Capitulum 4

Quod acedia mentem excœcet, et impediat ab omni contemplatione virtutum.

UNIVERSA incommoda ægritudinis hujus, puta acediæ, eleganter expressit Propheta uno versiculo, dicens: Dormitavit anima mea præ tædio, id est præ acedia.¹ Satisque proprie dixit dormitasse animam suam, non corpus. Vere enim dormitabit anima ab omni contemplatione virtutum atque intuitu spiritualium sensuum, quæ telo acediæ fuerit sauciata.