Troisième partie. Chapitre I. Des Sacremens

Ce mot de Sacrement est bien exprès en l’Escriture en la signification qu’il a en l’Eglise Catholique, puysque saint Pol, parlant du Mariage, l’apelle clair et net, • (Ephes., v, 32.) Sacrement. Mays nous [allons] voir cecy cy apres; • Anno 2% L. De il suffit maintenant, contre l’insolence de Zuingle et

. . .

autres qui ont voulu rejetter ce nom, que toute 1 Eglise ancienne en aÿe usé : car ce n’est pas avec une plus grand’authorité que le mot de Trinité, Consubstantiel, Personne, et cent autres sont demeurés en l’Eglise comme saints et légitimés ; et c’est une très inutile et sotte témérité de vouloir changer les motz ecclesiastiques que l’antiquité nous a laissé, outre le danger quil y auroit, qu’apres le changement des motz on n’allast au change de l’intelligence et creance, comme on voit ordinayrement que c’est l’intention de ces novateurs de paroles. Or, puysque les prætendus reformateurs, pour la plus part, quoy que ce ne soit sans gronder, layssent ce mot en usage par mi leurs livres, amusons nous aux difficultés que nous avons avec eux sur les causes et les effetz des Sacremens, et voyons comm’ilz y mesprisent l’Escriture et les autres Réglés de la foy.

ARTICLE II — de la forme des sacremens

Commençons par ici : l’Eglise Catholique tient pour forme des Sacremens, des paroles consecratoires ; les ministres prétendus ont voulu reformer ceste forme, disans que les paroles consecratoires sont charmes, et que la vraÿe forme des Sacremens estoit la prædication. Qu’apportent les ministres, de la Sainte Escri- "Calvin., 1. IV Inst, ture, pour l’establissement de ceste reformation? deux v a^Ephes?;’Beza] passages seulement, que sache, l’un de saint Pol, “ sa“m’ doct- de l’autre de saint Mathieu. [Saint Paul,] parlant de l’Eglise, dit que Nostre Seigneur l’a sanctifiée, mundans lavacro aquœ in verbo vitæ; et Nostre Sei- * Ephes. v. ÿ. a6. gneur mesme, en saint Mathieu, fit ce commandement a ses disciples : Docete omnes gentes, baptisantes eos in nomine Patris, et Filii, et Spiritus Sancti. Mat. uit. ÿ. 19. Voyla [pas des] passages bien clairs pour monstrer que la prædication [est] la vraÿe forme des Sacremens ? Mays qui leur a dict quil ni a point d’autre verbum vitæ que la prédication ? je soustiens, au contraire, que ceste sainte invocation, Je te baptise au nom du Pere, et du Fils, et du Saint Esprit, est encores un verbum vitæ, comme l’ont dict saint Chrysostome et Theodoret; aussi sont bien les autres saintes prières "(in Ephes.,v, 26.) et invocations du nom de Dieu, qui ne sont pourtant pas prædications. Que si saint Hierosme, suyvant le (in eundem lo-

■. . - . cum.) sens mistique, veut que la prædication soit une sorte d’eau purifiante, il ne s’oppose pourtant pas aux autres Peres, qui ont entendu le- lavoir d'eau estre le Baptesme précisément, et la parole de vie, l’invocation de la tressainte Trinité, affin d’interpreter le passage de saint Pol par l’autre de saint Mathieu : Enseignes toutes gens, les baptisans au nom du Pere, et du Fil%, et du Saint Esprit. Et quand a ce dernier, personne ne nia jamais que l’instruction ne doive précéder le Baptesme, a l’endroit de ceux qui en sont capables, suyvant la parole de Nostre Seigneur qui met l’instruction devant et le Baptesme apres ; mays nous arrestans a la mesme parole, nous mettons l’instruction devant, a part, comme disposition requise en celuy qui a l’usage de rayson, et le Baptesme a part encores ; dont l’un ne peut estre forme de l’autre, ni le Baptesme, de la prædication, ni la prædication, du Baptesme. Que si neanmoins l’un devoit estre forme de l’autre, le Baptesme seroit plustost forme de la prédication, que la prédication, du Baptesme ; puysque la forme ne peut précéder, ains doit survenir a la matière, et que la prædication précédé le Baptesme, et le Baptesme survient par apres sur la prædication : dont saint Augustin n’auroit pas bien dict, quand il (Tract, ixxx in disoit: Accedit verbum ad elementum, et fit Sacramentum; car il eust plustost deu dire : Accedit elementum ad verbum. Ces deux passages donques ne sont pas advenans ni a propos pour vostre reformation ; neanmoins, voyla tout.

