Le XXII janvier : En la fête du sacré mariage de la b. vierge marie et

En la fête du sacré mariage de la b. vierge marie et

De saint joseph 2

Double de seconde classe

Ant. Missus est Gabriel, avec les autres de Laudes. Ps. Dixit Dominus, avec les autres du Commun de la sainte Vierge.

CAPITULE. Isa. 61

GAUDENS gaudebo in Domino, et exultabit anima mea in Deo meo: quia induit me vestimentis salutis, et indumento ___________________

1. Les éditions postérieures de la Messe devaient porter, comme celles de l'Office: ipsumque Jesum

2. D'après l'indication du B. P. Eudes, donnée dans la Préface de 1652, il aurait emprunté cet office au Propre du diocèse de Nantes; mais il en a changé les hymnes dans les éditions de 1668 et 1672. justitiae circumdedit me, quasi Sponsum decoratum corona, et quasi Sponsam ornatam monilibus suis.

Aux lieux où l'on dit un Répons avant l'Hymne, il faut prendre le premier Répons du premier Nocturne, Missus est.

Hymne 1

Ave, Joseph Sponsa 2, Laus et honor Sponsi: Spes nostra Maria, Digna Mater Dei. Ave, Joseph sancte, Joseph semper virgo: Matris Dei Sponse, Cujus Sponsa Virgo. O miranda Virgo, Floris virginalis Mater et imago, Norma puritatis. Joseph admirande, Tuam praecellentem Sacrae coeli turmae Stupent sanctitatem. Eia dulcis Parens, Cordisque Regina, Esto nobis clemens Mater et patrona. Joseph regum proles, Regis regum pater, Domus Dei praeses, Esto nobis pater. Trinitati sanctae Salus, honor, virtus: Jesu, Joseph, Sponsae Hymnus sit aeternus. Amen.

V. Missus est Gabriel Angelus. R. Ad Mariam Virginem desponsatam Joseph

---

1. Dans l'édition de 1652, l'hymne est l'Ave Maris Stella

2. On se met à genoux pendant les deux premières strophes. ( Note de l'auteur.)

A Magnif. Ant. Cum esset desponsata Mater Jesu Maria Joseph, antequam convenirent, inventa est in utero habens de Spiritu Sancto, alleluia.

DEUS, qui sacratissimum inter beatam virginem Mariam Matrem tuam, et justum Joseph celebrari conjugium voluisti: concede propitius, ut quorum mysterium devote veneramur in terris, eorum pariter consortium assequamur in coelis. Qui vivis et regnas cum Deo Patre.

Invitatoire . Desponsationem Virginis Mariae celebremus: Christum ejus Filium 1 adoremus Dominum. Ps. Venite exultemus.

Hymne 2

SPONSUM Mariae virginem, Sponsamque Joseph virginem, Christi parentes virginis, Nostris colamus canticis. Matrem sibi dat virginem Jesus, corona virginum, Sponsumque Matri comparem, Joseph Davidis filium. Pars sancta, conjux optima Viro paratur optimo: Maria sacratissima, Joseph datur sanctissimo. O quanta, Joseph, gratia Tuae datur custodia! Princeps polorum maxima Tuae subest potentiae. Uni Deo, ter maximo Sit sempiterna gloria; Joseph, Mariae, Filio Per cuncta sit laus saecula. Amen .

---

1. Dans la première édition, 1652, l'Invitatoire est celui du Commun de la sainte Vierge: Sancta Dei Genitrix Virgo, intercede pro nobis

2. Dans la première édition, l'hymne est celle du Commun de la sainte Vierge, Quem terra, pontus, sidera, etc. Les Psaumes des Nocturnes se disent comme au Commun de la très sainte Vierge.

Ant. Benedicta tu in mulieribus, et benedictus fructus ventris tui. Ant. Sicut myrrha electa, odorem dedisti suavitatis, sancta Dei Genitrix. Ant. Ante torum hujus virginis, frequentate nobis dulcia cantica dramatis.

