Le XX d'octobre : En la solennité du cœur admirable de jésus

En la solennité du cœur admirable de jésus

DOUBLE DE 1re CLASSE, [AVEC OCTAVE.

Ant. 1. Jesus ingrediens mundum, dicit: In capite libri scriptum est de me, ut faciam voluntatem tuam: Deus meus, volui, et legem tuam in medio Cordis mei. Alleluia 1.

Ps. Dixit Dominus, avec les autres du Dimanche, et au lieu du dernier, Laudate Dominum omnes gentes.

2. Venite ad me, filioli: in charitate enim perpetua dilexi vos: ideo attraxi vos ad Cor meum, fontem omnium bonorum. Alleluia

3. Ego diligentes me diligo, et deliciae meae esse cum filiis hominum. Alleluia

4. Cor meum charitas est; qui manet in charitate, in Corde meo manet, et Cor meum manet in eo. Alleluia

5. Qui vicerit, dabo ei sedere mecum in throno meo: et scribam super eum nomen meum, et cor unum mecum habebit in aeternum. Alleluia

---

1. Même antienne dans l'office du P. de Galliffet avec I. Vêpres et à Laudes

CAPITULE. 3 Reg. 9

SANCTIFICAVI mihi domum hanc, ut ponerem nomen meum ibi in sempiternum, et erunt oculi mei et Cor meum ibi cunctis diebus 1.

Aux lieux où l'on dit un Répons avant l'Hymne, il faut prendre le premier Répons de Matines, Elegi, etc.

Hymne

JESU, Paterni Pectoris, Et Virginis Cor unicum, Cordis tui mirabilis Omnes canant praeconium.

O Cor, amator Numinis, Amore Patris igneum, Amore flagrans Virginis, Amore nostri saucium.

Nam Sponsa, Corde saucia, Te vulneratum vulnerat: Te dissecat mors impia, Et hasta dire perforat.

Ave, dolorum Victima, Centrum Crucis, Rex Martyrum: Fac nostra sit Crux gloria, Amor, corona, gaudium.

O Cor, amore saucium, Amore corda saucia: Vitale nectar Coelitum, Amore nos inebria 2.

Tu charitatis Hostia, Mortalium salvatio, Aperta cunctis gratia, Et omnium redemptio.

---

1. Même Capitule aux I. Vêpres et à Laudes dans l'office du P. de Galliffet

2. Cette strophe est reproduite littéralement dans l'office du P. de Galliffet, à l'hymne des Laudes

Venite, gentes, currite Ad Cor Patris mitissimum: Omnes amat, confidite, Amoris est incendium 1. En cernitur patescere Fornax amoris flammea: Flammis volo me tradere, Me devoret mors ignea. Amor, Pater clementiae, Amor, Redemptor omnium, Amor, Deus, fons gratiae, Regnes in omne saeculum.

Amen.

Ainsi se finissent les Hymnes à toutes les heures.

V. Sic nos dilexit Jesus, ut daret nobis Cor suum. R. Gratias ei super inenarrabili dono ejus

A Magnif. Ant. Gaude, Maria, Mater Redemptoris: ecce vulnerasti et rapuisti Cor ejus, et factum est Cor tuum: ipsumque nobis dedisti, ut cum Patre et Matre cor unum habeamus. Alleluia.

Pater misericordiarum, et Deus totius consolationis, qui propter nimiam charitatem qua dilexisti nos, dilectissimi Filii tui Cor amantissimum nobis ineffabili bonitate donasti, ut te uno corde cum ipso perfecte diligamus: praesta, quaesumus, ut cordibus nostris inter se, et cum Corde Jesu, in unum consummatis, omnia nostra in charitate ejus fiant, atque, ipso interveniente, justa cordis nostri desideria compleantur. Per eumdem Dominum.

---

1. La Séquence de la Messe du S. Cœur de Christophe de Beaumont commençait par la trophe suivante:

Venite, cuncti, currite Ad Cor Jesu mitissimum:

Cunctos vocat, confidite;

Amoris est incendium.

