Le XVII de juillet : En la fête de s. alexis, confesseur

En la fête de s. alexis, confesseur 2

Double

Tout du Commun des Confesseurs non Pontifes, excepté ce qu'il y a ici de propre.

Ant. 1. Ad me dictum est verbum absconditum, et quasi furtive suscepit auris mea venas susurri ejus.

Ps. Dixit Dominus, avec les autres du Dimanche, et au lieu du dernier, Laudate Dominum omnes gentes.

---

1. L'indication de cette fête, où il n'y avait de particulier que la mémoire des Saints de Jésus et de Marie, se trouve seulement dans l'édition de 1652.

2. Le Card. de Bérulle avait composé un office en l'honneur de saint Alexis, pour lequel il avait une vénération spéciale, à cause du mépris de ce Saint pour le monde. Le P. Eudes inséra cet office dans le Propre de 1652; mais il le supprima dans les éditions suivantes, comme le firent aussi les Pères de l'Oratoire dans leur édition de 1653, sans doute parce que la fête de ce Saint avait été introduite dans le Bréviaire romain.

2. Regnum coelorum vim patitur, et violenti rapiunt illud

3. Non veni pacem mittere in terram, sed gladium: veni enim separare hominem adversus patrem suum, et adversus matrem suam, et inimici hominis domestici ejus.

4. Fuge, dilecle me, et assimilare capreae hinnuloque cervorum, super montes aromatum

5. Quis dabit mihi pennas sicut columba, et volabo, et requiescam? ecce elongavi fugiens

CAPITULE. Rom. 8

Quis nos separabit a charitate Christi? tribulatio? an angustia? an fames? an nuditas? an periculum? an persecutio? an gladius? (sicut scriptum est: Quia propter te mortificamur tota die: aestimati sumus sicut oves occisionis). Sed in his omnibus superamus, propter eum qui dilexit nos.

A Magnif. Ant Qui vult venire post me, abneget se metipsum, et tollat crucem suam, et sequatur me.

DEUS, qui beato Alexio tribuisti, ut nova mundum arte deluderet, et novo duclus spiritu, per tot annos manens incognitus in domo paterna, se incessanter exinaniret: sicque de mundo, de seipso, de hoste humani generis mirabiliter triumpharet: da nobis amore tui nosmetipsos deserere, Spiritus tui ductum prompte et fideliter sequi; et in hoc sancto studio, ejus ope muniri, cujus admirandis erudimur exemplis. Per Dominum.

Ant. Quare quasi colonus futurus es in terra, et quasi viator declinans ad manendum? Quare futurus es velut vir vagus?.

Ant. Vadam ad montem myrrhae, et ad collem thuris.

Ant. Trahe me post te, curremus in odorem unguentorum tuorum: odor illorum super omnia aromata.

V. Vox turturis audita est. R. In terra nostra

De Epistola prima B. Pauli Apostoli ad Timotheum

Leçon j. Cap. 6

EST autem quaestus magnus pietas cum sufficientia. Nihil enim intulimus in hunc mundum: haud dubium quod nec auferre quid possumus. Habentes autem alimenta et quibus tegamur, his contenti sumus. Nam qui volunt divites fieri, incidunt in tentationem et in laqueum diaboli, et desideria multa inutilia et nociva, quae mergunt homines in interitum et perditionem. Radix enim omnium malorum est cupiditas: quam quidam appetentes, erraverunt a fide, et inseruerunt se doloribus multis.

Leçon ij

Tu autem, o homo Dei, haec fuge: sectare vero justitiam, pietatem, fidem, charitatem, patientiam, mansuetudinem. Certa bonum certamen fidei, apprehende vitam aeternam, in qua vocatus es, et confessus bonam confessionem coram multis testibus. Praecipio tibi coram Deo, qui vivificat omnia, et Christo Jesu, qui testimonium reddidit sub Pontio Pilato, bonam confessionem: ut serves mandatum sine macula, irreprehensibile usque in adventum Domini nostri Jesu Christi: quem suis temporibus ostendet beatus et solus potens, Rex regum et Dominus dominantium: qui solus habet immortalitatem, et lucem inhabitat inaccessibilem, quem nullus hominum vidit, sed nec videre potest: cui honor et imperium sempiternum. Amen.

