Capitulum 18

Quibus ex causis spiritualis doctrina fiat infructuosa.

DUABUS de causis doctrina spiritualium rerum fit infructuosa: primo, quoniam ille qui docet, inexperta commendans, nititur instruere auditorem vano sono verborum; secundo, quia auditor nequam vitiisque repletus recipit corde obdurato salutarem ac sanctam spiritualis viri doctrinam.¹ De quibus dicitur per Prophetam: Excæcatum est cor populi hujus, et auribus graviter audierunt, et oculos suos compresserunt, nequando videant oculis suis et auribus audiant, et corde intelligant, et convertantur, et sanem eos.²