Epistola LXX. Cardinalis Cibo ad Bossuetum

Cùm sibi jam aditum ad sanctissimi Domini nostri benevolentiam aperuerat, illustrissimae Dominationis Tuae virtus et eruditio, ut manuductore non indigeret, litteras sanè tuas eà excepit paterni erga te animi significatione Sanctitas Sua, quae devoto illarum officio; et Praesuli omni laude praestanti, ac de catholica religione praeelarè meritô debebatur. Id illustrissimâ Dominatio Tua ex adjunctis Sanctitatis Suaelitteris cognoscet uberiùs quàm ex meis : neque dubito quin re ipsà etiam cognitura sit, si occasio se dederit pontificia; benignitatis experiendae.

Probè intelligit Sanctitas Sua, et quidem magno cum animi

sui solatio, quantum illustrissimà Dominatio Tua prodesse christiana; reipublicae possit, cùm piis doctisque ingenii tui fætibus.

tùm institutione serenissimi Delphini, qui auctoritate et exemplo suo comprobaturus olim sit quae tu ad instaurandam Ecclesiae disciplinam et ad profligandam haeresim docte sapienterque tra-dideris. Ego sanè pro comperto habeo nullà in re magis posse me Sanctitatis Suae animum demereri, quàm occasiones illi sup-peditando, tibi, tuîque similibus viris gratificandi : qui intérim illustrissimae Dominationi Tuae de humanissimâ ad me scriptà Epistolà gratias agens, omne studium, omnia officia mea ex animo offero, ac sospitatem diuturnam atque florentem à Deo auguror. Illustrissimae Dominationis Tuae servitor,

Alderanus, Cardinalis Cibo.

Romæ, die 4 januarii 1679.