Le XXV de septembre : En la fête du s. nom de la b. v. marie (2)

A prime

Ant. Vivet Nomen.

Ant. Jubilate Domino Jesu.

CAPITULE. Apoc. 12

SIGNUM magnum apparuit in coelo: Mulier amicta sole, et luna sub pedibus ejus, et in capite ejus corona stellarum duodecim. R. br. (a). Vivat Nomen Maria * In aeternum. Vivat Nomen V. Et benedicat omnis caro Nomini sancto ejus. In aeternum. Gloria Patri Vivat Nomen.

V. Afferte Maria gloriam et honorem. R. Afferte gloriam Nomini ejus

Ant. Benedicat nos.

CAPITULE. Eccl. 15

JUCUNDITATEM et exultationem thesaurisavit super Mariam, et nomine aeterno haereditavit eam Dominus Deus noster. R. br. (b) Afferte Mariae * Gloriam et honorem. Afferte.

V. Afferte gloriam Nomini ejus. Gloriam et honorem. Gloria Patri. Afferte

V. Sit Nomen Mariae benedictum. R. Ex hoc nunc, et usque in saeculum. _______________________________ (a) 1648. R. br. Magnificate Mariam mecum, * Alleluia, alleluia. Magnificate. V. Et exaltemus Nomen ejus in idipsum. Alleluia. Gloria Patri. Magnificate

V. Afferte Maria gloriam et honorem. Alleluia. R. Afferte gloriam Nomini ejus. Alleluia. (b) 1648. R. br. Afferte Mariae gloriam et honorem,* Alleluia, alleluia.Afferte. V . Afferte gloriam Nomini ejus. Alleluia. Gloria Patri. Afferte.

V. Sit Nomen Mariae benedictum. Alleluia. V. Ex hoc nunc et usque in saeculum. Alleluia

Ant. Juvenes et Virgines.

CAPITULE. Cant. 6

Quae est ista quae progreditur quasi aurora consurgens, pulchra ut luna, electa ut sol, terribilis ut castrorum acies ordinata? R. br. (a) Sit Nomen Mariae * Benedictum. Sit Nomen.

V. Ex hoc nunc, et usque in saeculum. Benedictum. Gloria Patri. Sit Nomen

V. Magnificate Mariam mecum. R. Et exaltemus Nomen ejus in idipsum

Tout comme aux premières.

A Magnif. Ant. Magnificent te omnes generationes, o Mater admirabilis, et sperent in te, et cognoscant quia Nomen tibi Maria. Alleluia.

Oraison. Deus qui gloriosam, etc. comme à Laudes.

Missa in festo sanctissimi nominis virginis mariae

Introitus

VULTUM tuum deprecabuntur omnes divites plebis: adducentur Regi Virgines post eam: proximae ejus adducentur tibi in laetitia et exultatione. Ps. Sit Nomen Mariae benedictum: ex hoc nunc et usque in saeculum.

V. Gloria Patri. Vultum

DEUS qui gloriosam Matrem tuam nominari Mariam voluisti concede, quaesumus, ut qui dulce Mariae ____________________________ (a) 1648. R. br. Sit Nomen Mariae benedictum.* Alleluia, alleluia. Sit nomen. V. Ex hoc nunc, et usque in saeculum. Alleluia. Gloria Patri. Sit nomen.

V. Vivat Nomen Mariae in aeternum. Alleluia. R. Et benedicat omnis caro Nomini sancto ejus. Alleluia. Nomen implorant, perpetuum sentiant tua benedictionis effectum. Qui vivis et regnas cum Deo Patre, in unitate.

Lectio libri Sapientiae (Eccli. 24)

EGO ex ore Altissimi prodivi, primogenita ante omnem creaturam: Ego feci in coelis ut oriretur lumen indeficiens, et sicut nebula texi omnem terram: Ego in altissimis habitavi, et thronus meus in columna nubis. Gyrum coeli circuivi sola, et profundum abyssi penetravi. In fluctibus maris ambulavi; et in omni terra steti, et in omni populo, et in omni gente primatum habui: Et omnium excellentium et humilium corda virtute calcavi. Ego Mater pulchra dilectionis, et timoris, et agnitionis, et sancta spei. In me gratia omnis viae et veritatis, in me omnis spes vitae et virtutis. Transite ad me omnes qui concupiscitis me, et a generationibus meis implemini: spiritus enim meus super mel dulcis, et haereditas mea super mel et favum .

