Capitulum 19

Sententia S. Basilii de qualitate virginitatis suæ.

FERTUR fuisse sententia S. Basilii episcopi Cæsariensis districta, qui dixit: Mulierem ignoro, et virgo non sum. In tantum intellexit incorruptionem carnis consistere non tam in continentia a feminis, quam in integritate puritateque cordis, quæ vere custodit perpetuo incorruptam castimoniam corporis, Dei timore, aut castitatis amore.