Cette prose se chante encore dans certains diocèses de France, entre autres dans celui de Beauvais.Cf. Nilles, De Rationibus Festorum, tome II, p. 25, édit. 1885.

Invitatoire. Jesu Cor amantissimum venite adoremus: Qui est amor et vita nostra.

Psaume. Venite, exultemus Domino.

VERBUM caro, Rex cordium, Cordis tui miracula Linguis canantur omnium, Miraculorum maxima.

Ave, Patris mirabilis Et Unici Cor unicum: Origo sacri Flaminis. Terrae polique vinculum.

Quam magna fers mysteria, Immensa gaza Coelitum: Amoris arca regia, Ecclesiae sacrarium!

Pars nostra, spes et gaudium, Coetusque nostri gloria 1: Cor, vita, lex 2, oraculum, Origo, finis, omnia.

Quam mira Jesu gratia! Nos Corde toto diligit: Solvamus ut nos debita, Nobis suum Cor tradidit.

O qualis haec dignatio! Dat Cor Mariae Filius, Dat Cor Maria Filio, Utrumque dant volentibus.

O te volo, Cor flammeum, Tu semper intus ardeas: Fons omnium charismatum, Totum per orbem diffluas.

---

1. Cf. Office du Cœur de Marie, hymne des Vêpres, 7e stropbe

2. Le texte des Religieuses de N.-D. de Charité, qui a éte approuvé à Rome, porte: flamma, dux

O Cor meum, Cor unicum. Virtus, salus, fiducia, Thesaure, sol, et jubilum, In te mihi sunt omnia. Amor, Pater clementiae, Amor, Redemptor omnium, Amor, Deus, fons gratiae, Regnes in omne saeculum.

Amen .

Ant. Christus Jesus, a sinu Patris amore nimio egressus, exultavit ut gigas ad currendam viam: nec est qui se abscondat a calore dilectionis ejus.

Ps. 18. Coeli enarrant gloriam Dei.

Ant. Memor sit Pater omnis sacrificii tui, o Rex amoris, et tribuat tibi secundum Cor tuum.

Ps. 19. Exaudiat te Dominus.

Ant. Desiderio desideravi meipsum et in victimam et in escam dare vobis: et desiderium Cordis mei tribuit mihi Pater.

Ps. 20. Domine, in virtute tua 1.

V. Sic nos dilexit Jesus, ut daret nobis Cor suum. R. Gratias ei super inenarrabili dono ejus

De Ezechiele Propheta

Leçon j. Cap. 36

SANCTIFICABO nomen meum magnum, ut sciant gentes quia ego Dominus, ait Dominus exercituum, cum sanctificatus fuero in vobis coram eis. Tollam quippe vos de gentibus, et congregabo vos de universis terris, et adducam vos in terram véstram. Et effundam super vos aquam mundam, et mundabimini ab omnibus inquinamentis vestris, et ab universis idolis vestris mundabo vos. Et dabo vobis COR NOVUM, ET SPIRITUM NOVUM ponam in ___________________

1. Dans l'office du P. de Galliffet, le 3e psaume du Ier Nocturne est aussi le psaume: Doomine in virtute tua, et l'Antienne est celle-ci:«Desiderium cordis ejus tribuisti ei: quoniam praevenisti eum in benedictionibus dulcedinis.» medio vestri: et auferam cor lapideum de carne vestra, et dabo vobis Cor carneum, et Spiritum meum ponam in medio vestri 1.

R. Elegi, et vocavi Filium meum Jesum, virum voluntatis mea, et secundum Cor meum. * Quae placita sunt mihi facit semper Corde magno et animo volenti. R. Paratum Cor meum, Pater sancte , paratum Cor meum, ut faciam omnes voluntates tuas. * Quae.

Leçon ij. Cap. 3

Ferculum fecit sibi rex Salomon de lignis Libani columnas ejus fecit argenteas, reclinatorium aureum, ascensum purpureum: media charitate constravit, propter filias Jerusalem Egredimini et videte, filiae Sion, regem Salomonem in diademate ~uo coronavit illum mater sua, in die desponsationis illius, et in DIE LAETITIAE

Cordis ejus 2

R. Dabo vobis Spiritum et Cor novum ; Spiritum et Cor meum ponam in medio vestri. * Ut diligatis Deum Corde magno et animo volenti. V. Quoniam estis filii Dei, et membra Christi, posuit Deus Spiritum suum et Cor Filii sui in medio vestri; ut cum Patre et capite vestro sit vobis spiritus unus et cor unum. * Ut.