V. Missus est Gabriel Angelus. R. Ad Mariam Virginam desponsatam Joseph

Lecon j. Cap. 4

Quam pulchra es, amica mea, quam pulchra es! Oculi tui columbarum, absque eo quod intrinsecus latet. Capilli tui sicut greges caprarum, quae ascenderunt de monte Galaad. Dentes tui sicut greges tonsarum, qua ascenderunt de lavacro: omnes gemellis foetibus, et sterilis non est inter eas. Sicut vitta coccinea labia tua, et eloquium tuum dulce. Sicut fragmen mali punici, ita genae tuae, absque eo quod intrinsecus latet. Sicut turris David collum tuum, quae adificata est cum propugnaculis: mille clypei pendent ex ea, omnis armatura fortium. R. Missus est Angelus Gabriel a Deo in civitatem Galilea, cui nomen Nazareth, ad virginem desponsatam viro, cui nomen erat Joseph, de domo David:* Et nomen Virginis Maria. V. Ipsa est mulier, quam praeparavit Dominus filio Domini mei. Et nomen.

Leçon ij

TOTA pulchra es, amica mea, et macula non est in te. Veni de Libano, Sponsa mea, veni de Libano, veni: coronaberis de capite Amana, de vertice Sanir et Hermon, de cubilibus leonum, de montibus pardorum. Vulnerasti cor meum, Soror mea Sponsa, vulnerasti cor meum in uno oculorum tuorum, et in uno crine colli tui. Quam pulchra sunt mammae tuae, Soror mea Sponsa! Pulchriora sunt ubera tua vino, et odor unguentorum tuorum super omnia aromata. R. Sancta et immaculata Virginitas, quibus te laudibus efferam nescio: * Quia quem coeli capere non poterant, tuo gremio contulisti. V. Benedicta tu in mulieribus, et benedictus fructus ventris tui. Quia quem.

Leçon iij

Favus distillans labia tua Sponsa, mel et lac sub lingua tua: et odor vestimentorum tuorum sicut odor thuris. Hortus conclusus, Soror mea Sponsa, hortus conclusus, fons signatus. Emissiones tua paradisus malorum punicorum cum pomorum fructibus. Cypri cum nardo, nardus et crocus, fistula et cinnamomum cum universis lignis Libani, myrrha et aloe, cum omnibus primis unguentis. Fons hortorum, puteus aquarum viventium, quae fluunt impetu de Libano. R. Congratulamini mihi omnes qui diligitis Dominum, quia cum essem parvula placui Altissimo: * Et de meis visceribus genui Deum et hominem.V. Beatam me dicent omnes generationes, quia ancillam humilem respexit Deus. Et de meis. Gloria. Et de meis.

Ant. Specie tua et pulchritudine tua, intende, prospere procede et regna. Ant. Adjuvabit eam Deus vultu suo; Deus in medio ejus non commovebitur. Ant. Sicut laetantium omnium nostrum habitatio est in te, sancta Dei genitrix.

V. Desponsata est beata Virgo Maria. R. Justo Joseph filio David

Sermo Sancti Ambrosii Episcopi

Lib. ij. Comment. in Luc. Capit.1

PULCHRE docuit sanctus Matthaeus Evangelista quid facere debeat justus, qui probrum conjugis deprehenderit, ut incruentum ab homicidio, castum ab adulterio praestare se debeat. Qui enim jungitur meretrici, unum corpus est. Ergo ubique in Joseph, justi gratia et persona servatur, ut testis ornetur. Os enim justi mendacium nescit, et lingua ejus loquitur judicium. Judicium ejus loquitur veritatem. Nec te moveat quod frequenter Scriptura conjugem dicit. Non enim virginitatis ereptio, sed conjugii testificatio, nuptiarum celebratio declaratur. Denique quam non accepit, nemo dimittit. Et ideo qui volebat dimittere, fatebatur acceptam. R. Beata es Virgo Maria, quae Dominum portasti creatorem mundi: * Genuisti qui te fecit, et in aeternum permanes Virgo. V. Ave Maria gratia plena, Dominus tecum. Genuisti .

