Capitulum 10

De apprehendenda veræ scientiæ disciplina.

FESTINANDUM ergo est tibi, si vis ad veram Scripturarum scientiam pervenire, ut in primis consequaris et teneas immobilem cordis humilitatem, quæ te ptura est diligenter memoriæ commendanda et incessabiliter recensenda.¹ Hujus namque assiduitas meditationis, duplicem fructum nobis confert : primum, quia dum mentis intentio occupatur legendo, non captivatur laqueis cogitationum pravarum ; secundum, nam ea quæ frequenti repetitione percurrendo laboramus memoriæ tradere, nec eo tempore potuimus intelligere, obligata tunc mente, postmodum absoluti ab universis visionum actuumque illecebris, taciti revolventes et maxime nocturna meditatione, eadem clarius intuemur : ita ut intelligentia occultissimorum sensuum, quos vigilando non potuimus saltem tenuiter capere, reveletur nobis quiescentibus et quasi demersis stupore soporis.