Articulus 4

DE INTELLECTU CLAUSULÆ QUARTÆ.

CUI hœc varia terminatio causam dedit? Hoc a contrario intelligendum arbitror sensu, quemadmodum illud Æsopi, Sufflavit fistula buccas? Estque figurativa locutio, ut sit sensus: Quis dedit causam huic variæ terminationi? id est, quis est causa tam diversæ finitionis seu finalis eventus, conclusionisque hominum?¹²³ Deinde difficultando materiam, arguitis, quod non Deus, qui quum sit justus, nil agit injustum; nec fatalis influentia, quæ actibus non dominatur humanis, quos constat ex libero manare arbitrio. Postremo tangitis, atque tangendo supponitis, quod fortuna ab astris dependeat.⁴ Quod utrum et qualiter verum sit, et quomodo ab influxu cœlesti aut fatali varietas oriatur præfata, qualiter quoque a Deo causetur, infra, prout fons sapientiæ Verbum Dei in excelsis præstiterit, ostendetur.