Simul etiam movere non debet, quod ait Evangelista: Non cognovit eam, donec peperit Filium. Illud enim velut idioma Scripturae est, sicut habes alibi: Et donec senescatis ego sum. Numquid post illorum senectutem Deus esse desivit? Et in Psalmo: Dixit Dominus Domino meo, sede a dextris meis, donec ponam inimicos tuos scabellum pedum tuorum. Numquid postea non sedebit? Vel quia qui causam agit, satis putat quod causa est dicere, redundantia non requirit. Satis enim est ei, ut causam susceptam astruat, incidentem differat. Et ideo qui Incarnationis incorruptum susceperat probare mysterium, non putavit uberius prosequendum virginitatis Mariae testimonium, ne defensor magis Virginis, quam assertor Mysterii crederetur. R. Ornatam monilibus filiam Jerusalem Dominus concupivit: * Et videntes eam filia Sion, beatissimam praedicaverunt, dicentes: Unguentum effusum nomen tuum.

V. Astitit Regina a dextris tuis in vestitu deaurato, circumdata varietate. Et videntes

CERTE quando justum docuit Joseph, satis declaravit quod sancti Spiritus templum, uterum Mysterii, Matrem Domini violare non potuit. Didicimus seriem veritatis, didicimus consilium, discamus Mysterium. Vere desponsata, sed Virgo, quia est Ecclesia typus, quae est immaculata, sed nupta. Concepit nos virgo de Spiritu, parit nos virgo sine gemitu. Et ideo fortasse sancta Maria alii nupta, ab alio repleta: quia et singulae Ecclesiae Spiritu quidem replentur et gratia, junguntur tamen temporali ad speciem sacerdoti. R. Beatam me dicent omnes generationes: * Quia fecit mihi Dominus magna qui potens est, et sanctum nomen ejus V. Et misericordia ejus a progenie in progenies timentibus eum. Quia. Gloria. Quia.

Ant. Gaude Maria Virgo, cunctas haereses sola interemisti in universo mundo. Ant. Dignare me laudare te, Virgo sacrata; da mihi virtutem contra hostes tuos. Ant. Post partum, Virgo, inviolata permansisti: Dei genitrix intercede pro nobis.

V. Elegit Dominus virum justum Joseph. R. In sponsum Virginis Matris suae

Lecon vij. Cap. 1

CUM esset desponsata Mater Jesu Maria Joseph, antequam convenirent, inventa est in utero habens de Spiritu sancto. Et reliqua.

Homilia sancti Bernardi Abbatis

Homil. ij. super Missus est

Necessario desponsata est Maria Joseph, quando per hoc et a canibus sanctum absconditur, et a sponso virginitas comprobatur, et Virginis tam verecundia partitur, quam fama providetur. Quid sapientius? quid dignius divina Providentia? Uno tali consilio secretis coeslestibus, et admittitur testis, et excluditur hostis, et integra servatur fama Virginis Matris. Alioquin quando pepercisset justus adultera? Scriptum est autem: Joseph autem vir ejus cum esset justus, et nollet eam traducere, voluit occulte dimittere eam. Bene cum esset justus, noluit eam traducere, quia sicut nequaquam justus esset, si cognitam ream consensisset, sic nihilominus justus non esset, si probatam innoxiam condemnasset. R. Felix namque es sacra Virgo Maria, et omni laude dignissima: * Quia ex te ortus est sol justitia, Christus Deus noster. V. Ora pro populo, interveni pro clero, intercede pro devoto foemineo sexu, sentiant omnes tuum juvamen, quicumque celebrant tuum sacrum Conjugium. Quia ex te.

PROPTER hoc Joseph voluit dimittere eam, propter quod et Petrus Dominum a se repellebat, dicens: Exi a me, Domine, quia homo peccator sum; propter quod et Centurio a domo sua eum prohibebat, cum diceret: Domine, non sum dignus ut intres sub tectum meum. Ita ergo et Joseph indignum et peccatorem se reputans, dicebat intra se, a tuli et a tanta non debere sibi ultra familiare praestari contubernium, cujus supra se mirabilem expavescebat dignitatem. R. Apparuit Angelus Domini Joseph in somnis, dicens: Noli timere accipere Mariam conjugem tuam: * Quod enim in ea natum est, de Spiritu sancto est. V. Pariet autem Filium, et vocabis nomen ejus Jesum. Quod enim. Gloria Patri. Quod enim.

