Sermon pour le jeudi

APRÈS LE QUATRIÈME DIMANCHE DE CARÊME

io mars 1622

Il y avoit en Galilée plusieurs belles montagnes sur lesquelles Nostre Seigneur faisoit beaucoup de merveilles ; entre icelles il y en avoit une appellée Thabor, et une autre nommée Hermon, au pied de laquelle estoit la petite ville de Naïm. Cette cy se trouvoit à une petite lieue du Thabor, et là auprès, c’est à dire deux lieues plus loin, estoit la ville de Capharnaüm où le Sauveur faisoit sa principale résidence et auquel lieu il operoit de très *Cf.tom.VIII hujus

Edit, pp.239, 339.

grans miracles. De là vient le reproche que luy en firent les Nazaréens, se plaignant de ce qu’il n’en faisoit pas autant en Nazareth comme en Capharnaüm. Or Nostre Lucæ, iv, 23. Seigneur ayant honnoré cette ville en ce qu’il l’avoit choisie pour sa principale demeure, voulut aussi honnorer de sa presence celle de Naïm, laquelle quoy que petite, estoit neanmoins grandement belle ; c’est pour cela qu’on la nommoit Naïm qui veut dire belle. * Vide ad calcem

Bibl., et cf. Ruth,

Nostre divin Maistre entrant au faubourg de cette 1, 20. ville, ainsy que nous le lisons en l’Evangile d’aujourd’huy, trouva que l’on portoit en terre un jeune homme Lucæ, vn, 11-16. mort, et sa mere avec une grande multitude de gens le suivoyent. Ce jeune homme estoit fils unique de cette bonne vefve ; non seulement son unique parce qu’elle n’avoit que luy, mais aussi parce qu'elle n’avoit point eu d’autres enfans : c’est pourquoy elle estoit grandement affligée de sa perte et pleuroit fort amerement. Nostre cher Sauveur rencontrant ces funérailles à la porte de Naïm, voulut faire un très grand miracle : il s’approcha donques de ceux qui portoyent le corps et toucha la biere, leur commandant d’arrester là et de ne pas passer plus outre, ce qu’ils firent soudain ; et tout le peuple estant en attention pour voir ce qui adviendroit, Jésus prononça cette parole toute puissante : Adolescent, je te dis, leve-toy. A l’instant il s’assit sur sa biere et parla, et Nostre Seigneur le print et le rendit à sa mere. Tous ceux qui virent ce prodige furent pleins d’estonnement et commencèrent à louer et à glorifier Dieu, disant qu’il avoit visité son peuple et que ce Prophète estoit la rédemption d’Israël. Voyla le sommaire de l’Evangile de ce jour, sur lequel je n’ay pas beaucoup à m’arrester pour l’esclaircissement du texte ; je diray donques seulement trois ou quatre paroles d’instruction.

Premièrement, le miracle de la résurrection de ce jeune homme a esté l’un des plus grans que Notre Seigneur ayt opéré en Galilée, car il le fit de son propre mouvement, sans y estre incité que par sa seule bonté et misericorde. La résurrection du Lazare fut encores un plus grand miracle, il est vray, et s’accomplit avec plus de ceremonies ; mais le Sauveur le ressuscita à la requi- *joan.,xi,21-33. sition de ses sœurs. La fille du prince de la Synagogue fut rendue à la vie par les prières de son pere lequel supplia Nostre Seigneur d’aller à cet effect en sa may Matt., ix, 18, 19, son; en somme, toutes les résurrections rapportées en l’Evangile furent demandées par quelques uns. Celle cy seule fut operée par le propre mouvement de nostre cher Maistre, et par icelle il nous monstre comme toutes ses œuvres se font par sa seule bonté.

Cette bonté infinie de nostre Dieu a deux mains par lesquelles il fait toutes choses : l’une est sa misericorde, *Cf.tom. vin hujus l’autre sa justice. Tout ce que font sa misericorde et sa justice procede de sa bonté, car il est souverainement bon quand il use de sa justice comme quand il fait misericorde, il ne peut y avoir de justice ni de misericorde où il n’y a point de bonté : or, comme Dieu est tousjours en soy la bonté mesme, aussi est-il tousjours juste et miséricordieux. C’est le propre de la bonté de se communiquer <.it dr soy mesme elle est communicative, et pour cet s.Dionys.,de Di­

. . , . , vin. Nom., 1. IV,

• II- ' i elle se sert de la misericorde et de la justice : de §xiv. I.i première pour faire du bien, et de la seconde pour punir et arracher ce qui nous empesche de ressentir les ellccts de cette bonté de nostre Dieu dont la misericorde est sa justice, et la justice sa misericorde. La misericorde nous fait embrasser le bien, la justice nous fait fuir le mal, et la bonté de Nostre Seigneur se communique par ces deux attributs, d’autant qu’il demeure esgalement bon en se servant de l’un comme de l’autre. Ce fut donc poussé de cette seule bonté par laquelle il fait toutes choses qu’il ressuscita ce jeune adolescent, sans y estre meu ni excité d’aucun autre motif, comme nous l’avons dit, car personne ne le pria de ce faire.

