Le XXIII mars : En la fête de saint gabriel archange (4)

Missa in festo apparitionis domini jesu sanctissimae

Matri suae post resurrectionem suam

GAUDEAMUS omnes in Domino, diem festum celebrantes, sub honore apparitionis Christi resurgentis beatae Mariae Virgini, de cujus solemnitate gaudent Angeli, et collaudant Filium Dei. Alleluia. Psalm. (Isa 61). Gaudens gaudebit Cor meum in Domino: et exultabit in Deo Jesu meo. V. Gloria Patri. Gaudeamus.

Domine JESU CHRISTE, qui post Resurrectionem tuam, dilectissimae Matri tuae, gloria et honore coronatus apparuisti, et acerbissimas Cordis ejus angustias in gaudium maximum convertisti: da nobis quaesumus, eodem _____________________________ Gaudes quando,post triduum, Jesu Patris laetitia, Amissum Natum reperis: Qui Matrem imples gaudio, Quanto magis cum mortuum Patri, tibi, Paraclito Inter viventes aspicis. Sit sempiterna gloria. Amen. sanctissimo Corde interveniente, tanti gaudii memoriam digne celebrare, vana hujus mundi oblectamenta respuere, in te solo delectari; ut petitiones cordis nostri benigne semper exaudias, et omnem tristitiam nostram in gaudium convertas. Qui vivis et regnas cum Deo Patre, in unitate.

Lectio libri Apocalypsis beati Joannis Apostoli

(Cap. 12.)

Signum magnum apparuit in coelo: Mulier amicta sole, et luna sub pedibus ejus, et in capite ejus corona stellarum duodecim. Et in utero habens clamabat parturiens, et cruciabatur ut pariat. Et visum est aliud signum in coelo: et ecce draco magnus, rufus, habens capita septem et cornua decem: et in capitibus ejus diademata septem. Et cauda ejus trahebat tertiam partem stellarum coeli, et misit eas in terram: et draco stetit ante mulierem, quae erat paritura, ut cum peperisset, filium ejus devoraret. Et peperit filium masculum, qui recturus erat omnes gentes in virga ferrea: et raptus est filius ejus ad Deum, et ad thronum ejus.

Alleluia, alleluia. V. Gaude, Maria, Mater Jesu, quia Filius tuus surrexit, et apparuit tibi, et tristitia Cordis tui conversa est in gaudium. Alleluia. V. Quem, post triduum doloris, invenisti sedentem in medio Doctorum, hunc, post triduum Passionis, vides regnantem in splendoribus Sanctorum. Alleluia.

Sequentia

GAUDIA Reginae coeli celebrent Christiani. Ovis plangebat Agnum, Mater lugebat Natum: Sed ecce mortuus regnat vivus. Agnus et serpens miro conflixere duello: Draconem occisus vicit Agnus. Dic nobis, beata, quid vidisti, Maria? Splendorem Filii surgentis: et gloriam vidi triumphantis; Angelicos coetus, Sanctorum exercitus. Surrexit Jesus spes mea: laetentur mecum universa. Scimus Christum surrexisse, et te visitasse: Tu pro famulis hunc deprecare. Amen, alleluia. Extra tempus Paschale, omisso Alleluia, dicitur:

Graduale. Gratias tibi, Domine Jesu, qui surgens ex mortuis, accepisti virtutem tuam magnam, et regnasti in medio inimicorum tuorum; et sanctissimae Matri tuae gloriosus apparuisti. V. Gaudeamus et exultemus, et demus gloriam ei.

Alleluia, alleluia. V. Tristitia Cordis Mariae conversa est in gaudium: et gaudium ejus nemo tollet ab ea. Alleluia.

Post Septuagesimam, omisso Alleluia et versu sequenti, dicitur:

Tractus. Expectans expectavi Filium meum Jesum, et dum flerem, et orarem, apparuit mihi. V. Secundum multitudinem dolorum meorum in Corde meo, consolationes ejus laetificaverunt animam meam. V. Exaltabo te, Domine, quoniam eduxisti de sepulchro Unigenitum tuum et meum; nec delectasti inimicos meos super me.

†Sequentia Sancti Evangelii secundum Lucam

Cum factus esset Jesus annorum duodecim, ascendentibus illis Jerosolymam secundum consuetudinem diei festi, consummatisque diebus, cum redirent, remansit puer Jesus in Jerusalem, et non cognoverunt parentes ejus. Existimantes autem illum esse in comitatu, venerunt iter diei, et requirebant eum inter cognatos et notos. Et non invenientes, regressi sunt in Jerusalem, requirentes eum. Et factum est post triduum invenerunt illum in templo sedentem in medio Doctorum, audientem illos, et interrogantem eos. Stupebant autem omnes, qui eum audiebant, super prudentia et responsis ejus. Et videntes admirati sunt. Et dixit Mater ejus ad illum: Fili, quid fecisti nobis sic? Ecce pater tuus et ego dolentes quaerebamus te. Et ait ad illos: Quid esti quod me quaerebatis? Nesciebatis quia in his quae Patris mei sunt, oportet me esse? Et ipsi non intellexerunt verbum, quod locutus est ad eos. Et descendit cum eis, et venit Nazareth, et erat subditus illis. Et Mater ejus conservabat omnia verba haec in Corde suo. Credo.

Offertorium. Gaudete mecum, omnes qui diligitis me: quia, sicut Filium meum est triduum doloris inveni sedentem in medio Doctorum; ita, et post triduum Passionis, vidi triumphantem in medio Angelorum. Alleluia.

TUA, Domine, propitiatione, et beatae Mariae semper Virginis intercessione, haec oblatio sanctificet corda et corpora nostra, quatenus a saeculi tristitia liberati, in te semper gaudeamus, ut gaudium nostrum nemo tollat nobis. Per Dominum nostrum.

Praefatio de Beatae Mariae Virg. Et te in Festivitate.

In missis votivis dicitur.: Et te in Veneratione.

Communio. Beata es, Maria, quae credidisti: Ecce Filius tuus vivit, gloria et honore coronatus. Dei Genitrix, intercede pro nobis. Alleluia.

Postcommunio

DOMINE Jesu Christe, Fili Dei vivi, qui pro nobis Filius Mariae Virginis effici dignatus es; quique, resurgens ex mortuis, illam, ut Matrem dilectissimam, visitare et honorare voluisti: praesta, quaesumus, ut, ejus meritis et intercessione, tanquam viventes, atque in novitate vitae ambulantes, coelestem in nobis resurrectionis tua imaginem portemus, et sicut unum Patrem, ita etiam eamdem Matrem tecum habeamus, et corde perfecto veneremur atque diligamus: nosque talis Patris ac tantae Matris veros filios exhibeamus. Qui vivis.

Les fêtes de juillet