Videbat et horrebat divina praesentia certissimum gestantem insigne, et quia mysterium penetrare non poterat, volebat dimittere eam. Expavit Petrus potentia magnitudinem. Expavit Centurio praesentia majestatem. Exhorruit nimirum et Joseph, sicut homo, hujus tanti miraculi novitatem, mysterii profunditatem, et ideo occulte voluit dimittere eam.

Pour les lieux où l'on dit un Répons avant le Te Deum.

R. Elegit Dominus justum Joseph in sponsum Matris sua. * Joseph, noli timere accipere Mariam conjugem tuam. V. Quod enim in ea natum est, de Spiritu sancto est. Joseph. Gloria Patri. Joseph. Te Deum.

Ant. 1. Missus est Gabriel Angelus, ad Mariam Virginem desponsatam Joseph.

Ps. Dominus regnavit, avec les autres de Laudes.

2. Joseph autem vir ejus, cum esset justus, et nollet eam traducere, voluit occulte dimittere illam

3. Joseph, fili David, noli timere accipere Mariam conjugem tuam: quod enim in ea natum est, de Spiritu sancto est

4. Erant Joseph et Maria, Pater et Mater Jesu, mirantes super iis quae dicebantur de illo

5. Fili, quid fecisti nobis sic? Ecce pater tuus et ego dolentes quaerebamus te. Capitule. Gaudens gaudeho, comme à Vêpres

O VIRGINALE vinculum, Connubium mirabile, In quo Creator syderum, Sol nascitur de sydere. O unitas amabilis, Coetusque nostri formula: Jesu, Joseph et Virginis Unum Cor, una regula. Hanc unitatem vocibus Noster chorus sic concinat, Ut corde, vita, moribus, Hanc diligenter exprimat. Uni Deo ter maximo Sit sempiterna gloria: Joseph, Maria, Filio, Per cuncta sit laus saecula. Amen. _________________________________

O gloriosa Domina, Tu Regis alti janua, Excelsa super sidera, Et porta lucis fulgida: Qui te creavit provide Vitam datam per Virginem Lactasti sacro ubere. Gentes redempta plaudite. Quod Eva tristis abstulit, Gloria tibi Domine, Tu reddis almo germine: Qui natus es de Virgine, Intrent ut astra flebiles, Cum Patre et alma Spiritu, Coeli fenestra facta es. In sempiterna saecula.

V. Missus est Gabriel Angelus. R. Ad Mariam Virginem desponsatam Joseph

A Bened. Ant. Cum esset desponsata Mater Jesu Maria Joseph, antequam convenirent, inventa est in utero habens de Spiritu sancto, alleluia. Oraison. Deus, qui sacratissimum, p. 225.

Au Rép. bref, Christe Fili Deivivi, on dit ce V. Qui natus es de Maria Virgine.

Ant. Joseph autem. Capit. Gaudens gaudebo, p. 223. R. br. Missus est* Gabriel Angelus. Missus est. V. Ad Mariam Virginem desponsatam Joseph. Gabriel Angelus. Gloria Patri. Missus.

V. Desponsata est beata Virgo Maria. R. Justo Joseph filio David

Ant. Joseph fili David.

CAPITULE. Cant. 4

FAVUS distillans labia tua, Sponsa, mel et lac sub lingua tua: et odor vestimentorum tuorum, sicut odor thuris. R. br. Desponsata est * Beata Virgo Maria. Desponsata est. V. Justo Joseph filio David. Beata Virgo. Gloria Patri. Desponsata est.

V. Elegit Dominus virum justum Joseph. R. In sponsum Virginis Matris sua

Ant. Fili, quid fecisti?

CAPITULE. Osee, 2

SPONSABO te mihi in sempiternum: et sponsabo te mihi in justitia, et judicio et in misericordia, et in miserationibus: et sponsabo te mihi in fide, et scies quia ego Dominus . R. br. Elegit Dominus* virum justum Joseph. Elegit Dominus. V. In sponsum Virginis Matris sua Virum justum. Gloria Patri. Elegit Dominus.

V. Elegit eam Deus, et praelegit eam. R. In tabernaculo suo habitare eam

Tout comme aux premières, excepté l'Ant. suiv.

A Magnif. Ant. Joseph autem fecit sicut praecepit ei Angelus Domini, et accepit Mariam conjugem suam.

