Capitulum 13

Quod directio vitæ nostræ sit ex Deo.

NUNQUAM sancti viri dixerunt se propria industria obtinuisse directionem viæ qua gradiebantur ad perfectionem virtutum, sed directionem hanc deprecabantur a Deo, dicentes: Dirige me in veritate tua;¹ et, Dirige in conspectu tuo viam meam;² et, Notam fac mihi viam in qua ambulem.³ Alius autem clamat se hoc deprehendisse non solum fide, sed etiam experimento, et quodammodo in ipsa rerum natura, dicendo: Cognovi, Domine, quia non est in homine via ejus, nec viri est ut ambulet et dirigat gressus suos.⁴ Unde Dominus ait ad Israel: Dirigam eum ego ut abietem virentem, ex me fructus tuus inventus est.⁵