Praefatio

De justitia actuali, sive operum, quatuor sunt quaestiones, tina de necessitate, altera de veritate, tertia de merito, quarta de perfectione. Dissidemus enim ab haereticis ujus temporis; primum, an sint hominibus justificatis opera necessaria ad salutem, cum qua quaestione fere coincidunt illae; utrum justi legem Dei servare teneantur, et quid intersit inter legem et Evangelium. Deinde, dissentimus de ipsa veritate justitiie actualis, id est, utrum opera justorum sint vere justa, ita ut coram Dei judicio comparere audeant, cum qua quaestione coincidit illa, possitne homo justus legem divinam ita implere, ut in eo opere peccatum nullum admittat. Tertio, contendimus de meritis operum bonorum, utrum ex justitia, digna sint retributione. Quarto, disceptamus de perfectione justitiae, sed ea duobus in locis a nobis expliqua est libro de Monachis, et in libro de Distinctione Peccati mortalis et venialis.