15. De invidia diaboli contra salutem hominum

o veio diaboli mors intravit in orbem terrarum: et inde lis et discordia multa inter homines est exorta. Heu diabolus pessimus hostis generis humani, princeps tenebrarum, et rex super omnes filios superbiae; non cessat adhuc temptare et inquietare fideles Deo servientes. Fecit discordiam in caelo inter angelos; litem in paradiso inter Deum et hominem: inter Adam et uxorem eius trahens eos ad peccandum; inter Abel et Cain ad litigandum et occidendum: inter Iacob et Esau ad odien- GX$Xex$3 HOSPITALE PAVPERVM XIDD dum. Circuit cotidie per mundum ad pervertendum ; inter saecularem et religiosum ad deridendum: inter laicum et clericum ad detrahendum; inter doctum set ignarum: inter stultum et sapientem. Fremit inter superbum et humilem: inter fortem et debilem; inter magnum et parvum: inter pulchrum et deformem; inter nobilem et degenerem: inter senem et iuvenem; inter praelatum et subditum: inter stabilem et vagabundum; inter devotum et dissolutum: inter taciturnum et loquacem ; inter simplicem et astutum: inter veracem et mendacem. Inter hos iset alios multos bonos et malos satan discurrit: nitens ad malum trahere: et a bono impedire. A quo nos custodire et protegere dignetur Iesus Christus Dominus noster, qui per crucem suam principem mundi vicit; et pretioso sanguine suo de manu eius nos redemit: qui cum etc.