Leçon iij. Cap. 4

VENI de Libano, sponsa mea, veni de Libano, veni. Coronaberis de capite Amana, de vertice Sanir et Hermon, de cubilibus leonum, de montibus pardorum. Vulnerasti Cor meum, soror mea sponsa, vulnerasti Cor meum in uno oculorum tuorum, et in uno crine colli tui. Veni in hortum meum, soror mea sponsa: messui myrrham meam cum aromatibus meis: comedi favum cum melle meo, bibi vinum meum cum lacte meo: comedite, amici, et bibite, et inebriamini, charissimi 3.

---

1. Auferam etc. Ce texte sert de capitule à None dans l'office du P. de Galliffet

2. «O amor ineffabilis! Dies Passionis Jesu est dies laetitiae cordis ejus.» Note de l'auteur.(C'est lui qui a mis divers textes en capitales.)

3. «Amicos invitat Jesus ad convivium et ebrietatem amoris.»(Eudes.) R. Pater misericordiarum, et Deus totius consolationis, benedicant tibi omnes Virtutes tuae: * Quia sic nos dilexisti, ut Filium tuum unigenitum, et omnia cum ipso nobis donares. V. Ut cum ipso cor unum habentes, te uno corde diligamus, secundum magnitudinem bonitatis tua. * Quia. Gloria Patri. * Quia.

Ant. Unam petii a Domino, hanc requiram: ut in die malorum abscondat et protegat me in abscondito Cordis sui 1.

Ps. 26. Dominus illuminatio mea.

Ant. In capite libri scriptum est de me, ut faciam voluntatem tuam: Deus meus, volui, et legem tuam in medio Cordis mei 2.

Ps. 39. Expectans expectavi.

Ant. Paratum Cor meum, Pater sancte, paratum Cor meum: confitebor tibi in cithara Cordis mei in sempiternum.

Ps. 56. Miserere mei, Deus, miserere mei.

V. Sicut dilexit me Pater, et ego dilexi vos. R. Et vos manete in dilectione mea

Sermo Divi Bernardi Abbatis 3

Ex Tract. de Passione Dom. super istud Joan. Ego sum

vitis vera

Leçon iv. Cap. 3

FODERUNT Judaei et perfoderunt, non solum manus, sed et pedes, latus quoque; et sanctissimi Cordis intima furoris lancea perforaverunt, quod jamdudum amoris lancea fuerat vulneratum. Vulnerasti, inquit, in Canticis amoris Sponsus, Cor meum, soror mea sponsa, vulnerasti Cor meum. Vulnerat Cor tuum, Domine Jesu, sponsa tua, amica tua, soror tua. Quid necessarium fuit illud __________________

1. Dans l'office du P. de Galliffet, même antienne légèrement modifiée, et même psaume

2. Dans l'office du P. de Galliffet, même antienne et même psaume

3. Dans l'office du P. de Galliffet, ce passage de saint Bernard sert d'homélie. ab inimicis tuis ultra vulnerari? Quid agitis, o inimici? Si vulneratum est, imo quia vulneratum est Cor dulcis Jesu, quid secundum vulnus apponitis? An ignoratis quod uno vulnere tactum cor emoritur, et fit insensibile? Mortuum est Cor Domini Jesu, quia vulneratum: possedit vulnus amoris, possedit mors amoris Domini Cor, Sponsi Jesu: quomodo mors altera introibit? R. Omnia mihi tradita sunt a Patre meo. Et sic Pater dilexit mundum, ut Filium suum unigenitum daret: itaque omnia vestra mea sunt, et omnia mea vestra sunt. Praebete ergo mihi cor vestrum, filioli, et dabo vobis. Cor meum. V. Cor nostrum in manu tua, o Domine Jesu, secundum magnitudinem brachii tui posside illud in aeternum. * Praebete.

