Capitulum 16

De superflua recessione locali eorum qui a pravis moribus non recedunt.

INTERDUM autem superati superbia aut impatientia propria, dum emendare nolumus incircumcisos inordinatosque mores nostros, conquerimur atque asserimus nos eremum desiderare, quasi ibi virtutem patientiæ reperturi, nullo nos concitante ad iram: excusantes negligentiam nostram, et affirmantes causas iracundiæ generari non ex impatientia nostra, sed vitio fratrum. Dumque in alios vertimus causas erroris, nunquam ad culmen patientiæ ac perfectionis pervenire valemus.