Le XVIII de décembre : En la fête de l'expectation de la b. vierge marie (2)

In missis

Orationes

In honorem sanctorum quos singulari devotione

Sacerdotes colere et invocare debent

I. --In honorem Sanctorum Jesu et Mariae , Eorum nempe, qui cum Jesu et Maria singulari societate et speciali dilectione connexi sunt.

DOMINE Jesu, qui dixisti amicis tuis: Sicut dilexit me Pater, ego dilexi vos: da nobis quaesumus, consortes fieri illorum, qui tua et sanctissimae Matris tuae amicitia decorati, vobisque singulari dilectione et societate connexi sunt; ut eos propter vos, speciali pietatis affectu venerantes in terris, et vobis et illis eximio charitatis nexu jungamur in coelis. Qui vivis et regnas cum Deo Patre in unitate.

Oblatis quaesumus, Domine, placare muneribus, et intercedentibus omnibus Sanctis tuis, a cunctis nos absolve peccatis, et corda nostra perfectae erga Filium tuum Jesum, et dilectissimam Matrem ejus Mariam, charitatis dulcedine abundanter refice. Per eumdem Dominum.

Deus, qui Unigenitum tuum Jesum, et charissimam Matrem ejus Mariam amantes, nimia charitate diligis: praesta quaesumus, intercedentibus omnibus Sanctis, qui singulari dilectionis nexu cum eis cunjuncti sunt, inviolabilem cordibus nostris erga talem Filium et tantam Matrem amoris affectum; ut illos in te et propter te, toto corde, ore et opere diligamus, et cum ipsis a tua laude nunquam cessemus. Per eundem Dominum.

II.--In honorem omnium Sanctorum Qui singulari zelo in promovenda Animarum salute

laboraverunt

Oratio 1

DEUS, tuorum gloria Sacerdotum, qui Unigenitum tuum nobis summum Sacerdotem, et animarum nostrarum Pastorem vigilantissimum dedisti; quique ei, ad sacrificandum tibi hostiam mundam, et ad promovendam humani generis salutem, sanctos Sacerdotes et Levitas consortes tribuisti: quaesumus, beata Maria semper Virgine et iisdem sanctis Sacerdotibus intercedentibus, ut spiritum gratiae cui servierunt, in Ecclesia tua excitare digneris; quatenus nos eodem repleti, studeamus amare quod amaverunt, et opere exercere quod verbo et exemplo docuerunt. Per eumdem Dominum.

DEUS qui Filium tuum Unigenitum pro nobis Sacerdotem et hostiam esse voluisti: praesta quaesumus, beata Maria semper Virgine intercedehte, cum omnibus sanctis Sacerdotibus et Levitis, ut sicut nos, immensa clementiae tuae largitate, divini ejus Sacerdotii participes effecisti, ita et nosmetipsos cum eo, in hac saerosancta oblatione, in qua omnis sanctitatis fontem constituisti, hostiam vivam et sanctam tibi in aeternum consecrare et immolare digneris. Per eumdem Dominum ____________________

1. Edit. du Missel de 1652, la seule que nous ayons retrouvée. Voir ci-dessus, p. 583, l'oraison des Propres de 1668 et 1672

DOMINE Jesu Christe, Pastor bone, qui dixisti: Rogate Dominum messis, ut mittat operarios in messem suam: te supplices exoramus, intercedente beatissima Virgine Maria Matre tua, cum omnibus sanctis Sacerdotibus et Levitis, ut operarios fideles in vineam tuam mittas; omnes Sacerdotes et Levitas dignos sacris altaribus ministros efficias; et Ecclesiae tuae plures alios Sacerdotes et Pastores juxta Cor tuum concedas; ut tecum et cum ipsis aeterno Patri aeterna laudis hostiam offerre mereamur. Qui vivis et regnas cum eodem Deo Patre, in unitate Spiritus sancti Deus. Per omnia saecula saeculorum.

III. --In honorem omnium Sanctorum Martyrum.

DIMINE JESU, qui maxima potentiae et amorii miracula, in Passione ac morte tua, et in sanctis Martyribus demonstrasti: da nobis, quaesumus, intercedentibus omnibus Sanctis Martyribus tuis, pro amore tuo prospera mundi despicere; nulla ejus adversa formidare; nonnisi in Cruce tua gloriari, ac denique tibi viventes et morientes, velut hostias sanctas atque placentes, in sacrificium laudis et amoris immolari. Qui vivis et regnas cum Deo ,Patre in unitate Spiritus sancti Deus.

HOSTIAS tibi, Domine, omnium sanctorum Martyrum tuorum dicatas meritis, benignus assume: et ad perpetuum nobis tribue provenire subsidium, ut nosmetipsos cum illis tibi perficias munus aeternum. Per Dominum.

EXAUDI, Domine, preces nostras, et omnium sanctorum Martyrum tuorum, quorum memoriam celebramus, continuis foveamur auxiliis, ut nosmetipsos cum illis tibi in sacrificium laudis aeterna offerre mereamur. Per Dominum.

IV.--In honorem omnium Sanctarum Virginum

DA nobis quaesumus, Domine Deus noster, omnium sanctarum Virginem tuarum palmas incessabili devotione venerari: ut quas digna mente non possumus celebrare, humilibus saltem frequentemus obsequiis; tibique, earum imitatione et intercessione, in sanctitate corporis et spiritus digne et laudabiliter servire mereamur. Per Dominum.

INTENDE, quaesumus Domine, munera altaribus tuis, pro omnium sanctarum Virginum tuarum festivitate proposita: ut sicut illis, per haec beata mysteria, dignas puritate et sanctitate sua coronas contulisti; ita, earum intercessione, corda et corpora nostra purificare et sanctificare, tibique in aeternum, velut hostias sanctas et placentes, consecrare et immolare digneris. Per Dominum.

PRAESTA nobis, quaesumus Domine, intercedentibus omnibus sanctis Virginibus tuis: ut quod ore contingimus, pura mente capiamus; tibique omnibus diebus nostris, mundo corde et corpore placere valeamus. Per Dominum.

Appendice

Offices insérés dans les éditions de 1652 et de 1668, et supprimés dans l'édition définitive de 1672.

Appendice