Or toutefois, vos pretensions seroient en certaine façon plus tolérables, si nous n’avions en l’Escriture des raysons contraires, plus expresses que les vostres ne sont, hors de toute comparayson. Les voyci : Qui [Marc.,] c. uit. ÿ. crediderit et bapti^atus fuerit*', voyes vous la " creance qui nait en nous par la prædication, separëe du Baptesme ? ce sont donq deux choses distinctes, la prædication et le Baptesme. Qui doute que saint Pol n’ait catéchisé et instruict de la foy plusieurs Corinthiens qui ont estés baptisés ? que si l’instruction et prædication estoit la forme du Baptesme, saint Pol

n’avoit pas rayson de dire, Gratias ago Deo quod neminem baptiqavi nisi Crispum et Caium, etc.; • [l Cor., r,] jh 14. car donner forme a une chose, n’est ce pas la faire ? Bien plus, que saint Pol met a part le baptizer du prêcher : Non me misit Christus baptizare sed evangelidare. Et pour monstrer que le Baptesme est de Nostre Seigneur, non de celuy qui l’administre, il ne dict pas, Nunquid in prædicatione Pauli bap-tizati estis ? mais plustost, Nunquid in nomine Pauli bapti^ati estis ? monstrant que quoyque la prædication præcede, si n’est elle pas de l’essence du Baptesme, pour attribuer au prædicateur et catéchiste le Baptesme comm’il est attribué a celuy le nom duquel y est invoqué. Pour vray, a qui regardera de près le premier Baptesme faict apres la Pentecoste, verra clair comme le jour que la prædication est une chose et le Baptesme une autre : His auditis, voyla la prædication d’un costé, compuncti sunt corde, et dixerunt ad Petrum et ad reliquos Apostolos : quid faciemus, viri fratres ? Petrus vero ad illos : poenitentiam, inquit, agite, et baptizetur unusquisque vestrum in nomine Jesu Christi, in remissionem peccatorum vestrorum ; voyla le Baptesme d’autre costé, mis a part. Autant en peut on remarquer au Baptesme de ce dévot eunuque d’Æthiopie, en celuy de saint Pol, auquel il ny eut point de prædication, et en *Act. ix. ÿ. 18. celuy du bon et religieux Cornelius. Et quand a la Act. x. ÿ. 47.48. tressainte Eucharistie, qui est l’autre Sacrement que les ministres font semblant de recevoir, ou trouveront ilz jamais que Nostre Seigneur y aÿe usé de prædication ? Saint Pol enseigne aux Corinthiens comm’il faut celebrer la cene, mays on ny trouve point qu’il y soit commandé de prêcher ; et affin que personne ne doutast que le rite quil proposoit fut legitime, il dict quil l’avoit ainsy apris de Nostre Seigneur : Ego enim accepi a Domino, quod et tradidi vobis. Nostre 1 Cor. xi. ÿ. 53. Seigneur fit bien un admirable sermon apres la cene, recité par saint Jan, mays ce ne fut pas pour le • Jo. XIV. XV. XVI. mistere de la cene, qui estoit ja complet. On ne dict pas qu’il ne soit convenable d’instruire le peuple des

23

Sacremens qu’on luy conféré, mays seulement que ceste instruction n’est pas la forme des Sacremens. Que si en l’institution de ces divins misteres, et en la prattique mesme des Apostres, nous trouvons de la distinction entre la prédication et les Sacremens, a quelles enseignes les confondrons nous ? ce que Dieu a séparé, pourquoy le conjoindrons nous ? En ce point donques, selon l’Escriture, nous l’emportons tout quitte, et les ministres sont convaincus de violation de l’Escriture , qui veulent changer l’essence des Sacremens contre leur institution.

