Caput VI. Concilia generalia reprobata

Primum generale reprobatum, est Concilium Antiochenum anno 345, in anno quinto Constantii, ut dicitur a Socrate lib. II, cap. 5. et Sozomeno lib. III, cap. 5. in quo damnatus est Athanasius, et via patefacta ad eversionem Concilii Nicseni Primi.

Notandum est autem, a summa Conciliorum, et ab aliis confundi hoc Concilium cum aliis quibusdam. Sex enim fuerunt Concilia Antiochena. Primum et secundum contra Paulum Samosatenum, tempore Dionysii Papae, circa annum 269. Yide Eusebium lib. Y1I hist. cap. 23, 24, 25 et 26. Tertium Arianorum, tempore Julii I, anno 345, ut supra diximus. Quartum est Macedonianorum pro sua haeresi anno 367, tempore Liberii Papae. Hieronymus in Chronico. Quintum est Catholicum provinciale Episcoporum 30, cujus canones 25 habentur in tom. I Conciliorum. Yidetur fuisse tempore Jovimani, et Liberii. Yide Sozomenum lib. YI, cap. 4. Sextum est insertum act. 14. Concilii Chalcedonensis.

Secundum generale est Mediolanense Episcoporum plusquam 300, anno 354, tempore ejusdem Constantii, in quo etiam oblique fides Catholica damnata est. Ruffinus lib. X, cap. 20. Socrates lib. II, cap. 29.

Tertium generale est Ariminense Episcoporum 600, sub eodem Constantio anno 363, ut notat Hieronymus in Chronico, in quo sublatum est de Symbolo nomen opoovi-io?: hujus Concilii fuit quasi pars quaedam Seleuciense in Oriente. Yide Augustinum lib. III contra Maximinum, cap. 14. Hieronymum contra Luciferianos. Ambrosium epist. 32. Ruffinum lib. X, cap. 21. Socratem lib. II, cap. 29. Basilium epistol. 52. ad Athanasium.

Quartum estEphesinumll, tempore Theodosii junioris anno 449, in quo, factione Dioscori, occisus est S. Flavianus Episcopus Constantinopolitanus; et Legati Romani

Pontificis Leonis fugati, ac demum haeresis Eutychiana confirmata. Reprobata est haec Synodus a Leone in epistola ad Clerum et populum Constantinopolifcanum; Item ad Theodosium; item ad Pulchcriam, quae sunt 22, 23, 24, 25, et Yide Breviarium Liberati cap. 12. et Evagrium lib. I, cap. 9 et 10.

Quintum est Concilium Constantinopolitanum sub Leone Isauro contra sacras imagines anno 730, qui fuit tertiusdecimus Imperii ejusdem. Concilium est reprobatum: Nam non interfuit ullus Patriarcharum, excepto S. Germano, qui tamen non consensit, et ideo a sua sede Constantinopolitana dejectus est.

Sextum est Concilium Constantinopolitanum sub Constantino Copronymo, et anno 755. Convenerunt autem Episcopi 338, sed nullus adfuit Patriarcharum, excepto Pseudoepiscopo Constantinopolitano. Definitum est in Concilio, abolendas esse Christi et Sanctorum imagines. Reprobatum est hoc Concilium in VII Synodo act. 6. Yide de his duobus Conciliis Constanfcinopolitanis Paulum Diaconum lib. XXI et XXII rerum Romanarum, et Zonaram in annalibus.

Illud etiam observabis, hanc Synodum falso a nonnullis vocari tertiam Ephesinam, ut ab auctore summae Conciliorum in principio YII Synodi, et a Sixto Senensi lib. V bibliothecae sanctae annotat. 247. Nam omnes antiqui eam vocant Constantinopolitanam, et id ipsum clarissime patet ex isto ipso Concilio, quod insertum legitur in YII Synodo act. 6. Causa erroris videtur fuisse, quia isti profanae Synodo praesedit Theodosius Episcopus Ephesinus. •

Septimum est Concilium Pisanum anno 1511, congregatum ab Imperatore et Rege Galliae, et aliquot Cardinalibus contra Julium II, et reprobatum paulo post in Concilio Lateranensi sub Julio II, sess. 2 et 3.

Octavum numerari potest Concilium Wittembergense, quod Lutherani generale vocant 300 pastorum, praeside Luthero anno 1536. Vide Cochlaeum in actis Lutheri, et Surium in commentario rerum in orbe gestarum anno 1536.