Leçon iij

Divitibus hujus saeculi praecipe non sublime sapere, neque sperare in incerto divitiarum, sed in Deo vivo (qui praestat nobis omnia abunde ad fruendum) bene agere, divites fieri in bonis operibus, facile tribuere, communicare, thesaurisare sibi fundamentum bonum in futurum, ut apprehendant veram vitam. O Timothee, depositum custodi, devitans profanas vocum novitates, et oppositiones falsi nominis scientiae, quam quidam promittentes, circa fidem exciderunt. Gratia tecum. Amen.

Ant. Si quis venit ad me, et non odit patrem suum, et matrem, et uxorem, adhuc autem et animam suam, non potest meus esse discipulus.

Ant. Qui amat animam suam, perdet eam: et qui odit animam suam in hoc mundo, in vitam aeternam custodit eam.

Ant. Qui non renuntiat omnibus quae possidet, non potest meus esse discipulus.

V. Revertere, revertere, dilecte mi. R. Revertere ut intueamur te

Leçon iv 1

Alexius Romanorum nobilissimus, propter eximium Jesu Christi amorem, prima nocte nuptiarum, relinquens intactam sponsam,illustrium orbis terra Ecclesiarum peregrinationem suscepit. Quibus in itineribus, cum ignotus septemdecim annos fuisset, aliquando apud Edessam Syria urbem, perimaginem sanctissimae Mariae Virginis, ejus nomine divulgato, inde navi discessit. Ad portum Romanum appulsus, a patre suo lanquam alienus pauper hospitio accipitur: apud quem, omnibus incognitus cum decem et septem annos vixisset, relicto scripto sui nominis, sanguinis ac totius vitae cursu, migravit in coelum, Innocentio primo summo Pontifice.

Ex Sermone beati Petri Damiani Episcopi

De S. Alexio Confessore

BEATUS Alexius, dum paternam domum tanquam retrogradus abrenuntiator ingreditur, decepit mundi principem, omnisque fraudis atque malitiae fefellit auctorem. Unde novum martyrii genus, novum praebet in admiratione spectaculum. Martyribus enim carcer erat ____________________

1. Cette 4e Leçon est celle du Bréviaire romain, qui, après nocte nuptiarum, ajoute : peculiari Dei monitu. poena, catena pressura: isti vero propria domus auratis decorata tricliniis, erat materia tentationis. Illos torquebat armata manus carnificum: istum gravius puniebat conspecta quotidie pietas progenitorum. In martyrem quemlibet fremebat horrenda rabies judicis: hunc blanda, mitis atque venusta facies impugnabat uxoris. Martyribus in aula Principum ingerebatur poena tortorum: hic autem in domo proprii juris invisibiliter torquebatur, velut in area tribunatis. Illis fuerat poena supplicium: huic e contrario blandimenta tormentum. Lazarus plane, qui jacebat ad januam divitis, invitus esuriebat, et cadentes de mensa micas, qua tamen sibi minime dabantur, optabat: unde potioris proculdubio meriti fuit pauper iste, quam Lazarus. Ille nimirum non modo parum quid accipere, sed et saturari, sicut veritas perhibet, cupiebat, cui tamen alimenta nemo misericorditer indulgebat: iste vero, cum sibi sumptuosa divitiarum omnium copia ultro suppeteret, cum omnis hujus mundi gloria se sibi, si dignaretur, gratis offerret, imo etiam nolenti se violenter ingereret, omnia repulit, cuncta contempsit, irrevocabiliter adversatus abjecit. O strenuum Christi militem! o prorsus invictum et nimis insignem coelestis militia bellatorem!

