Capitulum 20

A quibus discenda sit peccati evacuatio et virtutum perfectio.

POSTREMO, si cupimus veraciter explorare an possibile sit homini impeccantiam possidere, a quibus poterimus hoc manifestius discere quam ab his qui carnem suam crucifixerunt cum vitiis et concupiscentiis, et quibus vere crucifixus est mundus?¹² Qui dum evulserint de cordibus suis non solum universa peccata, verum etiam conentur excludere cogitationes atque memoriam vitiorum, nihilo minus fideliter dicunt quotidie se non carere una die macula culpæ.