Vide quanta sit vis amoris domum Cordis obtinentis, et per vulnus dulcissimum occidentis, non solum in Domino Jesu, sed et in servis ipsius. Veniamus ad Martyres: feriuntur, et gaudent; occiduntur, et triumphant. Quare? Quia morte charitatis, intus in corde, jamdudum mortui peccatis , mortui mundo, tanquam insensibiles facti, nec minas, nec tormenta sentire potuerunt. Sed quia semel venimus ad Cor dulcissimum Jesu, et bonum est nos hic esse, ne sinamus nos facile avelli ab eo, de quo scriptum est: Recedentes a te in terra scribentur. Accedamus ergo ad eum, et exultabimus, et laetabimur in illo, memores Cordis ipsius. R. Cor Jesu, verum altare holocausti, in quo ignis divinus semper accenditur. * Afferte, filii Dei, afferte corda vestra,ut in hoc altari Deo jugiter immolentur. V. Dirumpe, nomine, vincula mea, et tibi sacrificabo hostiam laudis et amoris. * Afferte.

O quam bonum et quam jucundum habitare in Corde Jesu! Bonus thesaurus, bona margarita Cor tuum, bone Jesu, quam fosso agro tui corporis invenimus. Quis hanc margaritam abjiciat? Quin potius dabo omnia, omnes cogitationes et affectus mentis commutabo, et comparabo illam mihi: jactans omnem cogitatum meum in Cor Domini Jesu, et sine fallacia, illud me enutriet. Ad hoc templum, ad haec sancta sanctorum ad hanc arcam testamenti adorabo, et laudabo nomen Domini, dicens cum David: Inveni cor meum inquit, ut orem Deum meum. Et ego inveni Cor regis, fratris et amici, benigni Jesu. Et numquid non adorabo? Orabo utique: Cor enim illius meum est. Audacter dicam, si enim caput meum Christus est, quomodo quod capitis mei est, non meum est? Sicut ergo oculi capilis mei corporalis, mei oculi vere sunt; ita et spiritualis Cor, Cor meum est. Bene ergo mihi: ego vere cum Jesu cor unum habeo. Et quid mirum, cum multitudinis credentium fuerit cor unum? R. Fornax amoris Cor tuum, o amantissime Jesu. * Afferte corda vestra in hanc fornacem; ut in igne divini amoris et in flamma aeterna charitatis consumantur.

V. Beati qui in ignem aeternum hujus fornacis mittuntur. *Afferte. Gloria Patri. * Afferte

Ant. Accedamus ad Cor altissimum Jesu, ut per ipsum, et cum ipso, et in ipso, exaltemus et diligamus Deum, secundum multitudinem magnitudinis ejus.

Ps 63. Exaudi Deus, orationem meam cum deprecor.

Ant. Qui adhaeret Domino Jesu, unum Cor et unus spiritus est: et de immenso thesauro Cordis ejus accipiet immensa bona.

Ps. 72. Quam bonus Israel Deus.

Ant. Turbatum et anxiatum est Cor meum: defecit in dolore vita mea, et anni mei in gemitibus, propter nimiam charitatem qua dilexi vos.

Ps. 142. Domine, exaudi orationem meam.

V. Vivat Cor Jesu, Rex cordium. R. regnet super omnia corda in aeternum

Lectio sancti Evangelii secundum Joanem

Leçon vij. Cap. 15

IN illo tempore: Dixit Jesus discipulis suis: Sicut dilexit me Pater, et ego dilexi vos: manete in dilectione mea. Et reliqua.