Lecon vj

Igitur beatus Alexius, cum terrena quaeque dimisit, cum opes omnes atque divitias paterni juris abjecit, superna jussionis mandata complevit: cum vero ad propria rediit, abrenuntiator egregius metam proculdubio divina legis excessit. Et quia mensuram bonam, et confertam, et coagitatam in sinum suum electi quique recipiunt, et unusquisque propriam mercedem recipit secundum suum laborem: immensurabilem hic possidet gloriam, qui non tenuit in labore mensuram. Et qui Evangelicam regulam in sui certaminis agone transcendit, supereminens pretium de manu justi remuneratoris accepit. Ipse quippe factus est praemium retributionis, qui fuerat causa certaminis: et qui fuerat auctor pugna, factus est corona victoria Jesus Christus Dominus noster, qui cum Patre et Spiritu sancto vivit et regnat in saecula saeculorum. Amen.

Ant. Aquae multae non potuerunt extinguere charitatem, nec flumina obruent illam.

Ant. Si dederit homo omnem substantiam domus suae pro dilectione, quasi nihil despiciet eam.

Ant. Fortis est ut mors dilectio: dura sicut infernus aemulatio.

V. Vox ejus non audietur foris. R. Sedebit solitarius et tacebit

Lectio sancti Evagelii secundum Matthaeum.

Leçon vij. Cap. 19

IN illo tempore, dixit Simon Petrus ad Jesum: Ecce no reliquimus omnia, et secuti sumus te: quid ergo erit nobis? Et reliqua.

Homilia sancti Ambrosii Episcopi

Enarr. in Psal. 118

ECCE nos reliquimus omnia, et secuti sumus te, hoc est: Non quaesivimus quae saeculi sunt, non quaesivimus partem de possessionibus, sed te elegimus portionem. Reliquisti ergo omnia, Petre, quae habebas; unde habes quod habere te dicis? Surgit claudus, sono sermonis tui erigitur. Sanitatem aliis donas, qui indigebas ipse tua salutis auxilio. Reliquisti ergo qua habebas, et cepisti quae non habebas. Christus tibi portio, Christus tibi possessio est. Illius nomen tibi munificum, illius nomen tibi est fructuosum: illius nomen tibi tributa dependit, et bona tributa, non pecunia, sed gratia. Portio tua non ariditate siccatur, non imbre diluitur, non frigore uritur, non tempestate quassatur. Per diem sol non uret te, neque luna per noctem. Serva portionem quam elegisti: ea est enim portio quam terrenae partes aequare non possunt. Quid enim est quod conferri possit his de quibus Deus dicit: Et inhabitabo in illis? Quid magnificentius hospite coelesti? Quid beatius possessione divina? Et deambulabo, inquit, inter eos. Alii queruntur de sui ruris angustiis: in te Deo est ampla possessio, in quo deambulare se dicit, hoc est, laxa spatia habitationis inveniens, qui terram includit manu. Sic enim scriptum est: Quis mensus est manu aquam, et coelum palmo, et universam terram clausa manu? Cui mundus angustus est, tu ei ampla es domus.

Portio, inquit, mea Dominus. Aliis verbis quam bene dixit hoc Paulus, ostendens nullam habere se in hoc saeculo portionem; sic enim scriptum est: Usque ad hanc horam et esurimus, et sitimus, et nudi sumus, et colaphis vapulamur, et instabiles sumus, et laboramus operando manibus nostris. Maledicimur, et benedicimus; persecutionem patimnr, et sustinemus; blasphemamur, et obsecramus. Tanquam purgamenta hujus mundi facti sumus, omnium lustramenta usque adhuc. Fortasse moveat quod purgamentum se esse dixit. Non enim est, sed saecularibus videtur, qui putant summam in divitiis esse gloriam vel decorem. Nonne isti universos purgamenta esse putant, quicumque illis obsequuntur propter divitias, et mirantur eos propter opes, timent propter potentiam, laudant propter nobilitatem? Sed haec omnia Paulus detrimenta magis putabat esse, quam commoda. Ideoque ait: Quae mihi lucra fuerunt, haec dixi propter Christum detrimenta esse, propter eminentem scientiam Christi Jesu Domini mei, propter quem omnium detrimentum passus sum, et aestimo ut stercora, ut Christum lucrifaciam.