Hz violent encores la Tradition, l’authorité de l’Eglise, des Conciles, des Papes et des Peres, qui tous ont creu et croyent que le Baptesme des petitz enfans est vray et legitime : mays comme veut on que la prédication y soit employée ? les enfans n’entendent pas ce qu’on dict, ilz ne sont pas capables de l’usage de rayson, a quoy faire les instruire ? on peut bien prêcher devant eux, mays ce seroit pour neant, car leur entendement n’est pas encor ouvert pour recevoir l’instruction, comme instruction ; elle ne les touche point, ni ne leur peut estre appliquée, quel effect donq peut elle faire en eux ? [leur] Baptesme donq seroit vain, puysqu’il seroit sans forme et [signification] : la forme donq du Baptesme n’est pas la prædication. L. contre Cociëe. Luther respond que les enfans ressentent [des] mouvemens actuelz de la foy par la prædication : c’est violer et démentir l’experience et le sentiment mesme. Item, la pluspart des baptesmes qui se font en l’Eglise Catholique se font sans aucune prædication ; ilz ne sont donq pas vrays baptesmes, puysque la forme y manque : que ne rebaptizes vous donques ceux qui vont de nostre Eglise a la vostre ? ce seroit un anabaptisme.

Or sus, voyla, selon les Réglés de la foy, et principalement selon l’Escriture Sainte, comme vos ministres errent quand ilz vous enseignent que la prædication est forme des Sacremens : mays voyons si ce que nous en croyons est plus conforme a la sainte Parole. Nous disons que la forme des Sacremens est une parole consecratoire, et de bénédiction ou invocation. Y a il rien si clair en l’Escriture : Docete omnes gentes, baptisantes eos in nomine Patris, et Filii, et Spiritus Sancti ; ceste forme, au nom du Pere, etc., est elle pas invocatoire? certes, le mesme saint Pierre qui dict aux Juifz, Poenitentiam agite, et baptizetur unusquisque vestrum in nomine Jesu Christi, in remissionem peccatorum vestrorum, dict peu apres Act. 11. ÿ. 38. au boiteux devant la belle porte, In nomine Jesu Christi Nazareni, surge et ambula : qui ne voit Act. ni. ÿ. 6. que ceste derniere parole est invocatoire ? et pourquoy non la première, qui est de mesme substance ? Ainsy saint Pol ne dict pas, Calix prœdicationis de quo I Cor. x. ÿ. 16. prædicamus, nonne communicatio Sanguinis Christi est ? mays au contraire, Calix benedictionis cui benedicimus ; on le consacroit donques et benissoit-on : ainsy au Concile de Laodicëe, c. 25, Non oportet Diaconum calicem benedicere. Saint Denis, disciple de saint Pol, les appelle « consecratoires, » et en sa De Eccl. Hier. c.

ult. (§ ni, 10.)

description de la Liturgie ou Messe, il ny met point la prædication, tant s’en faut quil la tint pour forme de l’Eucharistie. Au Concile Laodicien, ou il est parlé Can. xix. de l’ordre de la Messe, il ne se dict rien de la prædication, comme estant chose de decence mais non de l’essence de ce mistere. Justin le Martyr, descrivant l’office ancien que les Chrestiens faysoyent le Dimanche, entr’autres choses il dict qu’apres les prières Apol. II. (al. I, generales « on offroit pain, vin et eaüe, et alhors le § 67-) prælat faysoit de tout son effort prières et actions de grâces a Dieu, le peuple benissoit, disant : Amen. His cum Eucharistia consecratis, unusquisque participat, eademque absentibus dantur diaconis perferenda. » Plusieurs choses sont icy remarquables : l’eau se mesloit au vin, on offroit, on consacroit, on en portoit aux malades : mays si nos reformateurs eussent esté la, il eust fallu lever l’eau, l’offrande, la consécration, et eust fallu porter la prædication aux malades, ou c’eust esté pour neant ; car, comme dict

• [In cap. v. Ep.]