Homilia sancti Joannis Chrysostomi

In Joan. Homil. 76

Sicut dilexit me Pater, et ego dilexi vos. Hic jam magis secundum hominem loquitur. Nam qui mori voluit, qui servos, inimicos, hostes, tanto honore dignatus est 1, et in coelum adduxit, quomodo dilectionis mensuram ostendit? Si ergo vos diligo, confidite. Sed ne inde negligentes faceret. vide quomodo eos rursus excitat: Manete, inquit, in dilectione mea. Hoc in vestra est potestate. Quomodo autem hoc erit? Si praecepta mea servaveritis, sicut ego praecepta Patris mei servavi. Considera autem quanta eos auctoritate alloquatur: non enim dixit: Manete in dilectione Patris, sed mea. Inde vero ne dicerent: Quando nos omnibus inimicos reddidisti, tunc nos dimittis, tunc discedis. Hoc negat; sed ita se eis, modo velint, conglutinari dicit, ut palmes viti. R. Thronus meus flamma ignis: fluvius igneus rapidusque egreditur a facie mea. Et ego, ignis consumens, ignem veni mittere in terram: * Et quid volo nisi ut accendatur? V. O ignis qui semper ardes, et nunquam extingueris! O amor qui semper ferves, et nunquam tepescis, accende me totum, ut totus diligam te. * Et quid volo.

IN me, inquit, respicite Diligit me Pater, et tamen mors acerbissima mihi subeunda proponitur. Non igitur vos nunc relinquo, eo quod non diligam. Nam si ego morior, nec tamen propterea a Patro non amari conjicio: sic neque vos, ob discessum meum, perturbari oportet. Si in dilectione mea manseritis, nihil vobis nocere poterit. Magnum namque et insuperabile quiddam est dilectio, quae non tantum verbis, sed re exhibenda est. Itaque cum ipse nos Deo reconciliaverit, in amore perstemus. Cum diligere ipse inceperit, nos saltem prosequamur. Cum ipse non sui commodi gratia, nullius enim eget, nos saltem ad nostram utilitatem diligamus. Cum ipse inimicos, nos saltem eum, qui amicus est, amore prosequamur.

---

1. Le texte approuvé à Rome porte: in tanto honore habere dignatus est. R. O admirabilis Cordis Jesu charitas, qui pro crucifigentibus se oravit, dicens: * Pater, dimitte illis, non enim sciunt quid faciunt. V. Filioli, ponite corda vestra in charitate Cordis mei, ut diligatis inimicos vestros, et oretis pro persequentibus vos * Pater. Gloria Patri. * Pater.

De Homil. 76

Haec locutus sum vobis, ut gaudium meum in vobis sit, et gaudium vestrum impleatur: hoc est, ne discedatis a me, neve a cursu desistatis. Vos amici mei estis, si feceritis quae praecipio vobis. Jam non dico vos servos, quia servus nescit quid faciat Dominus ejus; vos autem dixi amicos, quia omnia quae audivi a Patre meo, nota feci vobis. Nihil aliud his verbis innuit, quam maximi amoris indicium, quod arcana Patris cum eis communicaverit. Cum autem omnia dicit, de his intelligendum quae eos audire conveniat. Ecce quot modis suam proponit dilectionem, cum et secreta Patris eis aperuerit, cum in amore praevenerit, cum pro ipsis tot mala patiatur, cumque perpetuo cum ipsis se permansurum ostendit.

Pour les lieux où l'on dit un Répons après la dernière Leçon. R. Oleum effusum Cor tuum, o dulcissime Jesu. * Trahe omnia corda post te, ut omnes curramus in odorem unguentorum Cordis tui. V. Tu enim dixisti: Cum exaltatus fuero a terra, omnia traham ad meipsum.*Trahe. Gloria Patri. * Trahe.

Te Deum. Pour les lieux où l'on dit un Verset sacerdotal devant Laudes.

V. Omnis spiritus laudet Cor Jesu et Mariae. R. Et diligant illud omnia corda

Ant. 1. O altitudo divitiarum charitatis Jesu! quam incomprehensibilia sunt opera ejus, et amabiles viae ejus!

Ps. Dominus regnavit, avec les autres de Laudes.

V. o amor admirabilis, tu Filium Dei pro nobis de sinu Patris egredi, in sinu Matris infantem fieri, cum hominibus in terris conversari, et mortem pati acerbissimam fecisti. Alleluia.

3. O dilectio ineffabilis! Ecce Cor Jesu, amoris et doloris impetu, pro nobis in morte disruptum est. Gratias ei super inenarrabili charitate ejus.

