Le XI d'octobre : En la fête de saint siméon, confesseur (2)

Hymne

ATTOLLE palmas, Simeon, Fer pondus hoc levissimum: Tenella sunt hic omnia, Hoc est onus dulcissimum.

Hunc, quem Prophetae nuntiant, Tuo sinu complecteris: Mirare quam sit parvulus Qui jussa dat Coelestibus.

Desideratum gentibus Charis foves amplexibus: Mirare quam sit abditus Deus Deorum maximus.

Quam sit vides dulcissimus Natus Parentis Virginis, Summique Patris Unicus, Tenes tuis quem brachiis.

Tantae salutis pignora Ulnis sacris amplectere: Hauri, Senex, mysteria Infantis almo pectore.

Oloris instar occidens, Ex corde toto concine: Vivat Maria, Filius, Josephque vivat inclytus! _______________________________

Attolle, Senex, brachia, Gusta quam suavissimus Fer onus hoc levissimum: Patris sit Unigenitus, Tenella sunt hic omnia, Mariae Primogenitus, Pondus est suavissimum. Quem tuis tenes manibus. Hunc, quem Propheta nuntiant, Piis ulnis amplectere Tuis vides in manibus: Tanta salutis pignora: Mirare quam sit parvulus Ex infantili pectore, Coeli coelorum Dominus! Senex, hauri mysteria. Hunc,quem suspirat Israel, Velut olor, dulcisonis Charis foves amplexibus: Expirans cane modulis: Mirare quam absconditus Vivat Jesus et Maria, Deus Deorum maximus. Vivat Joseph in saecula!

Infans, Paterna gloria, Matrisque summa gaudia, Semper tuos da servulos Parvum sequi te parvulos Infans, tibi; Rex gloriae, Virtus, honos et gratiae: Creata laudes omnia Tibi canant in saecula. Amen.

V. Viderunt oculi mei Salutare tuum. R. Quod parasti ante faciem omnium populorum

A Magnif. Ant. Cum inducerent puerum Jesum parentes ejus, accepit eum Simeon in ulnas suas, et benedixit Deum dicens: Nunc dimittis servum tuum in pace.

Missa in festo s. simeonis confessoris

Introitus (ps. 91)

JUSTUS ut palma florebit: Sicut cedrus Libani multiplicabitur: plantatus in domo Domini, in atriis domus Dei nostri. Ps. Bonum est confiteri Domino, et psallere nomini tuo, Altissime. p. Gloria Patri. Justus.

Oratio

DOMINE JESU CRRISTE, quem venerabilis senex Simeon, lumine Spiritus sancti illustratus, in templo praesentatum agnovit, suscepit et benedixit: praesta, ut ope ejusdem beati Simeonis adjuti, et ejusdem Spiritus sancti gratia illuminati et edocti. te veraciter agnoscamus, ardenter diligamus, et fideliter sequamur. Qui cum Deo Patre vivis et regnas, in unitate ejusdem. _____________________________ Infans Jesu, Patris honor, Sit laus tibi, Rex gloriae, Infans Jesu, Matris amor, Cujus summae potentiae Fac tuos semper famulos Genu flectatur omnium, Te parvum sequi parvulos. Et nunc et in perpetuum.

Lectio libri Sapientia. (Eccli. 39)

JUSTUS cor suum tradet ad vigilandum diluculo, :ad Dominum qui fecit illum, et in conspectu Altissimi deprecabitur. Aperiet os suum in oratione, et pro delictis suis deprecabitur. Si enim Dominus magnus voluerit, spiritu, intelligentiae replebit illum: et ipse tanquam imbres mittet eloquia sapientiae suae, et in oratione confitebitur Domino: et ipse diriget consilium ejus, et disciplinam, et in absconditis suis consiliabitur. Ipse palam faciet disciplinam doctrina sua, et in lege testamenti Domini gloriabitur. Collaudabunt multi sapientiam ejus, et usque in saeculum non delebitur. Non recedet memoria ejus, et nomen ejus requiretur a generatione in generationem. Sapientiam ejus enarrabunt gentes, et laudem ejus enuntiabit Ecclesia.

Graduale (Luc. 2.) Nunc dimittis servum tuum, Domine, secundum verbum tuum in pace ; quia viderunt oculi mei Salutare tuum. V. Quod parasti ante faciem omnium populorum.

Alleluia, alleluia. Lumen ad revelationem gentium, et gloriam plebis tua Israel. Alleluia.

Sequentia sancti Evangelii secundum Lucam (Cap. 2)

IN illo tempore: Postquam impleti sunt dies purgationis Mariae secundum legem Moysi, tulerunt illum in Jerusalem, ut sisterent eum Domino; sicut scriptum est in lege Domini: Quia omne masculinum adaperiens vulvam, sanctnm Domino vocabitur; et ut darent hostiam, secundum quod dictum est in lege Domini, par turturum, aut duos pullos columbarum. Et ecce homo erat in Jerusalem, cui nomen Simeon, et homo; iste justus et timoratus, expectans consolationem Israel, et Spiritus sanctus erat in eo. Et responsum acceperat a Spiritu sancto, non visurum se mortem, nisi prius videret Christum Domini. Et venit in spiritu in templum. Et cum inducerent puerum Jesum parentes ejus, ut facerent secundum consuetudinem legis pro eo: et ipse accepit eum in ulnas suas, et benedexit eum, et dixit: Nunc dimittis servum tuum, Domine, secundum verbum tuum in pace: Quia viderunt oculi mei Salutare tuum, quod parasti ante faciem omnium populorum; lumen ad revelationem gentium, et gloriam plebis tuae Israel.

Offertorium (Ps. 20.) In virtute tua Domine, laetabitur justus, et super salutare tuum exultabit vehementer: desiderium animae ejus tribuisti ei.

LAUDIS tibi, Domine, hostias immolamus, in tuorum commemoratione Sanctorum: quibus nos et praesentibus exui malis confidimus, et futuris. Per Dominum.

Communio (Luc 2.) Nunc dimittis servum tuum, Domine, secundum verbum tuum in pace: quia viderunt oculi mei salutare tuum. Alleluia.

REFECTI cibO potuque coelesti, Deus noster, te supplices exoramus: ut in cujus haec commemoratione percepimus, ejus muniamur et precibus. Per Dominum.