Jan Calvin, Misterii explicatio ad populum sola ad Ephes. facit ut mortuum elementum incipiat esse sacra- ‘[Serm.] catecheti- mentum. Saint Grégoire Nyssene dict: Recte nunc co, (c. xxxvni; [De] Sacramentis; [et etiam Dei verbo sanctificatum panem (et parle du vide Ga]retium.

Sacrement de l’autel) in Verbi Corpus credimus immutari ; et apres, dict que ce changement se faict, virtute benedictionis. Quomodo, dict le grand •De Sacram. [1.IV], saint Ambroise, potest qui panis est Corpus esse c. iv(§§ 14, 16).

Christi ? consecratione ; et plus bas : Non erat Corpus Christi ante consecrationem, sed post consecrationem dico tibi quod jam est Corpus Christi ; et voyes le bien au long, mays je me reserve sur ce sujet quand nous traitterons de la sainte Messe.

Mays je veux finir par ceste signalée sentence de L. III. de S. Tri- saint Augustin : Potuit Paulus significando pree-nit. c. iv.

dicare Dominum Jesum Christum, aliter per linguam suam, aliter per epistolam, aliter per Sacramentum Corporis et Sanguinis ejus : nec linguam quippe ejus, nec membranas, nec atramentum, nec significantes sonos lingua editos, nec signa litterarum conscripta pelliculis, Corpus Christi et Sanguinem dicimus ; sed illud tantum quod ex fructibus terree acceptum, et precè mistica conse (Tract, ixxx in cratum, rite sumimus. Que si saint Augustin dict, Joan., § 3.)

Unde tanta vis aquee ut corpus tangat et cor abluat, nisi faciente verbo ? non quia dicitur, sed quia creditur, nous ne disons rien au contraire : car, a la vérité, les paroles de bénédiction et sanctification avec lesquelles on forme et parfaict les Sacremens, n’ont poinct de vertu sinon estant proférées sous la generale intention et creance de l’Eglise ; car si quelqu’un les disoit sans cette intention, elles seraient dites voirement, mais pour neant, par ce que, non quia dicitur, sed quia creditur.

Fortasse opusculum S. Thomæ De Sacramentis Ecclesiae, ubi eadem fere verba occurrunt.

In libro Classes novem de reali Corporis Christi praesentia, etc.

DE L’INTENTION REQUISE EN L’ADMINISTRATION DES SACREMENS

Je n’ay jamais trouvé aucune preuve puysëe en l’Escriture, de l’opinion que vos predicans ont en cest endroit. Hz disent que quoy que le ministre maÿe *Luth.,in cap. Bab.

c. de Baptismo ;

aucune intention de faire la cene ou baptiser, ains Cal., in Ant. sess. seulement de se moquer et badiner, neanmoins, pour- VII. veu quil face l’exterieure action du Sacrement, le Sacrement y est complet. Tout cecy se dict a credit, sans produire autre que certaines conséquences sans Parole de Dieu, par forme de chicanerie. Au contraire, le Concile de Florence et celuy de Trente declairent In Instruet. Arm.

