Capitulum 14

Quod scientia legis divinæ conferatur illuminatione ac magisterio Dei.

DESIDERANT quoque electi et Sancti adipisci scientiam legis, non industria lectionis, sed magisterio et illuminatione Dei, orantes: Vias tuas, Domine, demonstra mihi, et semitas tuas edoce me; et, Revela oculos meos, et considerabo mirabilia de lege tua; et, Doce me facere voluntatem tuam, quia Deus meus es tu;¹ itemque, Qui docet hominem scientiam.²