Praefatio

Disseruimus in primo libro de peccati definitione, et partitione: nunc de peccato primi hominis, cujus merito divinse gratiae jacturam genus humanum fecit, Deo juvante disseremus. Ac primum quidem de causa illius peccati; tum de ipso peccato disputandum erit.

Porro de causa peccati illius, atque adeo de causa peccati in universum gravissima controversia est, qumnam sit propria, et praecipua causa peccati, an ea videlicet in hominem, an potius in Deum referenda sit. Qua controversia explicata, ubi constiterit, Deum non esse causam peccati; subjicientur tres aliae quaestiones breviores de tentatione, quam satis constat causam fuisse minus principalem et extrinsecam ejusdem peccati: unam, cur Deus tentari permiserit primum hominem, quem non ignorabat ea tentatione vincendum; alteram, quid fuerit serpens ille, qui primum hominem in paradiso tentavit; tertiam, qualis fuerit illa tentatio.