Secondement, il toucha la biere pour ordonner qu’on arrestast le corps, parce qu’il vouloit ressusciter ce jeune homme. L’attouchement du Sauveur n’estoit pas necessaire pour ce miracle, non plus que pour aucun autre ; il pouvoit bien, sans toucher la biere, faire arrester ceux qui la portoyent et ressusciter cet adolescent sans aucune ceremonie, par sa toute puissance et vertu divine ; mais il ne le voulut pas, ains se servit de l’imposition de ses mains pour monstrer qu’^wx jours de sa chair, à *Heb., v, 7. sçavoir quand il conversoit en sa chair parmi les hommes, il exerçoit sa vertu et puissance divine par l’entre- * Baruch, m, ult. mise de son humanité. C’est ce que veut dire saint Jean en son chapitre premier : Le Verbe s’est fait chair et Vers. 14. il a habité avec nous. Les anciens disoyent que Dieu habitoit avec eux, qu’il enseignoit et instruisoit son peuple à faire ce qui estoit de ses divines volontés ; neanmoins, comme le disent nos saints Peres, il n’y habitoit pas visiblement ains invisiblement. Mais despuis que le Verbe s’est incarné, il a conversé avec nous visiblement, il a habité parmi nous en sa chair; et pour nous monstrer Matt., 1,23. cela, il s’est voulu servir d’icelle, c’est à sçavoir de son humanité, comme d’un outil ou instrument pour accomplir les œuvres qui appartenoyent à sa divinité.

En troisiesme lieu, quant à ce qui est dit qu’il trouva ce mort à la porte de la ville, c’est qu’on le portait hors d’icelle, car en cette ancienne Synagogue l’on en-terroit les morts hors des villes à cause de l’infection des corps et par crainte du mauvais air. Aussi, comme saint Ep. cix, ad Ripa­ Hierosme l’escrit en ses epistres, la coustume de sepul-rium, §§ î, 2.

turer les Chrestiens dans les églises n’est venue qu’apres l’Incarnation du Fils de Dieu et ne s’est prattiquée que despuis la mort de Nostre Seigneur, d’autant que par cette mort nous a esté ouverte la porte du Ciel. Il semble en effect qu’il n’estoit pas raysonnable d’enterrer dans les temples ceux dont les âmes n’alloyent point en Paradis, ains descendoyent dans les enfers ou dans les Limbes. Mais despuis que la porte du Ciel a esté ouverte aux hommes on a trouvé le moyen d’enterrer les Chrestiens dans les églises ou dans des cimetières faits à l’entour d’icelles pour ce sujet.

En quatriesme lieu, Nostre Seigneur dit : Adolescent, leve-toy. Cecy est un peu difficile à entendre, car qui appelle-t-il adolescent ? Le defunct ne l’estoit pas ni quant au corps ni quant à l’ame, d’autant que l’ame n’est ni vielle ni jeune, elle ne croist ni ne descroist, elle n’est susceptible d’aucun temps ; le corps n’estoit non plus adolescent, puisqu’estant mort ce n’estoit qu’une charogne. Or, si l’ame de cet homme trespassé n’est sujette à aucune vicissitude, et si le corps estant séparé de son ame n’est plus qu’un cadavre, à qui donc nostre Sauveur parle-t-il en cette sorte : Adolescent, je te dis, leve-toy ? Voicy l’esclaircissement de cette difficulté. Il est vray que ce jeune homme mort n’estoit pas adolescent, ni quant au corps ni quant à l’ame ; aussi Nostre Seigneur ne l’appelle-t-il pas comme s’il l’estoit, mais comme une chose à qui il veut donner l’estre, monstrant en cela sa parole Psalmi xxxn, 9, toute puissante et efficace qui fait ce qu’elle dit; car CXLVin, 5.

celuy qui n’estoit pas adolescent le fut aussi tost que le Sauveur eut prononcé ces mots : Adolescent, je te dis, leve-toy.

C’est avec une parole toute puissante que Dieu a créé le ciel et la terre, qu’il a tiré l’estre du non estre, d’autant *Rom.,iv, 17; I Cor., que cette parole est operative, elle opere ce qu’elle dit, hujus Edit., p. 240. et de ce qui n’est pas, elle fait ce qui est. Mais à qui parle-t-il maintenant? A un mort. Les morts n’entendent pas : qui donques luy respondra? Il parle aux morts tout ainsy que s’ils estoyent vivans , pour monstrer que la voix de Dieu n’est point seulement ouÿe de ceux qui ont des oreilles, mais encores par ce qui n’est pas; qu’il a puissance sur les choses créées et sur les increées, de sorte que s’il addressoit sa voix aux choses increées elles luy respondroyent, tant sa parole est efficace.

