[32]

¹ Alio tempore, cum reverteretur de Senis, pauperem quendam obvium habuit dixitque socio: "Oportet, ut reddamus mantellum pauperculo cuius est. ² Mutuo accepimus (cfr. Luc 6,34) ipsum donec pauperiorem invenire contingeret". ³ Socius considerans pii patris necessitatem pertinaciter obsistebat, ne provideret alii, se neglecto. ⁴ Cui sanctus: "Ego fur esse (cfr. Ioa 12,6) nolo. Pro furto nobis imputaretur, si non daremus magis egenti". ⁵ Destitit ille, tradidit iste mantellum.