Caput XVI. Reffellitur error Joannis Pansiensis

Sextus error Joannis Parisiensis iisdem argumentis refellitur, quibus error praecedens Ituperti: et praeterea habet aliud majus incommodum, quod vult panem immediate assumi a corporeDomini. Multi enimnon sine causa dubitant an possit fieri, ut creatura creaturam hypostatice assumat. Et praeterea corpus Domini in Christo caret propria personalitate; quomodo igitur poterit aliis communicare, quod in se non habet?

Sed nec obtinet iste error, quod cupit, nimirum, ut possit dici vere: Panis est corpus, et non cogamur admittere, panem esse Deum. Nam adhuc posita illa assumptione panis a Vpybo mediante corpore Christi, non est vera propositio, Panis est corpus: siquidem corpus, ut hic sumitur, est pars quaedam naturae humanae, et proinde non potest praedicari, vel de toto, vel de altera parte coassumpta. Sicut enim non dicimus: Deus est corpus Christi, nec Divinitas est corpus Christi, sed solum, Deus est homo / ita non posset dici, Panis est corpus Christi, vel essentia panis est corpus Christi; licet in eodem supposito subsisterent. Quomodo etiam non dicimus, Digitus est manus, vel annulus est digitus; licet digitus mediante manu in corpore subsistat, et annulus mediante digito sit in manu. Et praeterea posita illa assumptione, poterit omnino vere dici,

panis est Deus, et Deus est panis; quod est alterum incommodum, quod Joannes ille vitare cupiebat. Nam licet panis a Ycrbo assumatur mediante solo corpore Christi: tamen quia Yerbum indivisibile est, a toto Yerbo assumitur, et in toto Verbo subsistit ille panis, perinde plane, ac si mediante tota humanitate Christi assumeretur; quare vere dicetur Deus Verbum esse panis. Nec similitudo fEthiopis repugnat: nam si candor, qui est in dentibus yEthiopis, mediantibus dentibus in toto corpore existeret, totus JEthiops diceretur candidus. Yide plura apud Durandum in iv. dist. 10. qusest. i.