Le Sauveur voulut aussi parler à ce mort comme s’il eust esté en vie, nous faisant encores entendre par là la façon avec laquelle nous ressusciterons. Au jour du jugement, ou un peu devant iceluy, l’Archange viendra, qui I Thess., iv, 15. par le commandement de Dieu dira : « Levez-vous, morts, venez au jugement. » Et à cette voix tous les morts Reg. Monach. ex

Scriptis S. Hieron.

ressusciteront pour estre jugés. Mais à qui parle cet collecta, c. xxin.Cf. Archange? Aux morts qui sont dans les tombeaux, à des tom. modo citat.,

p. 254, et tom. VII,

charognes puantes, car nos corps ne sont que pourriture PP- 475> 476­

• I Cor., xv, 52.

quand ils sont séparés de l’ame. Et pourquoy l’Archange addresse-t-il ses paroles à ces cadavres tout réduits en cendre et poussière? Ne sçait-il pas que les morts n’entendent rien? et s’il le sçait, pourquoy donc leur commandet-il ainsy : « Levez-vous, morts ? » Comme se leveront-ils, puisqu’ils n’ont point de vie? Neanmoins c’est bien à ces carcasses mortes que l’Archange parle, et cette parole estant proférée par le commandement de Dieu, est tellement puissante et efficace qu’elle donne la vie à ceux qui ne l’ont pas ; en disant elle opere ce qu’elle dit, et de ce qui n’est pas elle en fait ce qui est, si que ces morts qui estoyent réduits en cendre se lèveront en corps et en ame, vrayement vivans, c’est à sçavoir ressuscités, tout ainsy que Nostre Seigneur ressuscita de soy mesme et par sa propre vertu au troisiesme jour.

Mais comment se fait cecy ? Par la vertu de la parole de Dieu. Alors nous verrons cet admirable miracle de la transsubstantiation qui s’opère tous les jours au Sacrement de l’Eucharistie ; car en cette résurrection generale Cf. supra, p. 307. se fera la transsubstantiation des cendres qui estoyent dans les tombeaux ou ailleurs, en vrays corps vivans, lesquels en un instant se trouveront au lieu destiné I Cor., ubi supra. pour le dernier jugement. Donques, si la parole non de plusieurs Anges, ains d’un seul Archange, proférée par le commandement de Dieu est si operatrice qu’elle donne l’estre à ce qui n’est point, pourquoy ne croirons-nous pas à toutes les paroles de Dieu ? Pourquoy aurons-nous de la difficulté à croire que par icelles, qu’elles soyent dites par luy mesme ou par ceux à qui il en a donné la charge et le pouvoir, il ne puisse faire ce qui est de ce qui n’est pas, encores que nous ne le comprenions point? Et quelle difficulté y a-t-il en cet article de la résurrection des morts, puisqu’elle se fait par la toute puissance de Dieu ?

Il n’y a donques nulle difficulté à concevoir comment ce garçon qui estoit dans cette biere n’estoit pas adolescent, mais qu’il le fut lors que nostre divin Maistre luy fit ce commandement : Adolescent, je te dis, leve-toy, et ressuscita tel que Nostre Seigneur l’avoit nommé. C’est ce qu’il estoit en quelque façon necessaire de declarer pour l’esclaircissement du texte de nostre Evangile, sur lequel je fais deux remarques. Je ne vous dis pas quelles elles sont, car vous pensez bien qu’elles traittent de la mort.

La première est à sçavoir mon, s’il faut craindre la mort ou non. Il y a quelques philosophes anciens qui ont voulu soustenir qu’il ne la failloit point craindre, et que ceux qui la redoutoyent c’estoit faute d’entendement ou de courage. A quoy nos saints Peres ont respondu que cela ne peut estre ; car bien que les Chrestiens ne doivent point craindre la mort pource qu’ils doivent tousjours estre prests à bien mourir, neanmoins ils ne sçauroyent pour cela estre exempts de cette crainte ; car qui est-ce qui sçait s’il est en estât pour bien faire ce passage, puisque pour bien mourir il faut estre bon ? Et qui est asseuré d’estre bon, c’est à dire d’avoir la charité necessaire pour estre trouvé tel à l’heure de son trespas ? Personne ne le peut sçavoir s’il n’en a receu une révélation particulière ; et encores ceux là qui en ont eu n’ont pas esté exempts de craindre la mort.

Les Stoïciens disoyent qu’il ne failloit pas l’apprehen-der, et que la redouter c’estoit une marque de defaut d’entendement et de courage. Et comme le disoyent-ils, puisque les plus courageux et sçavans philosophes d’entre eux, estans sur un basteau, sont demeurés tout pasles et transis voyant les flots et tourmentes de la mer qui les menaçoyent d’une mort prochaine ? C’est ce que raconte saint Augustin, adjoustant les paroles que respondit l’un De Civit. Dei,

1. IX, c. iv.

d’eux en cette occurrence : Vous autres estes des canailles et gens qui n’avez point de cœur et point d’ame à perdre, car vous les avez ja perdus ; mais moy, dit-il, je redoute la mort parce que j’ay une ame et que je crains de la perdre. Et pour conclusion, nos anciens Peres disent Aulus Geli., Noc­

tes Atticae, 1. XIX,

qu’il faut craindre la mort sans toutefois la craindre. Pour c. 1. Cf. Tr. de l Am. vous faire entendre cecy, je passe à mon second point. de Dieu, LI,c. in.