Missa in festo virginalis conjugii b. mariae et s

Joseph

GAUDEANUS omnes in Domino, diem festum celebrantes sub honore Beatae Mariae Virginis et Sancti Joseph, de quorum sacro Conjugio gaudent Angeli et collaudant Filium Dei. Psalm. (104). Constituit eum Dominum domus sua: et Principem omnis possessionis sua.V. Gloria Patri. Gaudeamus.

DEUS qui sacratissimum inter beatam Virginem Mariam, Matrem tuam, et justum Joseph, celebrari Conjugium voluisti: concede propitius, ut quorum mysterium devote veneramur in terris, eorum pariter consortium assequamur in coelis. Qui vivis et regnas cum Deo Patre.

Lectio Isaiae Prophetae. (Cap. 62)

PROPTER Sion non tacebo: et propter Jerusalem non quiescam, donec egrediatur ut splendor Justus ejus: et Salvator ejus ut lampas accendatur. Et videbunt gentes Justum tuum; et cuncti reges Inclytum tuum. Et vocabitur tibi nomen novum, quod os Domini nominavit; et eris corona gloria in manu Domini, et diadema regni in manu Dei tui. Non vocaberis ultra derelicta: et terra tua non vocabitur ultra desolata. Sed vocaberis Voluntas mea in ea, et terra tua inhabitabitur; quia complacuit Domino habitarein te. Habitabit enim Juvenis cum Virgine: et habitabunt in te filii tui: et gaudebit Sponsus super Sponsam: et gaudebit super te Deus tuus.

Graduale. Desponsata es, beata Virgo Maria, justo Joseph, filio David. V. Elegit Dominus virum justum Joseph in sponsum Virginis Matris suae.

Alleluia, alleluia. V. Joseph fili David, noli timere accipere Mariam conjugem tuam; quod enim in ea natum est, de Spiritu sancto est. Alleluia.

Post Septuages., omisso Alleluia et versu sequenti, dicitur Tractus. Fili, quid fecisti nobis sic? Ecce pater tuus et ego dolentes quaerebamus te. V. Quid est quod me quaerebatis? Nesciebatis quia in iis qua Patris mei sunt, oportet me esse? V. Et descendit cum eis, et venit Nazareth, et erat subdilus illis.

Tempore Pasch. omittitur Graduale et dicitur:

Alleluia, alleluia. V. Missus est a Deo Gabriel Angelus ad Mariam Virginem désponsatam Joseph. Alleluia. V. Tu scis, Domine, quia numquam laetata sit uncilla tua, nisi in te Deus meus. Alleluia.

† Sequentia sancti Evangelii secundum Matthaum

(Cap. 1.)

In illo tempore. Cum esset desponsata Mater Jesu Maria Joseph, antequam convenirent, inventa est habens in utero de Spiritu sancto. Joseph autem vir ejus, cum esset justus et nollet eam traducere, voluit occulte dimittere eam. Haec autem eo cogitante, ecce Angelus Domini apparuit in somnis ei, dicens: Joseph, fili David, noli timere accipere Mariam conjugem tuam: quod enim in ea natum est, de Spiritu sancto est. Pariet autem Filium, et vocabis Nomen ejus Jesum; ipse enim salvum faciet populum suum a peccatis eorum. Credo.

Offertorium. Tulerunt puerum Jesum parentes ejus in Jerusalem, ut sisterent eum Domino: et offerrent pro eo par turturum, aut duos pullos columbarum.

SUBVENIAT nobis, quaesumus, Domine, Dei Genitricis, et sanctissimi Sponsi ejus oratio; quorum virgineum illud Conjugium veneramur, in quo natum credimus illum, qui pro nobis in ara Crucis immolatus est, Dominus noster Jesus Christus Filius tuus, qui tecum vivit et regnat in unitate Spiritus.

Praefatio de B. Virgine. Et te in Desponsatione.

Communio. Erant Joseph et Maria, Pater et Mater Jesu, mirantes super iis qua dicebantur de eo.

GRATIAS agimus tibi, Domine Jesu, pro virginali Conjugio sacrosanctae Matris tuae Mariae, et justi Joseph: eorum intercessione postulantes, ut benedicti fructus in eo nati, perpetua suavitate fruamur. Qui tecum vivit et regnat in unitate Spiritus.