FREQUENTER enim aestimatur pauper, ille irridendus et execrandus, propter illuviem vestium, aut vulnerum cicatrices, eo quod in terra nullam habeat portionem, et tamen portio ejus in coelo est. Anima ejus ibi sibi patrimonium collocavit, quia audivit Jesum dicentem: Nolite thesaurum vobis condere in terra; sed thesaurum vobis, inquit, condite in coelo. Sed hoc divites audire non possunt. Clausas aures habent, et sono aeris obtusas: nummus magis illis resonat, quam verba divina.

Te Deum.

Ant. 1. Ad Jesum venit quidam Princeps, et dixit ei: Domine, quid faciens vitam aeternam possidebo? Et respondit ei Jesus: Si vis ad vitam ingredi? serva mandata.

Ps. Dominus regnavit, avec les autres.

2. Et ille dives respondit Jesu: Domine, haec omnia custodivi a juventute mea; et intuitus eum Jesus dilexit eum

3. Respondit Jesus: Unum tibi deest. Si vis perfectus esse, vade, vende quae habes, et da pauperibus, et habebis thesaurum in coelo

4. Hoc audito, non tristis, sed latus abiit Alexius, et omnia vendidit; seipsum et sua omnia pro Jesu dereliquit. Quid ergo erit illi?

5. Pars mea Dominus, dixit anima mea; propterea expectabo eum

A Bened. Ant. Si quis vult post me venire, abneget semetipsum, et tollat crucem suam quotidie, et sequatur me.

Aux secondes Vêpres, tout comme aux premières.

Missa in festo s. alexii, confessoris

INTROITUS. Psal. 36

Os justi meditabitur sapientiam; et lingua ejus loquetur judicium: lex Dei ejus in corde ipsius. Ps. Noli aemulari in malignantibus: neque zelaveris facientes iniquitatem. V. Gloria Patri. Os justi.

DEUS, qui beato Alexio tribuisti, ut nova mundum arte deluderet, et novo ductus spiritu, per tot annos manens incognitus in domo paterna, se incessanter exinaniret; sicque de mundo, de seipso, de hoste humani generis mirabiliter triumpharet: da nobis, amore tui, nosmetipsos deserere, Spiritus tui ductum prompte et fideliter sequi; et in hoc sancto studio, ejus ope muniri, cujus admirandis erudimur exemplis. Per Dom... in unitate ejusdem:

Lectio Epistola Beati Pauli Apostoli ad Timotheum

(1 Tim. 6)

Charissime, Est quaestus magnus... vitam aeternam. Ut in Missali romano, in festo S. Alexii, die 17 Julii.

Graduale et Alleluia ut in Missali.

Evangelium. Ecce nos reliquimus omnia, ut in Missali.

Domine JESU, qui sublimitatem incarnatae Divinitatis tua, in terris sub pauperis, privata et incognita vitae velamine; et in altari sub vilibus panis et vini speciebus occultare et exinanire voluisti; et hanc vitam tuam singulari gratia privilegio in beato Alexio exprimere et honorare dignatus es: da nobis gratiae tuae potentiam experiri, et sic tibi in humilitate conformari in terris, ut tibi conregnare mereamur in coelis. Qui vivis et regnas.

Communio. Beatus servus, ut in Missali.

Postcommunio

VIVIFICET nos quaesumus, Domine Jesu, Sacramenti quod sumpsimus virtus et operatio, ut qui sapientiae tuae Sanctis tuis adinventiones colimus, beato Alexio Confessore tuo intercedente, eorum quoque exempla imitari mereamur. Qui vivis.