(al. Decretum Eu-

que « si quelqu’un dict que l’intention au moins de genii de unione Ar-

menorum.)

faire ce que faict l’Eglise n’est pas requise es ministres quand ilz conferent les Sacremens, il est anatheme » : Conc. Trid. sess.

vu. (de Sacram.)

ce sont les termes du Concile de Trente. Le Concile c. xi. ne dict pas quil soit requis d’avoir l’intention particulière de l’Eglise, car autrement les Calvinistes, qui n’ont pas intention au Baptesme de lever le péché originel, ne baptiseroyent pas bien, puysque l’Eglise a ceste intention la, mays seulement de faire en general ce que l’Eglise faict quand elle baptise, sans particulariser ni determiner quoy ni comment. Item, le Concile ne dict pas quil soit necessaire de vouloir faire ce que l’Eglise Romayne faict, mays seulement en general ce que l’Eglise faict, sans particulariser quelle est la vraÿe Eglise : ains, qui, pensant que l’eglise prætendue de Geneve fust la vraÿe Eglise, limiteroit son intention a l’intention de l’eglise de Geneve, se trom-peroit si jamais homme se trompa en la connoissance de la vraÿe Eglise, mays son intention suffiroit en cest endroit, puysque encores qu’elle se terminast a l’intention d’une eglise fausaire, si est ce qu’elle ne s’y termineroit que sous la forme et conception de la vraÿe Eglise, et l’erreur ne seroit que materiel, non formel, comme disent nos docteurs. Item, n’est pas requis que nous ayons ceste intention actuellement quand nous conférons le Sacrement, mays suffit qu’on puysse dire avec vérité que nous faysons telle et telle ceremonie et disons telle et telle parole, comme jetter l’eau, disans, Je te baptise au nom du Pere, etc., en intention de faire ce que les vrays Chrestiens font et que Nostre Seigneur a commandé, quoy que pour Ihors nous ne soyons pas en attention, et ny pensions pas précisément. Comm’il suffit pour dire que je preche pour servir Dieu et pour le salut des âmes, si Ihors que je me veux præparer j’ay ceste intention, quoy que quand je suys en chaire je pense a ce que j’ay a dire et a m’en tenir en memoyre, et ne pense plus en ceste première intention : ou comme celuy qui a résolu de donner cent escus pour l’amour de Dieu, puys, sortant de sa mayson pour ce faire, pense a d’autres choses, et neanmoins distribue la somme ; car encores quil n’aÿe pas la pensee dressée actuellement en Dieu, si ne peut on pas dire quil n’aÿe son intention a Dieu en vertu de sa première deliberation, et quil ne face cest’ceuvre de charité délibérément et a son escient. Telle intention est du moins requise, et suffit aussy, pour la collation des Sacremens.

Ores que la proposition du Concile est esclarcie, voyons voir si elle est, comme celle des adversaires, sans fondement de l’Escriture. On ne peut raysonnablement douter que pour faire la Cene de Nostre Seigneur, ou le Baptesme, il ne faille faire ce que Nostre Seigneur a commandé pour cest effect, et non seulement quil le faille faire, mays quil le faille faire en vertu de ce commandement et institution : car on peut bien faire ces actions en vertu d’autre que du commandement de Nostre Seigneur, comme fairoit un homme qui, dormant, songeroit et baptiseroit, ou bien estant ivre ; pour vray les paroles y seroyent et l’ele-ment, mays elles n’auroyent point de force, ne proce-dans pas du commandement de qui les peut rendre vigoureuses et efficaces ; ainsy que tout ce qu’un juge dict et escrit ne sont pas sentences judiciaires, mays seulement ce quil dict en qualité [de juge]. Or, comme pourroit on mettre différence entre les actions sacramentelles estant faites en vertu du commandement qui les rend prégnantes, et ces mesmes actions faites a autre fin ? Certes, la différence n’y peut estre que par l’intention avec laquelle on les employé ; il faut donq que non seulement les paroles soyent proférées, mays proférées avec intention de faire le commandement de Nostre Seigneur, en la Cene, Hoc facite, au Baptesme, Baptizantes eos in nomine Patris, et Filii, et Spiritus Sancti.

