Epistola LXXIV. Cardinalis Cibo
Luculentam et elegantissimè scriptam relationem quam ad me misit illustrissimà Dominatio Tua, de ratione instituendi serenissimi Delphini1, Sanctitati Suæ, cui nuncupatur, legendam tra-didi. Ex adjuncto Brevi pontificio cognosces quo illà in pretio habeatur à Sanctitate Suâ, et quâ spe animum ejus impleveris, uberes aliquandô fructus in christianae reipublicae bonum colligendi. Illud affirmare verè possum illustrissimae Dominationi Tuae, Pontificem optimum incredibili cum animi voluptate legisse ac perlegisse relationem, et ad pristinam suam ergà te voluntatem non parùm cumuli hàc lectione accessisse. Ab illustrissimà Dominatione Tuâ vehementer peto, ut meum inserviendi eximiae virtuti tuae desiderium fréquenter exerceas. Cui laeta omnia cum diuturnà incolumitate à Deo auguror.
Die 19 aprilis 1679 (b).
Footnotes
-
Epistolam ad Innocentium XI, de institutione Delphini, præfiximus operibus quae pro erudiendo Principe scripsit Bossuetus. Eam require, cum Responso sumini Pontificis, tom. XXXIV hujusce editionis. — (b) His ferè temporibus, abbas Renaudot haec Bossueto scribebat, mittens ei nonnulla ex Epistolà secretarii Brevium excerpta : Je crois, Monseigneur, que vous ne serez pas fâché de voir cet extrait d'une lettre de M. Favoriti, du 5 avril 1679. « Legi Sanctitati Suæ relationem episcopi Condomensis, in quà exponit eleganter sanè et copiosè institua sui rationem in liberalibus disciplinis serenissimo Delphino Iradendis, eoque ad omnem virtulern, tanto Principe, tanto Regis filio dignam, informando. Incredibili gaudio illam audiens perfusa est Sanctitas Sua, et praeclara quæque de tam sapienler ; instituto adolescente, florentissimum in terris imperium quondàm habituro, auguratur. » ↩
Chapter 76 of 258