinon apres que vous l’aures réduit au petit pied de vos conceptions. Ainsy violes vous ceste sainte ’Ro. xn. ÿ. 6. mesure et proportion, que saint Pol propose pour estre suivie, voyre aux Prophetes mesme.

ARTICLE IV — CONCLUSION DE TOUTE CESTE 2B PARTIE — PAR UN BRIEF RECUEIL DE PLUSIEURS EXCELLENCES — QUI SONT EN LA DOCTRINE CATHOLIQUE, AU PRIS DE L’OPINION

DES HÆRETIQUES DE NOSTRE AAGE I1)

Vous vogues donques ainsy, sans aiguille, bussole et timon, en l’océan des opinions humaynes ; vous ne pouves attendre autre qu’un misérable naufrage. Ah de grâce, pendant que ce jourdhuy dure, pendant que Dieu vous præsente l’occasion, jettes vous en l’esquif d’une serieuse pœnitence, et venes vous rendre en l’heureuse navire, laquelle a plein voyle va surgir au port de gloire. Quand il ny auroit autre, ne connoisses vous pas quelz advantages et combien d’excellences la doctrine Catholique a sur vos opinions ?

Voir les Notes préparatoires, pp. 17-19.

|| La doctrine Catholique se fonde immédiatement sur la Parole de Dieu, ou escritte ou layssëe de main en main ; vos opinions ne sont fondées que dessus vos interprétations. ||

La doctrine Catholique rend plus glorieuse et magnifie la bonté et misericorde de Dieu ; vos opinions la ravalent. Par exemple, ny a il pas plus de misericorde d’exhiber la réalité de son Cors pour nostre viande, que de n’en donner que la figure, commémoration et manducation fiduciaire ? n’est ce pas plus de justifier l’homme embellissant son ame par la grâce, que sans l’embellir le justifier par une simple connivence ou non imputation ? n’est ce pas une plus grande faveur de rendre l’homme et ses œuvres aggreables et bonnes, que de tenir seulement l’homme pour bon sans quil le soit en réalité ? n’est ce pas plus d’avoir layssé sept Sacremens pour la justification et sanctification du pecheur, que de n’en avoir laissé que deux, dont l’un ne serve de rien et l’autre de peu ? n’est ce pas plus d’avoir laissé la puyssance d’absouvre en l’Eglise, que de n’en avoir point laissé ? n’est ce pas plus d’avoir laissé une Eglise visible, universelle, signalée, remarquable et perpétuelle, que de l’avoir layssé petite, secrette, dissipée, sujette a corruption? n’est ce pas plus priser les travaux de Nostre Seigneur, de dire qu’une seule goutte de son sang suffisoit a racheter le monde, que de dire que s’il n’eut enduré les peynes des damnés il ni avoit rien de faict ? la misericorde de Dieu n’est elle pas plus magnifiée, de donner a ses Saintz la connoissance de ce qui se faict cy bas, le credit de prier pour nous, se rendre exorable a leurs intercessions, les avoir rendu glorieux des leur mort, que de les faire attendre et tenir « en suspens », comme parle Calvin, jus­ • (Instit., 1. III, c.

XXV, §6.)

qu’au jugement, les rendre sourds a nos prières et se rendre inexorable aux leurs ? Cecy se verra plus clair en nos essais.

Nostre doctrine rend plus admirable le pouvoir de Dieu, au Sacrement de l’Eucharistie, en la justification « et justice inhærente, es miracles, en la conservation infallible de l’Eglise, en la gloire des Saintz.

La doctrine Catholique ne peut partir d’aucune passion, puysque personne ne s’y range sinon avec ceste condition, de captiver son intelligence sous l’authorité des pasteurs ; elle n’est point superbe, puysqu’elle apprend a ne se croire pas soymesme mays l’Eglise.

Que diray je plus ? connoisses la voix de la colombe au près de celle du corbeau. Voyes vous pas ceste Espouse qui n’a autre que miel et laid sous sa lan- gue, qui ne respire que la plus grande gloire de son Espoux, son honneur et son obéissance ? Sus donques, Messieurs, voules vous estre mis comme pierres vivantes es murailles de la celeste Hierusalem ? leves vous des mains de ces bastisseurs desreglés, qui n’adjustent pas leurs conceptions a la foy, mais la foy a leurs conceptions ; venes et vous présentes a l’Eglise, qui vous posera, si a vous ne tient, en ce celeste bastiment, a la vraye réglé et proportion de la foy : car, jamais personne n’aura place la haut, qui n’aura esté poli et mis en œuvre sous la réglé et l’esquierre cy bas.