4. O amor amorum! Carnem suam nobis in cibum, sanguinem in potum, in pretium, in lavacrum; et semetipsum in Patrem, in sponsum, in caput, in Cor, et in praemium donavit aeternum. Gratias ei super immensis Cordis ejus donis.

5. Benedictum Cor tuum, o bone Jesu, super quod discipulus dilectus recumbens, fluenta Evangelii amoris tui, nobis effundenda, potavit. Alleluia.

CAPITULE. 3 Reg. 9

SANCTIFICAVI mihi domum hanc, ut ponerem nomen meum ibi in sempiternum, et erunt oculi mei et Cor meum ibi cunctis diebus.

QUID Corde Regis cordium Coli potest amantius? Cordi Patris charismatum Quid Corde Nati charius?

Ave, Cor, aula Numinis, Thesaure, coelum, gloria, Amor Parentis Virginis, Amor triumphans omnia.

Memento, Dilectissime, Amoris ardentissimi, Qui Patris ortum pectore Pro me dedit te Virgini.

Mundi recedant somnia: Amor meus, Rex unicus, Solus mihi sit omnia, Jesum volo, nil amplius.

O summa Jesu charitas, Vultu benigno respice Mentes draconi subditas, Tuo redemptas sanguine.

Heu! quanta pro mortalibus Tu Corde passus vulnera! Non vana peccatoribus Sint tanta Cordis munera. Amande raptor cordium, Per Cor tuum, fac omnia Ad te, Creator omnium, Sursum rapi praecordia. O Cor, Pater viventium, Amore fac nos vivere: Fac in tuum, pro te, sinum, Amore vitam fundere. Amor, Pater clementiae, Amor, redemptor omnium, Amor, Deus, fons gratiae. Regnes in omne saeculum. Amen .

V. Omnis spiritus laudet Cor Jesu et Mariae. R. Et diligant illud omnia corda

A Bened. Ant. Benedictum sit Cor amantissimum Jesu et Mariae, fons vivus benedictionis, fornax amoris, thronus divina Voluntatis, sanctuarium Divinitatis. Alleluia.

MATER misericordiarum, et Deus totius consolationis, qui propter nimiam charitatem qua dilexisti nos, dilectissimi Filii tui Cor amantissimum nobis ineffabili bonitate donasti, ut te uno corde cum ipso perfecte diligamus: praesta quaesumus, ut cordibus nostris inter se, et cum Corde Jesu in unum consummatis, omnia nostra in charitate ejus fiant, atque ipso interveniente, justa cordis nostri desideria compleantur. Per eumdem Dominum.

Ant. O altitudo divitiarum, comme à Laudes. R. br. Christe Fili. V. Qui natus es de Maria Virgine.

Ant. O amor admirabilis.

Capit. Sanctificavi mihi domum hanc, comme à Laudes.

R. br. Sic nos dilexit Jesus, * Ut daret nobis Cor suum. Sic nos. V. Gratias ei super inenarrabili dono ejus. Ut daret. Gloria Patri. Sic nos.

V. Sicut dilexit me Pater, et ego dilexi vos. R Et vos manete in dilectione mea

Ant. O dilectio ineffabilis.

CAPITULE. Osee. 11

EGO quasi nutritius Ephraim, portabam eos in brachiis meis, et nescierunt quod curarem eos. In funiculis Adam traham eos, in vinculis charitatis.

R. br. Sicut dilexit me Pater, * Et ego dilexi vos. Sicut.

V. Et vos manete in dilectione mea Et ego. Gloria Patri. Sicut

V. Vivat Cor Jesu, Rex cordium. R. Et regnet super omnia corda in aeternum

Ant. Benedictum Cor tuum.

CAPITULE. Cant. 4

Vulnerasti Cor meum, soror mea, sponsa, vulnerasti Cor meum, in uno oculorum tuorum, et in uno crine colli tui.

R. br. Vivat Cor Jesu, *Rex cordium. Vivat Cor. V. Et regnet super omnia corda in aeternum. Rex cordium. Gloria Patri. Vivat.