Ceux qui veulent traverser des ruisseaux ou des rivières sur quelque planche sont en grand péril de se perdre s’ils portent des bericles ; car il y a deux sortes de bericles : les unes font les caractères plus grans qu’ils ne sont, les autres les font plus petits, et ceux qui ont la veuë courte en usent. Or, si ces gens voulant passer sur cette planche employent des bericles qui aggrandissent les objets, elles la luy représenteront beaucoup plus large qu’elle n’est ; si que s’asseurant là dessus ils se

mettront en danger de poser les pieds hors d’icelle et par conséquent de se perdre, car rencontrant le vuide ils

tomberont dans le précipice. Que s’ils se servent des

bericles qui rapetissent les choses, elles leur feront pa-

roistre cette planche si petite qu’ils n’oseront jamais

entreprendre de passer sur icelle, ou s’ils y passent ils

seront saisis d’une si grande frayeur qu’elle sera suffisante

pour les perdre. Les extrémités sont tousjours très dan­

gereuses et périlleuses. Or, pour eviter les inconveniens

qui se trouvent en la considération de la mort, il faut,

disent nos anciens Peres, la craindre sans la craindre.

Il la faut craindre, car qui n’en auroit peur, puisque

tous les Saints l’ont redoutée, et mesme le Saint des

Saints, nostre Sauveur? car la mort n’est pas naturelle Marc., xiv, 33.

à l’homme, ains il a esté condamné à icelle à cause de

son péché. Or, despuis la faute d’Adam tous les hommes Gen.,ni, 19; Sap.,

sont sujets au péché, et chacun sera jugé en l’estât dans lequel il mourra, car on sçait qu’à cette heure là mesme il faudra rendre, compte de toute sa vie et que l’on sera *Ps.Lxi,ult.;Matt, jugé sur ce que l’on aura fait ; de là vient que l’on Il Cor.’, v,°io.’ 6’ apprehende la mort. Helas ! qui peut sçavoir s’il est digne d’amour ou de haine, s’il sera du nombre des esleus ? Donques celuy qui ne craint point la mort est en très mauvais estât et en grand péril, puisque nous sçavons que le lieu où nous irons apres icelle est eternel et que nous serons sauvés ou damnés éternellement. C’est ce qui fait que les plus grans serviteurs de Dieu ont redouté ce passage comme une chose à la vérité très redoutable.

Et que Ton ne me dise point que plusieurs Saints n’ont pas craint la mort, ains qu’au contraire ils l’ont souhaittée et demandée, voire se sont resjouis quand elle est venue, et que par conséquent il ne la faut point appréhender non plus d'autant que cette crainte est pleine de frayeur. Il est vray qu’il y a eu des Saints qui semblent l’avoir désirée, mais ce n’est pas qu’ils ne Payent crainte pour cela ni qu’ils n’ayent eu peur d’elle, car l’on peut bien desirer ce que l’on redoute et demander ce qu’on n’ayme pas. Quel est le malade qui ne craigne le rasoir quand il faut que le chirurgien s’en serve pour luy couper un membre pourri à fin qu’il n’infecte et gaste les autres? Mais quoy qu’il le craigne il ne laisse pas de le souhaitter et mesme demander, de peur que la gangrené ne se mette à son membre gasté ; c’est ce qui luy fait demander le rasoir qu’il craint, et se resjouir en quelque façon quand on l'approche. Ainsy, quoy qu’il y ayt eu des Saints qui ont désiré et demandé la mort il ne faut pas penser qu’il ne Payent point appréhendée, car il n’y a personne, pour saint qu’il soit, qui ne l’ayt justement redoutée, si ce n’est ceux qui ont eu des asseurances toutes particulières de leur salut pai' des révélations tres speciales.

Mais d’autant que peu ont eu de telles révélations, peu aussi ont esté exempts de crainte. Je vous proposeray neanmoins l’exemple de deux Saints qui ont eu ce privilège. Le premier est le grand Apostre saint Paul, qui receut des asseurances si certaines de la béatitude qu’il semble n’avoir eu nulle frayeur de la mort, car il dit lu\ inesine : Je me sens pressé de deux désirs du Philip., 1,23-25. |i»iit contraires, lesquels me travaillent sans cesse et me li.ni bien de la peine, dont l’un est de sortir de cette vie pour m’en aller jouir de la douce presence et veuë de mon .Maistre. Oh! quand sera-ce donques que je le verray /././• ii face? Hé, qui me délivrera de ce corps l Cor., xm, 12. de mort? et plusieurs autres semblables paroles par Rom., vn, 24. Ic‘..|uclles le grand Apostre veut exprimer la vehemente passion qu’il avoit d’estre dissous et disjoint de son corps, à ce que son ame, qui brusloit du désir de voir ■on Seigneur, ne fust pas davantage retenue par sa i liair. Il luy tardoit infiniment, comme à un fidelle et bon serviteur, d’aller trouver son cher Maistre et de *Matt.,xxv,21 23. jouir de sa douce presence, et il semble que la vie luy estoit insupportable, puisqu’elle luy empeschoit l’accomplissement de son souhait. Mais remarquez comme il parle avec asseurance disant que quand il sera dissous de son corps de mort il verra Dieu, car le désir qui le travaille est de voir son Maistre. Ah! qui me fera ce bien, s’escrie-t-il, que je meure à fin que j’aille voir mon Seigneur Jésus Christ! Par où il monstre qu’il n’avoit nulle appréhension d’estre séparé de luy en mourant, .lins qu’il avoit une certitude très grande de sa part qu’il iroit en la béatitude eternelle jouir de luy; et pour ce il desiroit et demandoit la mort.