Graduale. Signum magnum apparuit in coelo, Mulier amicta sole et luna sub pedibus ejus, et in capite ejus corona stellarum duodecim. V. Quae est ista quae progreditur quasi aurora consurgens, pulchra ut luna, electa ut sol, terribilis ut castrorum acies ordinata?

Alleluia, alleluia. V. O Maria, Mater Dei, tu gloria Jerusalem, tu laetitia Israel, tu honorificentia, populi nostri 1. Alleluia.

Post Septuag., omisso Alleluia et V. seq., dicitur:

Tractus. Vide, Domine, quoniam tribulor, conturbatus est venter meus, subversum est cor meum in memetipsa quoniam amaritudine plena sum. V. O vos omnes qui transitis per viam, attendite et videte si est dolor sicut dolor meus. V. Magna est velut mare contritio tua, Virgo filia Sion: tuam enim animam doloris gladius pertransivit.

---

1. Le Bienheureux composa une Séquence pour cette Messe. Nous n'avons pu retrouver l'édition qui la renferme. Cf. OEuvres, tome 5, p. 238, ligne 23.

Tempore Pasch., omisso Graduali et Tractu, dicitur:

Alleluia, alleluia. V. Gaude Maria Virgo, Domina mundi, quia data est tibi a Deo omnis potestas in coelo et in terra. Alleluia. V. Beata es, o Maria, quia Deus Pater te constituit super regnum Filii dilectionis suae, et disposuit tibi regnum, sicut disposuit Filio suo. Alleluia.

† Sequentia sancti Evangelii secundum Lucam

Cap l

IN illo tempore: Missus est Angelus Gabriel a Deo in civitatem Galilaeae, cui nomen Nazareth, ad Virginem desponsatam viro, cui nomen erat Joseph, de domo David: et nomen Virginis Maria. Et ingressus Angelus ad eam, dixit: Ave, gratia plena: Dominus tecum: benedicta tu in mulieribus. Quae cum audisset, turbata est in sermone ejus, et cogitabat qualis esset ista salutatio Et ait Angelus ei: Ne timeas, Maria, invenisti enim gratiam apud Deum: ecce concipies in utero, et paries Filium, et vocabis nomen ejus Jesum. Hic erit magnus, et Filius Altissimi vocabitur, et dabit illi Dominus Deus sedem David Patris ejus: et regnabit in domo Jacob in aeternum, et regni ejus non erit finis. Dixit autem Maria ad Angelum: Quomodo fiet istud, quoniam virum non cognosco? Et respondens Angelus, dixit ei: Spiritus sanctus superveniet in te, et virtus Altissimi obumbrabit tibi. Ideoque et quod nascetur ex te Sanctum, vocabitur Filius Dei. Et ecce Elisabeth cognata tua, et ipsa concepit filium in senectute sua: et hic mensis sextus est illi quae vocatur sterilis: quia non erit impossibile apud Deum omne verbum. Dixit autem Maria: Ecce ancilla Domini, fiat mihi secundum verbum tuum.

Credo.

Offertorium. Ave, Maria, Filia Dei Patris, Mater Dei Filii, Sponsa Spiritus Sancti, templum totius Trinitatis, benedicta tu in mulieribus, et benedictus fructus ventris tui Jesus.

TUA, Domine, propitiatione, et beatae Mariae semper Virginis intercessione, ad perpetuam atque praesentem haec oblatio nobis proficiat prosperitatem et pacem.Per Dominum nostrum.

Praefatio de beata Maria. Et te in festivitate Sanctissimi Nominis beatae Mariae. In Missis votivis dicitur: Et te in veneratione Sanctissimi Mominis beatae Mariae.

Communio. Vocabitur tibi Nomen novum, quod os Domini nominavit. et hoc est Nomen quod vocabunt te, Maria, Mater Dei, Stella maris, Domina mundi. Alleluia.

SUMPTIS, Domine, salutis nostrae subsidiis; da quaesumus, beatae Mariae semper Virginis patrociniis nos ubique protegi: in cujus Nominis veneratione haec tuae obtulimus Majestati. Per Dominum nostrum.

Les fêtes d'octobre