[33]

¹ Simile accidit apud Cellam de Cortona. ² Portabat beatus Franciscus novum mantellum, quem pro ipso fratres studiose quesierant. ³ Venit pauper ad locum, uxorem mortuam plorans et familiam pauperculam derelictam (cfr. Ps 10,14). ⁴ Cui sanctus: "Hunc tibi amore Filii Dei trado mantellum, tali pacto ut nulli reddas nisi bene comparaverit ipsum". ⁵ Accurrerunt protinus fratres ut mantellum auferrent, et donationem hanc prepedirent. ⁶ Sed pauper, in vultu sancti patris audaciam sumens (cfr. 2Par 17,6), uncis manibusque defendebat ut proprium. ⁷ Ad ultimum (cfr. 2Mac 5,5) redemere mantellum fratres, et pauper, pretio sumpto, discessit.