Notez cependant que par son autre souhait il marque cette condition, à sçavoir, si c’estoit la volonté de Dieu ; car, dit-il, je suis retenu d’un autre désir, qui est de demeurer parmi vous, mes très chers enfans, parce que j’ay esté envoyé pour vous enseigner et instruire; de sorte que pendant que ma presence vous sera tant soit peu necessaire je suis pressé de ne me point separer de vous et de me priver du contentement incomparable cl inexplicable que j’attens apres la mort, plustost que de vous quitter, sçachant que je vous puis estre encores utile et qu’il y a tant soit peu du bon playsir de mon Maistre. Je ne desire point la mort pour estre délivré des travaux que j’endure, o non, ce n’est point pour cela ; ni moins encores pour estre quitte de la peine que me cause la soif que j’ay de voir mon Seigneur, mais seulement je la souhaitte pour le voir, car je sçay bien qu’apres cette vie je le verray. Neanmoins j’ay cet autre désir, de ne point mourir qu’il ne luy plaise, et par conséquent de demeurer avec vous tant qu’il luy plaira et qu’il connoistra que ma presence vous sera necessaire. Si donques ce grand Saint souspiroit apres la mort, c’est parce qu’il avoit asseurance de la félicité eternelle ; s’il la demandoit, c’estoit entant que ce seroit la volonté de Dieu, 1. IX, c. iv.

Il y a plusieurs personnes qui la demandent à Nostre Seigneur, et quand on les interroge pourquoy : C’est, respondent-elles, pour estre délivrées des miseres de cette vie. Ouy, et sçavez-vous bien si estant délivrées des travaux de cette vie vous arriverez au repos de l’autre ? O non certes. De là vient que d’autres disent qu’il ne se soucieroyent pas de mourir pourveu qu’ils fussent asseurés d’aller en Paradis; et ils ont bien rayson, car avec telle asseurance la mort ne seroit pas à craindre. Mais quand vous seriez asseurés d’aller en Paradis il ne la faudroit pas desirer ni demander pour estre délivrés des miseres de ce monde, ni sans cette condition de la volonté de Dieu. En somme, il ne faut ni desirer ni demander la mort, ni la refuser quand elle vient ; et en cecy consiste l’abbregé de la perfection chrestienne, *Cf.EntretienXXI, de ne rien demander ni rien refuser. et supra, p. 296.

(C Ce grand personnage, Job, est un autre Saint qui paroist avoir souhaitté la mort et l’avoir trouvée plus douce que la vie; car se voyant réduit en tant d’angoisses et de tribulations, il semble qu’il avoit plus de sujet de desirer la mort que la vie. Hé, qu’est-ce que l’excessive douleur où il se trouvoit abismé ne luy fit pas dire ? Certes, si les plaintes de Job ne fussent sorties d’un cœur extrêmement pressé d’angoisse elles eussent esté sujettes à de grandes censures. Considérez ces paroles, je vous prie : Que le jour perisse auquel je suis né, vi,8,9,vu,15,16, 21. et celles qui s’ensuivent, lesquelles l’auroyent rendu ( î ) Les six alinéas suivants sont inédits.

• oiilpable si Dieu n’eust pris en main sa cause, et asseuré qu'il ne pécha point en tout le temps qu’il fut réduit •Cap.i,22,xun,7,8. ■.m le Iumier, affligé en toutes les façons qui se peuvent Imaginer.

( es paroles, qui paroissent extravagantes, sont des paroles amoureuses lesquelles ne sont pas entendues de tous ; car ceux qui ne sçavent que c’est de l’amour n’ont point compris ce que ce saint homme vouloit dire. Il en prend de l’amour divin comme de l’amour humain ; souvent il arrive aux fols amoureux du monde de proférer des paroles qui certes seroyent ridicules si elles ne sor-toyent d’un cœur passionné ; ils disent ce que la force de l'amour leur fait dire, et ce langage n’est entendu que de ceux qui sçavent que c’est que d’aymer. Il en est de Zi.Tr.deVAm.de mesme de l’amour divin, la force duquel fait employer ScJfinem.1’ C’ b des mots qui seroyent sujets à la censure s’ils n’estoyent compris par ceux qui connoissent le langage de ce celeste amour.

