Capitulum 17

Quod tranquillitas cordis nostri consistere debeat non in aliorum arbitrio, sed in nostra potestate.

SUMMA ergo seu plenitudo emendationis tranquillitatisque nostræ est collocanda non in aliorum arbitrio, quod nostræ potestati nullatenus subjacet; sed in nostra conditione ac potestate magis consistere debet. Unde ut non irascamur, non debet ex perfectione aut voluntate alterius dependere, sed ex nostra virtute ac mititate descendere: quæ obtinetur non patientia aliena, sed longanimitate et tolerantia propria.