Capitulum 14
De vocatione Samuelis.
PRÆTEREA ista doctrina in tantum est placita Deo, ut inveniamus eam in Scripturis contentam. Nam puerum Samuelem a Deo electum noluit Deus statim per se ipsum erudire disciplina sui colloquii, sed voluit eum semel et iterum recurrere ad senem Heli, atque per ejus informationem disponi ad alloquium suum, quamvis Heli peccaverit, et ipse Samuel divina vocatione dignissimus censeretur : ut probaretur humilitas Samuelis qui ad ministeria vocabatur divina, atque exemplo hoc proponeretur junioribus forma subjectionis istius.
Chapter 38 of 499