Or donques, comme Job estoit un grand amoureux de Dieu, toutes les paroles qu’il prononça sur son fumier estoyent certes des paroles amoureuses ; la flamme qui embrasoit son cœur luy faisoit faire des extravagances, mais le Seigneur, qui penetroit le fond de ce cœur, voyoit bien que ce n’estoit ni l’ennuy ni l’impatience qui le faisoit parler de la sorte, ains l’amour dont il estoit animé ; car nostre cher Maistre sçait bien que c’est que d’aymer, il connoist bien le langage de l’amour, et pour ce il déclaré que Job n’a point péché en tout ce qu’il a dit. Il failloit qu’il conneust combien ce Saint l’aymoit, puisqu’il l’avoit choisi pour le donner comme un prodige de patience à la postérité ; aussi je pense qu’il luy faisoit comprendre qu’il le traittoit de la sorte pour le laisser comme un mirouër et exemplaire de sainteté à tout le monde, et que les afflictions qu’il luy envoyoit et l’estât où il le reduisoit procedoyent de l’amour qu’il luy portoit : ce que ce saint homme entendoit fort bien.

Je vous veux monstrer cecy par un exemple qui se trouve en l’Evangile. Lors que la Sainte Vierge, aux Joan., n, 1-5. noces de Cana en Galilée, dit à Nostre Seigneur avec

Serm. IV

tant d’humilité et charité que le vin estoit failli, il la

rejetta, luy respondant : Femme., qu’y a-t-il entre vous

et moy? Pourquoy vous meslez-vous de cela, qu’en ay-je

à faire ? et telles autres choses que pouvoit signifier la

responce qu’il fit à sa Mere, responce qui semble bien

rude et rigoureuse à ceux qui n’entendent pas le langage

de l’amour. Aussi, tous ceux qui ne sçavent que c’est que d’aymer n’ont point bien rencontré en l’interpretation de ces paroles, et sur icelles on a escrit plusieurs choses mal à propos. Mais la sacrée Vierge, qui sçavoit que c’est que d’aymer, entendit bien ce que son Fils vouloit dire, car elle estoit toute faite à son langaget1), s’entend par l’experience qu’elle en avoit, et c’estoit elle qui luy avoit appris à parler.

Elle ne s’estonna donques point de ces paroles par lesquelles il paroissoit l’esconduire de sa demande, ains elle creut qu’il feroit tout ce qu’elle desiroit, et, pleine de confiance, elle donna cet ordre aux serviteurs : Faites tout ce qu’il vous dira. Comme si elle eust voulu signifier : Si vous avez prins garde à la responce de mon Fils, vous penserez peut estre qu’elle est bien severe et qu’il veut m’esconduire ; mais il n’en est pas ainsy, ains j’ay conneu par icelle qu’il veut faire tout ce que je voudray ; pour ce, faites tout ce qu’il vous dira et ne craignez rien, car je suis asseurée qu’il m’exaucera. De plus, ces paroles qui en apparence semblent estre rudes, sont les plus douces et obligeantes qu’un cœur amoureux puisse dire à une ame amoureuse ; et pour ce, je vous repete encores, faites seulement tout Cf. supra, pp. ii- ce qu’il vous dira.

Voyla donques comme l’amour a un certain langage que nul ne peut entendre que ceux qui sçavent que c’est qu’aymer. Or, le grand saint Job parle amoureusement quand il dit : Que le jour perisse auquel je suis né, etc. Notez cependant que si bien par cette parole et autres semblables il paroist souhaitter et demander la ( i ) On lit dans les Manuscrits : « faite à son jargon. » (Voir le Dictionre 4e Littré, au mot jargon : langage à double entente.) mort, ce n’est point toutefois qu’il manque de résignation et de sousmission à la volonté divine, car il ne la veut qu’entant qu’il plaira à Dieu ; neanmoins l’amour luy fait dire ces choses d’autant qu’il souspiroit de voir Celuy qui le pressoit si fort de son amour. Mais, ’ Job, xix, 27. nonobstant ces deux exemples qui sont des exceptions, je dis pour conclusion que tous doivent craindre la mort.

Outre ce que nous avons déduit, nous voyons ès paroles que le Seigneur addressa à nos premiers parens au paradis terrestre que la mort est naturellement redoutée de l’homme ; car quand Dieu defendit à Adam de manger du fruit de. l’arbre de science, il luy dit : Je suis ton Seigneur, et pour ce il faut que tu m’obeisses ; or, comme ton Seigneur, je te fais un commandement qui est que tu ne manges point du fruit de cet arbre, car si tu en manges tu mourras. Voyla le chastiment dont Dieu *Gen.,n, 16, 17. menaça l’homme, comme estant le plus rude de tous et le plus contraire à sa nature. C’est ce que voulut signifier Eve quand le serpent la tentant de rompre le commandement, elle luy respondit : Mais Dieu nous a dit que si nous mangions de ce fruit nous mourrions; en quoy Ibid., m, 1-3. elle monstre la crainte qu’ils avoyent de la mort. Et que l’on ne me vienne pas alléguer ce que disent plusieurs, qu’il faut en chasser le souvenir pour vivre joyeusement, d’autant que ce souvenir là est plein de frayeur ; car puisque une telle crainte n’est point mauvaise, ains bonne et utile, nous en devons quelquefois espouvanter nos âmes et les y porter à cause de nos péchés, pourveu que cela se fasse de guet à pens.