V. Omnis spiritus laudet Cor Jesu et Mariae. R. Et diligant illud omnia corda

Ant. 1. O admirabile Cor Jesu, in quo Deus Pater altissimum dilectionis et gloriae suae thronum suum constituit. Alleluia. Ps. Dixit Dominus , avec les autres, et au lieu du dernier, Lauda Jerusalem Dominum.

2. O incomparabilis charitas! cum adhuc inimici essemus, dilexit nos: et lavit nos a peccatis nostris in sanguine suo. Alleluia

3. Nolite timere, filioli, et si mulier oblita fuerit infantis sui, égo tamen non obliviscar vestri. Ecce in manibus meis et in Corde meo descripsi vos. Alleluia.

4. Pater, quos dedisti mihi, volo ut ubi sum ego, et illi sint mecum: et nobiscum ac inter se sint cor unum, sicut et nos unum sumus. Alleluia.

5. Filioli, implete gaudium meum, ut omnia vestra in charitate Cordis mei fiant. Paratum cor nostrum, Deus cordis nostri, paratum cor nostrum. Alleluia.

CAPITULE. 3 Reg. 9

SANCTIFICAVI mihi domum hanc, ut ponerem nomen meum ibi in sempiternum, et erunt oculi mei, et Cor meum ibi cunctis diebus.

Aux lieux où l'on dit un Répons devant l'Hymne, il faut prendre le neuvième de Matines, Oleum effusum

Hymne

FLAMMATA Jesu Pectora Amoris igne psallimus: Immensa lati munera Cordis benigni pangimus. Ave, sacerdos cordium, Ave, Deo par victima. Templum Deo dignissimum, Et ara sacratissima 1. O semper ara flammea, Cunctis parata victimis, Tu corda tollas omnia, Flammis litanda coelicis. O magna fornax Coelitum, Aeterna praebens gaudia, ___________________

1. O Cor, Deo par victima, Altare sacratissimum In quo perennis hostia Culpas piat mortalium

Office du P. de Gallifet, Hymne des Laudes.

Praecordiis mortalium Coeli feras incendia.

En illa fornax panditur, Afferte sacris ignibus, Afferte corda, pascitur Fornax amanda cordibus. En corda, quae mirabilis Fornacis ignes concrement: Cordis faces amabilis Terramque polumque devorent.

On se met à genoux durant les deux strophes qui suivent.

Tot ergo, tanti Pectoris Omnes canant mysteria: Cordisque tam laudabilis Strati colant magnalia.

O Christe, fornax cordium, Immerge flammis supplices: Amor vorax amantium, Fac nos amoris martyres.

Amor, Pater clementiae, Amor, Redemptor omnium, Amor, Deus, fons gratiae, Regnes in omne saeculum.

Amen.

V. Omnis spiritus laudet Cor Jesu et Miriae. R. Et diligant illud omnia corda

A Magnif. Ant. Tibi laus, tibi honor, tibi gloria, o amamtissime Jesu, qui dedisti Cor tuum dilectissima Matri tuae; ut ipsa tibi uno Corde in salutem humanam cooperans, digna Salvatoris Mater effici mereretur. Alleluia.

PATER misericordiarum, et Deus totius consolationis, qui propter nimiam charitatem qua dilexisti nos, dilectissimi Filii tui Cor amantissimum nobis ineffabili bonitate donasti, ut te uno Corde cum ipso perfecte diligamus: praesta quaesumus, ut cordibus nostris inter se, et cum Corde Jesu in unum consummatis, omnia nostra in charitate ejus fiant, atque ipso interveniente, justa cordis nostri desideria compleantur Per eumdem.

Si cette Fête arrive le samedi, on fait ici mémoire du Dimanche suivant seulement.

En quelque jour de l'Octave que le Dimanche tombe, on en fait l'Office, comme il est ci-après en suite du 7e jour de la même Octave.

On ne fait d'aucune Fête dans l'Octave, si elle n'est double; les semi-doubles sont transférés, et on en fait seulement mémoire dans les Fêtes simples.

Pendant l'Octave, les Leçons du j. Nochturne sont de l'Écriture courante.