Praefatio

De Contritione, quae prima pars est Sacramenti Poenitentiae, disseruimus libro superiore: sequitur, ut de secunda parte, quae Confessio dicitur, disseramus. In qua controversia explicanda hic ordo servabitur, ut primo loco referantur errores, qui de hac re versantur inter adversarios. Deinde, sententia Catholicae Ecclesiae ex divinis litteris confirmetur. Tertio, proferantur sanctiones et decreta Conciliorum. Quarto, testimonia veterum Patrum. Quinto, rationes variae. Postremo, argumenta adversariorum proponantur, et dissolvantur.