Mays, a le dire franchement, ce commandement, Hoc facite, ne s’addresse il pas proprement au i Cor. xi. ÿ. 24. ministre de ce Sacrement ? sans doute. Or, n’est il pas dict simplement, Hoc facite, mays, facite in meam commemorationem ; et comme peut on faire ceste sacrée action en commémoration de Nostre Seigneur, sans avoir l’intention d’y faire ce que Nostre Seigneur a commandé, ou du moins ce que les Chrestiens, disciples de Nostre Seigneur, font ? affin que, sinon immédiatement, au moins par l’entremise de l’intention des Chrestiens ou de l’Eglise, on face ceste action en commémoration de Nostre Seigneur. Je crois quil est impossible d’imaginer qu’un homme face la Cene en commémoration de Nostre Seigneur, sil n’a l’intention de faire ce que Nostre Seigneur a commandé, ou au moins de faire ce que font ceux qui le font en la commémoration de Nostre Seigneur. Il ne suffit donq pas de faire ce que Nostre Seigneur a commandé quand il dict, Hoc facite, mays le faut faire a l’intention que Nostre Seigneur l’a commandé, c’est a dire, in sui commemorationem ; sinon avec ceste intention particulière, au moins generale, sinon immédiatement, au moins mediatement, voulant faire ce que l’Eglise faict, laquelle a intention de faire ce que Nostre Seigneur a faict et commandé, si que on s’en rapporte a l’intention de l’Espouse, qui est adjustëe au commandement de l’Espoux.

Pareillement, Nostre Seigneur ne dict pas qu’on die ces paroles, Ego te baptizo, simplement, mays commanda que toute l’action du Baptesme se fist in nomine Patris ; si que il ne suffit pas qu’on die, in nomine Patris, mays faut que le lavement ou aspersion mesme se face in nomine Patris, et que ceste authorité anime et ravigore non seulement la parole, mays toute l’action du Sacrement, laquelle de soy n’auroit point de surnaturelle vertu. Or, comme peut estre faicte une action au nom de Dieu, qui se faict pour se mocquer de Dieu ? Pour vray, l’action du Baptesme ne dépend pas tellement des parolles, qu’elle ne se puysse faire en vertu et en authorité toute contraire aux parolles, si le cœur, qui est le moteur des paroles et de l’action, les dresse a une contraire fin et intention. Bien plus, car ces paroles, au nom du Pere, etc., peuvent estre dites au nom de l’ennemy du Pere, comme ces paroles, en vérité, en vérité, peuvent et sont souventefois dites en mensonge. Si donques Nostre Seigneur ne commande pas simplement qu’on face l’action du Baptesme ni qu’on die les paroles, mays l’action se face et les paroles se dient au nom du Pere, etc., il faut avoir au moins l’intention generale

de faire le Baptesme en vertu du commandement de

Nostre Seigneur, en son nom et de sa part ; et quand

a l’absolution, que l’intention y soit requise, il est plus

qu’expres : Quorum remiseritis peccata, remittun tur eis, il laysse cela a leur deliberation. Et c’est (Ubi supra, art. a ce propos que saint Augustin : Unde tanta vis præced., p. 356.)

aquæ, ut corpus tangat et cor abluat, nisi faciente

verbo ? non quia dicitur, sed quia creditur; c’est a

dire, les paroles de soy, estant proférées sans aucune

intention ou creance, n’ont point de vertu, mays estans

dites en vertu et creance, et selon l’intention generale de l’Eglise, elles font cest effect salutaire. Que sil se trouve es histoires que certains baptesmes faitz par ‘ Niceph. 1. vin. . , » »1 1 n C' (a^' XLIV.) jeu ont estes approuves, il ne le faut trouver estrange, par ce qu’on peut faire en jeu plusieurs choses et neanmoins avoir l’intention de faire véritablement ce qu’on a veu faire ; mays on appelle jeu tout ce qui se faict hors de saison et de discrétion, quand il ne se faict pas par malice ou sans volonté.