Capitulum 9

De amputandis spiritualibus causis discordiæ.

PROPTEREA ad conservandam perpetuam ac individuam caritatem, nihil prodest amputasse primam discordiæ causam, quæ de terrenis atque caducis nascitur rebus, et universa carnalia despexisse, et proprias opes pro communi usu dereliquisse; nisi et abscindentes secundam causam, quæ ex diversitate intellectuum oritur, acquiramus in omnibus humilem mentem et consonas voluntates.