2. Devotus rhythmus de vita Iesu imitanda

Vitam Iesu Christi stude imitari.
A Caste iuste pie disce conversari.
De nato Iesu cane dulciter.

De passo Iesu dole graviter.

Laeta misce tristibus
tuis exercitiis.

Mala terge fletibus
cave a deliciis.

Iesum quaere diligenter.
Clama pulsa vehementer.
In devotis hymnis delectare.
Dulce est de Iesu cogitare,
Dulcius cum Iesu iubilare,
Dulcissimum caelos penetrare.

Iesu ob amorem
omnem fer laborem.
Sustine vim patiens
tace ut sis sapiens.
Mores rege aures lege,
saepe ora saepe lege.
Omni die omni hora
te resigna sine mora.