Capitulum 1

DE SPIRITU CENODOXIÆ SEU VANÆ GLORIÆ.

Quod septimum certamen sit nobis contra cenodoxiam seu gloriam vanam; et de natura ipsius.

SEPTIMUM nobis certamen est contra cenodoxiæ spiritum, quam nos possumus vanam gloriam appellare. Quæ est multiformis, varia ac subtilis, ita ut a perspicacissimis oculis vix possit, non dicam caveri, sed prævideri aut deprehendi.