Mais nos anciens Peres enseignent que nous devons craindre la mort sans la craindre : que veut dire cecy ? C’est que, quoy qu’il faille la redouter ce ne doit pas estre d’une crainte excessive qui ne soit pas accompagnée de tranquillité ; car les Chrestiens doivent marcher sous l’estendart de la providence de Dieu et estre prests à embrasser tous les effects et evenemens de cette douce providence qui sçaura bien prendre soin de nous. Ne nous laissons donc point aller à des frayeurs inquietes et chagrines, comme il arrive à quelque bonne femme qui pour avoir pensé une matinée à la mort brouillera tout ce jour-là son mesnage, si que personne ne pourra avoir paix avec elle. Et pourquoy ? Pource qu’elle a pensé à la mort, et elle en est encores toute inquiétée.

Ce n’est pas en cette façon qu’il faut y penser, ni moins avoir tant de soucy pour sçavoir quand nous mourrons et en quel lieu : si ce sera aux champs ou à la ville, sur mon cheval ou au pied d’une montagne, ou par quelque pierre qui m’assommera ; si je mourray dans mon lit, assisté de 'CUntrod.aia.Vie quelqu’un ou sans avoir personne. De tout cela que dev., Partie I,c.xni.

nous importe ? Laissons ce soin à la divine Providence qui s’occupe bien des oyseaux du ciel, desquels une *Matt.,vi, 26,x,29. seule plume ne tombe sans sa permission. Dieu a compté tous les cheveux de nostre teste, il prendra donques soin de nous. Il me suffit que je sois tout à luy, non seulement par devoir mais encor par affection. Que me dois-je soucier du reste, sinon de m’abandonner aux effects de cette douce Providence laquelle ne me manquera point en la vie et en la mort ?

Il faut donc que je craigne ce dernier passage, mais sans anxiété ni inquiétude, ains d’une crainte qui me préparé et tienne tousjours prest à bien mourir. Et comme *Serm.cn.Cf.tom. faut-il faire ? Ce qu’enseigne saint Augustin vostre Pere

, . & S

par ces paroles qui sont assez triviales et communes, mais qui neanmoins contiennent beaucoup d’instruction. Il dit que « pour bien mourir il faut bien vivre : » telle est nostre vie telle sera nostre mort. Donques, pour bloquer tout ce discours, disons que la réglé generale d’une bonne mort c’est de mener une bonne vie. Il est vray que mesme en vivant bien vous craindrez la mort, mais vostre crainte sera toute douce et tranquille, appuyée sur les merites de la Passion de Nostre Seigneur, sans laquelle certes la mort seroit effroyable et redoutable. Ceux qui meurent dans leur lit se desespereroyent sans doute s’ils ne voyoyent l’image du Crucifix qui les fait souvenir que le Sauveur a esté attaché pour eux à la croix, et s’ils ne luy parloyent ou pensoyent en luy men- •Cf.supra,p. 163. talement. L’horreur de ce dernier passage et la veuë de la multitude de leurs péchés les porteroyent au desespoir; mais les merites de la Passion de Nostre Seigneur les remplissent de confiance, d’autant que par sa mort il a satisfait pour tous nos mesfaits.

Il faut donques craindre la mort sans la craindre, c’est à dire la craindre d’une crainte tranquille et pleine (l’esperance, puisque Dieu nous a laissé tant de moyens pour bien mourir, et entr’autres celuy de la contrition qui est si general qu’il peut effacer la coulpe de toute sorte de péchés. Outre cela, nous avons encores les Sacremens de la sainte Eglise pour nous laver de nos iniquités, car ils sont comme des canaux par lesquels les merites de la Passion du Sauveur descoulent en nous, si que par iceux l’on recouvre la grâce quand on l’a perdue. Cela estant ainsy, que reste-t-il sinon que nous demeurions abandonnés aux evenemens de la Providence divine, ne luy demandant rien ni ne refusant rien? car Vide supra, p.320. je le repete, toute la perfection chrestienne consiste en ce point : ne rien demander à Dieu et ne rien refuser de Dieu ; ne luy demander point la mort, mais aussi ne la point refuser quand elle viendra. O que bienheureux sont ceux qui seront en cette sainte indifférence, et qui, en attendant ce que Dieu ordonnera d’eux, se prépareront par une bonne vie à bien mourir !

