Capitulum 16

Interrogatio de cogitationum mobilitate.

GERMANUS: Quid ergo est, quod superfluæ cogitationes ita subtiliter ac latenter inhærent nobis nolentibus, imo et nescientibus, ut non solum difficile sit eas expellere, sed etiam intelligere ac deprehendere? Potestne ergo mens ab istis aliquando vacua reperiri, et nunquam hujusmodi illusionibus incursari?