Capitulum 1

(Abbatis Joseph secunda)

DE DEFINIENDO VEL NON DEFINIENDO.

De vigiliis quas pertulimus.

PRÆCEDENTE collatione finita, intermediante quoque nocturno silentio, quum fuissemus a sancto abbate Joseph deducti ad cellam seorsum causa quietis, totam noctem insomnem expendimus, inflammati sermonibus ejus quasi igne intra nos excitato. Deinde egressi de cella, et quasi per centum passus recedentes ab ea, consedimus in loco remotiore.