C’est ce qu’ont fait tous les Saints. Il y en a mesme eu qui ont prins pour prattique de destiner quelque temps de l’année pour s’appliquer tout particulièrement à la considération de la mort ; les autres tous les moys une fois, d’autres toutes les semaines et les autres tous les jours, prenant une certaine heure pour y penser, le soir ou le matin; et par ce frequent souvenir ils se disposoyent à bien faire ce passage. C’est aussi une cogitation bien utile toutes les fois que l’on se va mettre au lit de penser, comme font quelques uns, que cela nous représente comment on nous mettra dans le tombeau, parce Cf. le Directoire

-, -, « _ _ • . < . • . ___ -r^ _ spirituel pour les que de la on vient a tirer cette conséquence : Donques, sœurs de la Visit., puisque le sommeil me représente la mort, il s’ensuit ^^outumter> que je mourray, que je seray estendu dans le tombeau, et là couvert de terre et réduit en poudre et cendre. Et moy qui me couche ce soir dans ce lit, je ne sçay si demain je seray en vie. Il faut ainsy s’entretenir quelque heure de la journée en de semblables pensées, à ce que l’on soit tous les jours prest à mourir, employant celuy où nous vivons comme nous ferions si nous sçavions devoir en iceluy sortir de ce monde.

A ce propos je vous raconteray deux petites histoires que je ne dirois pas si j’estois en une autre chaire ; mais en ce lieu il n’y a point de danger. La première je l’ay apprise d’un homme pieux que j’ay conneu ; la voicy. Le Roy d’Espagne envoya faire la visite des Estats en une province dans laquelle tous les officiers de la police se trouvèrent coulpables en quelque chose, et pour cela les visiteurs se monstrerent fort exacts et severes à les punir et chastier. Ils donnèrent aux uns des amendes, ils deschargèrent les autres de leurs fonctions, et mesme ils en envoyèrent quelques uns en galere. En somme, ils n’en rencontrèrent pas un auquel il n’y eust quelque chose à redire, sinon un bon viellard lequel ils ne trouvèrent reprehensible en rien. Les visiteurs le caressèrent fort et luy demandèrent comment il avoit fait pour demeurer si fidelle à son Prince qu’ils n’avoyent rien à reprocher en sa vie. A quoy il leur respondit qu’il n’avoit fait qu’une seule chose, à sçavoir de bien penser qu’on feroit la visite des Estats en la province et que sans doute il y viendroit des visiteurs qui s’acquitteroyent bien de leur charge ; que pour ce il s’estoit tousjours comporté comme il desireroit avoir fait lors que ces visiteurs se presenteroyent. Il s’estoit préservé en cette sorte, car la crainte d’estre trouvé en mauvais estât l’avoit fait vivre chaque jour comme si en iceluy il luy eust fallu rendre compte. O que nous serions heureux si tous les jours de nostre vie nous pensions tellement au compte qu’il nous faudra rendre, que nous nous tinssions continuellement au mesme estât auquel nous voudrions estre à l’heure de la mort ! Ce seroit un bon moyen de bien vivre et de n’estre point trouvés reprehensibles à ce dernier jour.

L’autre histoire je la tiens d’une grande princesse qui, me parlant un jour de ses affaires, me dit qu’il y avoit un conseiller clerc lequel s’estoit retiré'de la cour se

<!<■ .chargeant de toute sollicitude. Je l’allay trouver,

ndjousta-t-elle, pour traitter avec luy de quelque mien

proces duquel il avoit les pièces en main. Estant en sa

mayson je le fis demander; mais il me renvoya ces pièces,

inc mandant qu’il s’estoit desgagé de toutes les affaires

de la cour à fin de prendre du temps pour penser à sa

conscience et dresser ses comptes, et qu’il me rendoit mes

papiers en priant Nostre Seigneur de donner une bonne

issue à ma cause et de me garder mon bon droit. Quelque

temps apres j’y retournay, et il me dit qu’il estoit tousjours à dresser ses comptes en attendant le moment qui luy seroit assigné pour les rendre. Un an plus tard je m’informay si ce bon seigneur estoit mort. L’on me respondit que non ; alors je le retournay voir, mais je le trouvay encores en cette mesme occupation, de sorte que je conclus de là qu’il feroit une heureuse fin.

Que nous serions heureux si nous pensions ainsy au compte qu’il nous faudra rendre, et que, desoccupés de toute autre affaire, nous le tinssions tousjours prest pour le jour qui nous seroit assigné pour cela! Il le faut faire, Cf.Matt., xxv, 13 ; car la mort a des pieds de coton avec lesquels elle vient Heb’’IX’ 27‘ si doucement qu’on ne s’en apperçoit point, et comme cela elle nous surprend. C’est pourquoy il faut estre sur ses gardes, à ce que, quand elle viendra elle nous trouve prests. Penser en elle sans peur ni crainte démesurée, Matt., xxiv, 44 ; mais nous résoudre à mourir puisque c’est une chose qu’il Apoc’’ XVI> faut faire, et avec un cœur paisible et tranquille nous tenir tousjours au mesme estât auquel nous voudrions estre trouvés à l’heure de la mort : c’est le vray moyen de se préparer à bien mourir. Ce faisant, nous arriverons à l’eternité, et quittant ces jours de mort nous arriverons à ceux de la vie. Dieu nous en fasse la grâce. Ainsy soit-il, ainsy soit-il, ainsy soit-il.

lxiii